ಪ್ಲಾಸ್ಟಿಕ್ನಿಂದ ಉಂಟಾಗುತ್ತಿರುವ ತೊಂದರೆಗಳು ಒಂದಲ್ಲಾ ಎರಡಲ್ಲ. ಪ್ರಕೃತಿಯನ್ನು ನಾಶ ಮಾಡುತ್ತಿರುವ ಮಹಾಮಾರಿಗಳಲ್ಲಿ ಈ ಪ್ಲಾಸ್ಟಿಕ್ ಕೂಡಾ ಒಂದು. ಪ್ಲಾಸ್ಟಿಕ್ ನಿಲ್ಲಿಸುವಂತೆ ಮನವಿ ಮಾಡುತ್ತಿದ್ದರೂ ಇನ್ನೂ ಇದರ ಬಳಕೆ ನಿಂತಿಲ್ಲ.
ಪ್ಲಾಸ್ಟಿಕ್ ನಿರ್ಮೂಲನೆ ಜಾಗೃತಿಗೆ ತಯಾರಾಯ್ತು 'ಎ ಟೇಲ್ ಆಫ್ ವಂದೇ ಮಾತರಂ' ಆಲ್ಬಂ..
ಯತೀಶ್ ರೈ ವೋರ್ಕಡಿ, ಡ್ಯಾನಿಯಲ್ ಹಾಗೂ ಸುಹಿತ್ ಪರಿಕಲ್ಪನೆಯೊಂದಿಗೆ ಮೂಡಿ ಬಂದಿರುವ ಈ ಆಲ್ಬಂನಲ್ಲಿ ಶೃತಿ ಜೈನ್ ಭೂಮಿ ಆಗಿ, ಸತ್ಯಮಂಜ ದೈವ ಆಗಿ ನಟಿಸಿದ್ದಾರೆ. ಬಂಕಿಮ್ ಚಂದ್ರ ಚಟರ್ಜಿ ಅವರ 'ವಂದೇ ಮಾತರಂ' ಗೀತೆಯನ್ನು ಈ ಆಲ್ಪಂಗೆ ಬಳಸಿಕೊಳ್ಳಲಾಗಿದೆ.
ಎ ಟೇಲ್ ಆಫ್ ವಂದೇ ಮಾತರಂ
ಇನ್ನು, ಪ್ಲಾಸ್ಟಿಕ್ನಿಂದ ಉಂಟಾಗುವ ಅನಾಹುತಗಳ ಬಗ್ಗೆ ಅರಿವು ಮೂಡಿಸುವ ನಿಟ್ಟಿನಲ್ಲಿ ಎಷ್ಟೋ ಜಾಗೃತಿ ಕಾರ್ಯಕ್ರಮಗಳು ಜರುಗಿವೆ. ಇದೀಗ ದಕ್ಷಿಣ ಕನ್ನಡದ 'ಲೈಫ್ ಲೈಕ್' ಎಂಬ ತಂಡವೊಂದು 'ಕ್ಲೀನ್ ಕುಂದಾಪುರ ಪ್ರಾಜೆಕ್ಟ್' ಅಭಿಯಾನದೊಂದಿಗೆ ಕೈ ಜೋಡಿಸಿ ಪ್ಲಾಸ್ಟಿಕ್ ನಿರ್ಮೂಲನೆ ಬಗ್ಗೆ ಜಾಗೃತಿ ಮೂಡಿಸಲು ಮುನ್ನುಡಿ ಇಟ್ಟಿದೆ. ಇದರ ಅಂಗವಾಗಿ 'ಎ ಟೇಲ್ ಆಫ್ ವಂದೇ ಮಾತರಂ' ಎಂಬ ಮ್ಯೂಸಿಕ್ ಆಲ್ಬಂ ಒಂದನ್ನು ಈ ತಂಡ ಹೊರತಂದಿದೆ. ಯತೀಶ್ ರೈ ವೋರ್ಕಡಿ, ಡ್ಯಾನಿಯಲ್ ಹಾಗೂ ಸುಹಿತ್ ಪರಿಕಲ್ಪನೆಯೊಂದಿಗೆ ಮೂಡಿ ಬಂದಿರುವ ಈ ಆಲ್ಬಂನಲ್ಲಿ ಶೃತಿ ಜೈನ್ ಭೂಮಿ ಆಗಿ, ಸತ್ಯಮಂಜ ದೈವ ಆಗಿ ನಟಿಸಿದ್ದಾರೆ. ಬಂಕಿಮ್ ಚಂದ್ರ ಚಟರ್ಜಿ ಅವರ 'ವಂದೇ ಮಾತರಂ' ಗೀತೆಯನ್ನು ಈ ಆಲ್ಪಂಗೆ ಬಳಸಿಕೊಳ್ಳಲಾಗಿದೆ.
ಯತೀಶ್ ರೈ ವೋರ್ಕಡಿ ಈ ಆಲ್ಬಂಗೆ ನಿರ್ದೇಶನ ಮಾಡಿದ್ದಾರೆ. ಅಕ್ಷತಾ ವಿ. ಹಾವಂಜೆ ಈ ಗೀತೆಯನ್ನು ಹಾಡಿದ್ದಾರೆ. 'ಪ್ಲಾಸ್ಟಿಕ್ ವಿರುದ್ಧ ಹೋರಾಡಿ ಸೋತ ಭೂಮಿಯನ್ನು ಪ್ಲಾಸ್ಟಿಕ್ ಎಂಬ ಮಾರಿ ಸುತ್ತುವರೆದು ಬಂಧಿಸಿರುವಾಗ ಆಕೆಯನ್ನು ಕಾಪಾಡಲು ದೈವ ನಾನಾ ಪ್ರಯತ್ನ ಮಾಡುತ್ತದೆ. ಈ ಕಾನ್ಸೆಪ್ಟನ್ನು ಆಲ್ಬಂನಲ್ಲಿ ಸುಂದರವಾಗಿ ತೋರಿಸಲಾಗಿದೆ. ಛಾಯಾಗ್ರಹಣ ಕೂಡಾ ಯತೀಶ್ ಅವರೇ ಮಾಡಿದ್ದಾರೆ. ಈ ಆಲ್ಬಂಗೆ ಭಾರೀ ಪ್ರಶಂಸೆ ವ್ಯಕ್ತವಾಗಿದೆ. 'ಪ್ಲಾಸ್ಟಿಕ್ ನಿರ್ಮೂಲನೆಯಲ್ಲಿ ಎಲ್ಲರೂ ಕೈ ಜೋಡಿಸಿ, ಪ್ಲಾಸ್ಟಿಕ್ ಬಳಸುವುದನ್ನು ತಡೆಗಟ್ಟಿ ಎಂಬುದು ಈ ಆಲ್ಬಂ ಉದ್ದೇಶ ಆಗಿದೆ.