ರಾಧೆ ಶೂಟಿಂಗ್​ ವೇಳೆ ಸಲ್ಮಾನ್​ ಖಾನ್​ಗೆ ಹೊಡೆದ ಗೌತಮ್​ ಗುಲಾಟಿ.. ಯಾಕೆ ಗೊತ್ತಾ?

ಪ್ರಾಮಾಣಿಕವಾಗಿ, ನಾನು ಕೆಲವು ವಿಷಯಗಳನ್ನು ಕಲಿಯಬೇಕಾಗಿತ್ತು. ನಾಯಕನಾಗಿ ನಾನು ಹೇಗೆ ಫೈಟ್​ ಮಾಡಬೇಕೆಂದು ಬಲ್ಲೆ. ಆದರೆ, ಈ ಸೀನ್​ನಲ್ಲಿ ನಾನು ಖಳನಾಯಕನ ಪಾತ್ರದಲ್ಲಿದ್ದು, ಹೀರೋಯಿಂದ ಹೇಗೆ ಹೊಡೆಸಿಕೊಳ್ಳಬೇಕು ಎಂಬುದನ್ನು ಕಲಿಯಬೇಕಾಯ್ತು..

ಹೈದರಾಬಾದ್​ ​: ಈದ್​ ವೇಳೆ ಬಿಡುಗಡೆಯಾದ ಸಲ್ಮಾನ್ ಖಾನ್ ಅಭಿನಯದ ರಾಧೆ: ಯುವರ್ ಮೋಸ್ಟ್ ವಾಂಟೆಡ್ ಭಾಯ್ ಚಿತ್ರದಲ್ಲಿ ನಟ ಗೌತಮ್ ಗುಲಾಟಿ ಖಳನಟರಾಗಿ ನಟಿಸಿದ್ದಾರೆ.

ಈ ಸಿನಿಮಾದಲ್ಲಿ ಗೌತಮ್​ ಸೂಪರ್‌ಸ್ಟಾರ್‌ಗಳೊಂದಿಗೆ ಹಲವಾರು ಫೈಟ್ ಸೀಕ್ವೆನ್ಸ್‌ಗಳನ್ನು ಹೊಂದಿದ್ದು, ಅಂತದೇ ಒಂದು ಆ್ಯಕ್ಷನ್ ಸೀನ್​ ಚಿತ್ರೀಕರಣ ಮಾಡುವಾಗ ಗೌತಮ್​ ಅಕಸ್ಮಾತ್​ ಆಗಿ ಸಲ್ಮಾನ್‌ಗೆ ಹೊಡೆದರಂತೆ.

ಫೈಟ್​ ದೃಶ್ಯದಲ್ಲಿ ಅಕಸ್ಮಾತ್​ ಆಗಿ ಹೇಗೆ ಸಲ್ಮಾನ್ ಅವರಿಗೆ ಹೊಡೆದೆ ಎಂದುಗೌತಮ್ ಅವರು ಇತ್ತೀಚೆಗೆ ಯೂಟ್ಯೂಬ್ ಚಾನೆಲ್​ವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ವಿವರಿಸಿದ್ರು. ಸಿನಿಮಾ ಚಿತ್ರೀಕರಣದ ವೇಳೆ ಫೈಟಿಂಗ್​ ಸನ್ನಿವೇಷಗಳ ಶೂಟಿಂಗ್​ಗೆ ಹೆಚ್ಚು ತಲೆಕೆಡಿಸಿಕೊಂಡಿದ್ದಾಗಿ ಹೇಳಿದ್ರು.

ಪ್ರಾಮಾಣಿಕವಾಗಿ, ನಾನು ಕೆಲವು ವಿಷಯಗಳನ್ನು ಕಲಿಯಬೇಕಾಗಿತ್ತು. ನಾಯಕನಾಗಿ ನಾನು ಹೇಗೆ ಫೈಟ್​ ಮಾಡಬೇಕೆಂದು ಬಲ್ಲೆ. ಆದರೆ, ಈ ಸೀನ್​ನಲ್ಲಿ ನಾನು ಖಳನಾಯಕನ ಪಾತ್ರದಲ್ಲಿದ್ದು, ಹೀರೋಯಿಂದ ಹೇಗೆ ಹೊಡೆಸಿಕೊಳ್ಳಬೇಕು ಎಂಬುದನ್ನು ಕಲಿಯಬೇಕಾಯ್ತು ಎಂದ್ರು.

ಹಾಗಾಗಿ, ಒಮ್ಮೆ, ಸಲ್ಮಾನ್​ ಸರ್​​ಗೆ ಮಿಸ್​ ಆಗಿ ಹೊಡೆದೆ ಎಂದು ಗೌತಮ್ ಹೇಳಿದರು. ನಂತರ ಅವರು ತಕ್ಷಣವೇ ಅವರನ್ನು ಕ್ಷಮೆಯಾಚಿಸಿದರು. ಆದರೆ, ಸಲ್ಮಾನ್​ ಡೋಂಟ್​​ ವರಿ ಅದರ ಬಗ್ಗೆ ಚಿಂತಿಸಬೇಡಿ ಎಂದ್ರು ಎಂದು ಹೇಳಿದ್ರು.

ಆ್ಯಕ್ಷನ್ ದೃಶ್ಯಕ್ಕೆ ಸಾಕಷ್ಟು ತರಬೇತಿಯ ಅಗತ್ಯವಿತ್ತು. ಕೆಲವೊಮ್ಮೆ ಬೆಳಗ್ಗೆಯಿಂದ ರಾತ್ರಿಯವರೆಗೆ ಪ್ರಾಕ್ಟೀಸ್​ ನಡೆಸುತ್ತಿದ್ದೆವು ಎಂದು ಗೌತಮ್​ ಹೇಳಿದರು.