100 Cr ಕೇಕ್ ಕತ್ತರಿಸಿದ ಚಾಲೆಂಜಿಂಗ್ ಸ್ಟಾರ್: ಯಾಕೆ ಗೊತ್ತಾ?

ದರ್ಶನ್ ಅಭಿನಯದ 50ನೇ ಸಿನಿಮಾ ಕುರುಕ್ಷೇತ್ರ ಕನ್ನಡ ಚಿತ್ರರಂಗದಲ್ಲೇ ಹೊಸ ದಾಖಲೆ ನಿರ್ಮಿಸಿದೆ. ಈ ಹಿನ್ನೆಲೆಯಲ್ಲಿ ಚಾಲೆಂಜಿಂಗ್​ ಸ್ಟಾರ್​ ದರ್ಶನ್​ ಹಾಗೂ ಇಡೀ ಚಿತ್ರ ತಂಡಕ್ಕೆ ಕೀರ್ತಿ ತಂದುಕೊಟ್ಟಿದೆ. ಇದೀಗ ಚಿತ್ರ 25ನೇ ದಿನಕ್ಕೆ ಕಾಲಿಡುತ್ತಿದ್ದು, ಅಭಿಮಾನಿಗಳು ದಾಸನಿಂದ 100 Cr ಕೇಕ್ ಕತ್ತರಿಸಿ ಸಂಭ್ರಮಿಸಿದ್ದಾರೆ.

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ 50ನೇ ಸಿನಿಮಾ ಕುರುಕ್ಷೇತ್ರ ರಿಲೀಸ್​​ ಆಗಿ ಬಾಕ್ಸ್ ಆಫೀಸ್​​ನ್ನು ಧೂಳೆಬ್ಬಿಸ್ತಿದೆ. ರಿಲೀಸ್ ಆದ ಎಲ್ಲಾ ಚಿತ್ರಮಂದಿರಗಳಲ್ಲಿ ಯಶಸ್ವಿ ಪ್ರದರ್ಶನ ಕಾಣುತ್ತಿರುವ ಕುರುಕ್ಷೇತ್ರ ಸಿನಿಮಾ, ಫಸ್ಟ್ ಡೇ 14 ಕೋಟಿ ಕಲೆಕ್ಷನ್‌ ಮಾಡುವ ಮೂಲಕ ಬಾಕ್ಸ್ ಆಫೀಸ್‌ನಲ್ಲೂ ಭರ್ಜರಿ ಸೌಂಡ್​ ಮಾಡಿತ್ತು.

ಕೇಕ್ ಕತ್ತರಿಸಿ ಸಂಭ್ರಮಿಸಿದ ಡಿ-ಬಾಸ್​ ಹಾಗು ಅಭಿಮಾನಿಗಳು

ಇದೀಗ 25ನೇ ದಿನದತ್ತ ಮುನ್ನಗ್ಗುತ್ತಿರುವ ಕುರುಕ್ಷೇತ್ರ ಸಿನಿಮಾ, ದರ್ಶನ್ ಸಿನಿಮಾ ಕರಿಯರ್​ನಲ್ಲಿ ಹೊಸ ಅಧ್ಯಾಯ ಬರೆದಿದೆ. ಬಾಕ್ಸ್ ಆಫೀಸ್ ಸುಲ್ತಾನ್ ಹೆಸರಿಗೆ ತಕ್ಕಂತೆ ಕುರುಕ್ಷೇತ್ರ ಸಿನಿಮಾ ಹೊಸ ರೆಕಾರ್ಡ್ ಬರೆದಿದೆ. ಬಹುಭಾಷೆಯಲ್ಲಿ ತೆರೆಕಂಡಿರೋ ಕುರುಕ್ಷೇತ್ರ, ಸಿನಿಮಾ ಗಲ್ಲಾ ಪೆಟ್ಟಿಗೆಯಲ್ಲಿ 100 ಕೋಟಿ ಕ್ಲಬ್​ ಸೇರುವತ್ತ ಸಾಗಿದೆ.

ಈ ಖುಷಿಯನ್ನ ಬೆಂಗಳೂರಿನ ಫ್ಯಾನ್ಸ್ ಮತ್ತಷ್ಟು ದುಪ್ಪಟ್ಟು ಮಾಡಿದ್ದಾರೆ. ಕುರುಕ್ಷೇತ್ರ ಚಿತ್ರ 100 ಕೋಟಿ ಕ್ಲಬ್ ಸೇರುತ್ತಿರುವ ಹಿನ್ನೆಲೆ 100 ಕೆಜಿ ಕೇಕ್​​ಗೆ 100 Cr ಅಂತಾ ಬರೆಸಿರೋ ಕೇಕ್‌ ದುರ್ಯೋಧನನ ಕೈಯಿಂದ ಕತ್ತರಿಸಿ ಸಂಭ್ರಮಿಸಿದ್ದಾರೆ.