ಸಿನಿಮಾ ಸೆಲಬ್ರಿಟಿಗಳ ಹುಟ್ಟುಹಬ್ಬಕ್ಕೆ ಅವರ ಹೊಸ ಸಿನಿಮಾ ಘೋಷಣೆಯಾಗಲಿ, ಟೀಸರ್, ಟ್ರೇಲರ್ ಬಿಡುಗಡೆಯಾಗಲಿ ಅಥವಾ ಹೊಸ ಸಿನಿಮಾ ಹಾಡುಗಳನ್ನು ಬಿಡುಗಡೆ ಮಾಡುವುದು ಸಹಜ. ಇದೀಗ ರಮೇಶ್ ಅರವಿಂದ್ ಹುಟ್ಟುಹಬ್ಬಕ್ಕೆ ಕೂಡಾ '100' ಸಿನಿಮಾದ ಹಾಡೊಂದನ್ನು ಬಿಡುಗಡೆ ಮಾಡಲಾಗುತ್ತಿದೆ.
ಸೆಪ್ಟೆಂಬರ್ 10 ರಂದು ರಮೇಶ್ ಅರವಿಂದ್ ಹುಟ್ಟುಹಬ್ಬ. ಸರಳ ಸ್ವಭಾವದ ರಮೇಶ್ ಅರವಿಂದ್ ನಟ, ನಿರ್ದೇಶಕ, ನಿರೂಪಕರಾಗಿ ಕೂಡಾ ಹೆಸರು ಮಾಡಿದವರು. ಇಂಜಿನಿಯರಿಂಗ್ ಮುಗಿಸಿ 'ಐ ಲೈಕ್ ಸೌಂಡ್ ಆಫ್ ಕ್ಲಾಪ್, ನಾಟ್ ಮೆಷಿನ್ಸ್' ಎಂದು ಇಂಜಿನಿಯರಿಂಗ್ ವೃತ್ತಿಗೆ ಹೋಗದೆ ಚಿತ್ರರಂಗಕ್ಕೆ ಬಂದವರು. ತಮ್ಮ ಆಪ್ತ ಸ್ನೇಹಿತ, ತಮಿಳಿನ ಖ್ಯಾತ ನಟ ಕಮಲ್ ಹಾಸನ್ ಅವರನ್ನು ನಾಯಕನನ್ನಾಗಿಸಿ 'ಉತ್ತಮ ವಿಲನ್'ನಂತ ಚಿತ್ರವನ್ನು ನಿರ್ದೇಶಿಸಿದವರು ರಮೇಶ್ ಅರವಿಂದ್. ನಾಳೆ ರಮೇಶ್ ಅರವಿಂದ್ 56ನೇ ವರ್ಷಕ್ಕೆ ಕಾಲಿಡುತ್ತಿದ್ದಾರೆ. ಈ ಬಾರಿ ಅವರು ಕುಟುಂದೊಂದಿಗೆ ಬಹಳ ಸಿಂಪಲ್ ಆಗಿ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ.