ಬೆಂಗಳೂರು:ಅನಾರೋಗ್ಯದಿಂದ ಇಂದು ನಿಧನರಾದ ಕನ್ನಡ ಚಿತ್ರರಂಗದ ಹಿರಿಯ ನಟ ರಾಜೇಶ್ ಅವರ ಅಂತ್ಯಕ್ರಿಯೆಯು ಗೋವಿಂದಪುರದಲ್ಲಿ ನಡೆಯಲಿದೆ ಎಂದು ಅವರ ಅಳಿಯ ಹಾಗೂ ನಟ ಅರ್ಜುನ್ ಸರ್ಜಾ ಮಾಹಿತಿ ನೀಡಿದ್ದಾರೆ.
ಹಿರಿಯ ನಟ ರಾಜೇಶ್ ಅಂತ್ಯಕ್ರಿಯೆ ಜಾಗ ನೀಡಿದ ಅಭಿಮಾನಿಗೆ ಸರ್ಜಾ ಧನ್ಯವಾದ ಅರ್ಪಿಸಿದರು
ರಾಜೇಶ್ ಅವರ ಅಭಿಮಾನಿಸಿದ್ದಲಿಂಗಯ್ಯ ಎಂಬುವರು ಅಂತ್ಯಕ್ರಿಯೆಗಾಗಿ ತಮ್ಮ 10 ಗುಂಟೆ ಜಾಗವನ್ನು ನೀಡಿದ್ದಾರೆ. ಜಾಗಕ್ಕೆ ಹಣ ತೆಗೆದುಕೊಳ್ಳಲು ಎಷ್ಟೇ ಕೇಳಿದರೂ ಅವರು ಸ್ವೀಕರಿಸಲಿಲ್ಲ. ಈ ಹಿಂದೆ ಅನೇಕ ಸಲ ರಾಜೇಶ್ ಅವರು ಸಿದ್ದಲಿಂಗಯ್ಯರ ಮನೆಗೆ ತೆರಳಿದ್ದರು. ಅಭಿಮಾನದ ರೂಪದಲ್ಲಿ ಹೊನ್ನಮ್ಮ ಎಂಬುವರ ಮಗ ಸಿದ್ದಲಿಂಗಯ್ಯ ಈ ಜಾಗ ನೀಡಿದ್ದಾರೆ. ಅವರಿಗೆ ನಾವು ಧನ್ಯವಾದ ತಿಳಿಸುತ್ತೇವೆ ಎಂದು ಅರ್ಜುನ್ ಸರ್ಜಾ ಹೇಳಿದ್ದಾರೆ.