ಹಗಲು ಕನಸು ಕಾಣುತ್ತಿರುವ ಬಾಲಿವುಡ್​​​ ನಟಿ ಆಲಿಯಾ ಭಟ್

ನೆಲದ ಮೇಲೆ ಕೂತು ಸ್ಮೈಲ್ ನೀಡುತ್ತಾ ಆಕಾಶದೆಡೆ ನೋಡುತ್ತಿರುವ ತಮ್ಮ ಫೋಟೋವೊಂದನ್ನು ಆಲಿಯಾ ಭಟ್ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಫೋಟೋ ನೋಡಿದ ಅಭಿಮಾನಿಗಳು ಆಲಿಯಾ ಹಗಲು ಕನಸು ಕಾಣುತ್ತಿರಬಹುದು ಎಂದು ಕಮೆಂಟ್ ಮಾಡಿದ್ದಾರೆ.

ಬಾಲಿವುಡ್ ನಟಿ ಆಲಿಯಾ ಭಟ್ ಎಸ್.​​ಎಸ್.​​​​ ರಾಜಮೌಳಿ ಅಭಿನಯದ ಬಹುನಿರೀಕ್ಷಿತ ಸಿನಿಮಾ 'ಆರ್​ಆರ್​​ಆರ್'​​ ಸಿನಿಮಾದ ತಮ್ಮ ಭಾಗದ ಚಿತ್ರೀಕರಣವನ್ನು ಮುಗಿಸಿ ಮುಂಬೈಗೆ ವಾಪಸ್ ತೆರಳಿದ್ದಾರೆ. ಆರ್​ಆರ್​ಆರ್ ಚಿತ್ರದಲ್ಲಿ ಆಲಿಯಾ, ಸೀತಾ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.

ಆಲಿಯಾ ಇತ್ತೀಚೆಗೆ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿರುವ ಫೋಟೋವೊಂದನ್ನು ಅಭಿಮಾನಿಗಳು ಬಹಳ ಇಷ್ಟಪಟ್ಟಿದ್ದಾರೆ. ಮೇಕಪ್ ಇಲ್ಲದೆ ಕಾಣಿಸಿಕೊಂಡಿರುವ ಈ ಫೋಟೋದಲ್ಲಿ ಆಲಿಯಾ ಭಟ್, ಮೊಗದಲ್ಲಿ ಮಂದಹಾಸ ಬೀರುತ್ತಾ ಏನೋ ಹಗಲು ಕನಸು ಕಾಣುತ್ತಿರುವವರಂತೆ ಆಕಾಶವನ್ನು ನೋಡುತ್ತಿದ್ದಾರೆ. "Took a flight mid convo" ಎಂದು ಆಲಿಯಾ ತಮ್ಮ ಫೋಟೋಗೆ ಕ್ಯಾಪ್ಷನ್ ನೀಡಿದ್ದಾರೆ. ಯಾರನ್ನು ನೋಡುತ್ತಿದ್ದೀರಿ ಎಂದು ಕೆಲವರು ಕಮೆಂಟ್ ಮಾಡಿದರೆ ಮತ್ತೆ ಕೆಲವರು ಆಲಿಯಾ ಹಗಲು ಕನಸು ಕಾಣುತ್ತಿರಬಹುದು ಎಂದು ಕಮೆಂಟ್ ಮಾಡಿದ್ದಾರೆ.

ಇದನ್ನೂ ಓದಿ:ಸಮಂತಾ ಜಿಮ್ಗೆ ಹೋಗೋದು ಫಿಟ್​​ನೆಸ್​ಗಾಗಿ ಅಲ್ವಂತೆ.. ಹಾಗಾದ್ರೆ?

ಕರಿಯರ್ ವಿಚಾರಕ್ಕೆ ಬರುವುದಾದರೆ, ಆಲಿಯಾ ಅಯಾನ್ ಮುಖರ್ಜಿ ನಿರ್ದೇಶನದ 'ಬ್ರಹ್ಮಾಸ್ತ್ರ' ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ಈ ಚಿತ್ರದಲ್ಲಿ ರಣಬೀರ್ ಕಪೂರ್, ಅಮಿತಾಬ್ ಬಚ್ಚನ್, ನಾಗಾರ್ಜುನ, ಮೌನಿ ರಾಯ್ ಹಾಗೂ ಇನ್ನಿತರರು ನಟಿಸಿದ್ದಾರೆ. ಇದರೊಂದಿಗೆ ಸಂಜಯ್ ಲೀಲಾ ಬನ್ಸಾಲಿಯವರ 'ಗಂಗೂಬಾಯಿ ಕಾಥಿಯಾವಾಡಿ' ಚಿತ್ರದಲ್ಲಿ ನಟಿಸುತ್ತಿದ್ದಾರೆ.