ಅಕ್ಷಯ್​ಗೆ 5 ವರ್ಷ ಕಿರಿಯಳಾದರೂ ತಾಯಿ ಪಾತ್ರ ಮಾಡಿದ್ದ ಶೆಫಾಲಿ: ಮುಂದೇನಾಯ್ತು!

ವೆಬ್ ಸರಣಿ ದೆಹಲಿ ಕ್ರೈಮ್​ನಲ್ಲಿ ಲೀಡ್​ ರೋಲ್​ನಲ್ಲಿ ಅಭಿನಯಿಸಿದ್ದ ಶೆಫಾಲಿ ಷಾ ತನ್ನ ವೃತ್ತಿಬದುಕಿನಲ್ಲಾದ ಕೆಲ ಘಟನೆಗಳನ್ನು ಮೆಲುಕು ಹಾಕಿಕೊಂಡಿದ್ದಾರೆ.

ಹೈದರಾಬಾದ್: ಶೆಫಾಲಿ ಷಾ ತನ್ನ ಚಿತ್ರಗಳಲ್ಲಿ ಪಾತ್ರದ ತೂಕವನ್ನು ಲೆಕ್ಕಿಸದೇ ಯಾವಾಗಲೂ ಉತ್ತಮ ನಟಿಯಾಗಿ ಮೆಚ್ಚುಗೆ ಪಡೆದಿದ್ದಾರೆ. ಜ್ಯೂಸ್, ನೆಟ್‌ಫ್ಲಿಕ್ಸ್ ಡ್ರಾಮಾ ಒನ್ಸ್ ಎಗೇನ್ ಮತ್ತು ವೆಬ್ ಸರಣಿ ದೆಹಲಿ ಕ್ರೈಮ್ ಎಂಬ ಚಿತ್ರಗಳಲ್ಲಿ ನಟಿಸಿ ಜನಮನ ಗೆದ್ದಿದ್ದಾರೆ. ತಾಯಿಯ ಪಾತ್ರಗಳನ್ನು ಹೊರತುಪಡಿಸಿ ಚಲನಚಿತ್ರ ನಿರ್ಮಾಪಕರು ಅವರಿಗೆ ಬೇರೆ ಅವಕಾಶ ನೀಡಲು ಸಿದ್ಧರಿಲ್ಲದಿದ್ದಾಗ ಸುಮಾರು ಒಂದು ದಶಕದ ಹತಾಸೆಯ ನಂತರವೇ ಅವರ ವೃತ್ತಿಜೀವನದಲ್ಲಿ ರೋಚಕ ಘಟನೆಗಳು ನಡೆದಿದೆ.

ಒಂದು ಕಾಲದಲ್ಲಿ ತಾಯಿಯ ಪಾತ್ರಗಳಲ್ಲಿ ಮಾತ್ರ ಕಾಣಿಸಿಕೊಳ್ಳುತ್ತಿದ್ದ ಅವರು ಸಂದರ್ಶನದಲ್ಲಿ ಮಾತನಾಡಿದ್ದು, 2005 ರ ವಕ್ತ್ ಸಿನಿಮಾದಲ್ಲಿ ನನಗಿಂತ 5 ವರ್ಷ ಹಿರಿಯರಾದ ನಟ ಅಕ್ಷಯ್​ ಕುಮಾರ್​ ಜೊತೆ ನಟಿಸಿದಾಗ ನನ್ನ ವ್ಯಕ್ತಿತ್ವವು ವಿಭಿನ್ನವಾಗಿ ಗೋಚರಿಸಿತು" ಎಂದಿದ್ದಾರೆ.

ಇನ್ನು ವೃತ್ತಿಜೀವನದ ವಿರಾಮದ ಬಗ್ಗೆ ಮಾತನಾಡುತ್ತಾ "ಸ್ವಲ್ಪ ಸಮಯದವರೆಗೆ ಆ ಹಂತವು ನನ್ನನ್ನು ನಿರಾಸೆಗೊಳಿಸಿತು. ನಾನು ಮಾಡಿದ ಕೆಲಸವನ್ನು ಜನರು ಮೆಚ್ಚಿದ್ದರಿಂದ ಆ ಭಾವನೆ ಬಂದಿರಬಹುದು. ಆದರೆ, ಅದು ಎಂದಿಗೂ ಕೆಲಸದ ವಿಷಯಕ್ಕೆ ಸಮಸ್ಯೆ ಉಂಟುಮಾಡಿಲ್ಲ. ಇದಾದ ಬಳಿಕ ನಾನು ಮಾಡಲು ಬಯಸುವ ಕೆಲಸವು ವಿರಳವಾಗಿ ಬರುತ್ತದೆ ಎಂದು ನಾನು ಅರ್ಥಮಾಡಿಕೊಳ್ಳಲು ಮುಂದಾದೆ. ಇದರರ್ಥ ನಾನು ಎರಡು ವರ್ಷಗಳ ಕಾಲ ಮನೆಯಲ್ಲಿ ಕುಳಿತುಕೊಳ್ಳಬೇಕು. ಅದು ನನಗೆ ಅವಶ್ಯಕ" ಎಂದು ಹೇಳಿದ್ದಾರೆ.

"ವಕ್ತ್‌ನಲ್ಲಿ ತಾಯಿಯ ಪಾತ್ರವನ್ನು ಸ್ವೀಕರಿಸಿದ ಬಳಿಕ ನಾನು ಭಾರಿ ಬೆಲೆ ತೆರಬೇಕಾಗಿತ್ತು. ತಾಯಿಯ ಪಾತ್ರವನ್ನು ನಿರ್ವಹಿಸಿದ ಬಳಿಕ ದುರದೃಷ್ಟವಶಾತ್ ನನ್ನನ್ನು ಒಂದು ವರ್ಗಕ್ಕೆ ಸೇರಿಸಲಾಯಿತು. ಇದು ವಿಚಿತ್ರವೆನಿಸಿತು" ಎಂದರು.