ಸ್ನೇಹಿತರ ಗ್ಯಾಂಗ್​ನೊಂದಿಗೆ ಹೋಟೆಲ್​ಗೆ ಲಗ್ಗೆ ಇಟ್ಟ ಬಾಲಿವುಡ್​ ಬೆಡಗಿ ನಟಿ ಆಲಿಯಾ ಭಟ್

ಕೊರಾನಾದಿಂದ ಮುಕ್ತಿ ಪಡೆದ ಬಳಿಕ ಇದೇ ಮೊದಲ ಬಾರಿಗೆ ಮನೆಯ ಅಂಗಳದಿಂದ ಮುಂಬೈ ಅಂಗಳದಲ್ಲಿ ಕಾಣಿಸಿಕೊಂಡಿರುವ ಬಾಲಿವುಡ್​ ಬೆಡಗಿ ನಟಿ ಆಲಿಯಾ ಭಟ್ ತನ್ನ ಸ್ನೇಹಿತರ ಗ್ಯಾಂಗ್‌ನೊಂದಿಗೆ ಕೆಲ ಕಾಲ ಹರಟೆ ಹೊಡೆದರು. ಬಳಿಕ ಎಂದಿನಂತೆ ಜಿಮ್​ಗೆ ತೆರಳಿದರು.

ಹೈದರಾಬಾದ್:ಕೊರೊನಾದಿಂದ ಹೊರಬಂದ ಬಳಿಕಬಾಲಿವುಡ್ ನಟಿ ಆಲಿಯಾ ಭಟ್ ಚುರಾಗಿದ್ದಾರೆ. ಜಿಮ್​ನಲ್ಲಿ ಪ್ರತಿ ದಿನ ದೇಹ ದಂಡಿಸುವ (ವರ್ಕೌಟ್)​ ಆಲಿಯಾ ಭಟ್ ಇಂದು ಸಹ ಎಂದಿನಂತೆ ಖುಷಿ ಖುಷಿಯಾಗಿ ಜಿಮ್​ ಪ್ರವೇಶ ಮಾಡಿದರು. ಅದಕ್ಕೂ ಮುನ್ನ ಮುಂಬೈನ ಉಪಾಹಾರ ಗೃಹವೊಂದರಲ್ಲಿ ತನ್ನ ಸ್ನೇಹಿತರೊಂದಿಗೆ ಉಪಾಹಾರ ಸೇವಿಸಿ ಕೆಲಕಾಲ ಹರಟೆ ಹೊಡೆದರು.

ಪ್ರತಿದಿನ ಜಿಮ್​ಗೆ ತೆರಳುವ ಮುನ್ನ ಈ ರೀತಿಯ ಚಟುವಟಿಕೆಯಲ್ಲಿ ಪಾಲ್ಗೊಳ್ಳುವುದು ನಟಿ ನಟಿ ಆಲಿಯಾ ಭಟ್ ಹವ್ಯಾಸ. ಹಾಗಾಗಿ ಸಹೋದರಿ ಶಾಹೀನ್ ಭಟ್ ಹಾಗೂ ತನ್ನ ಸ್ನೇಹಿತರಾದ ಅನುಷ್ಕಾ ರಂಜನ್ ಕಪೂರ್, ಆಕಾಶಾ ರಂಜನ್, ಮೇಘನಾ ಗೋಯಲ್ ಮತ್ತು ಉಸಾಮಾ ಸಿದ್ದೀಕ್ ಅವರೊಂದಿಗೆ ಹೋಟೆಲ್​ಗೆ ತೆರಳಿ ಉಪಾಹಾರ ಸೇವಿಸಿ ಕೆಲ ಸಮಯ ಕಳೆದರು. ಬಳಿಕವೇ ಜಿಮ್​ಗೆ ತೆರಳಿದರು.

ಕೋವಿಡ್ ಸೋಂಕು ಹರಡುವುದು​ ದಿನದಿಂದ ದಿನಕ್ಕೆ ಕ್ಷೀಣಿಸುತ್ತಿರುವುದರಿಂದ ಹಲವು ನಟ ಮತ್ತು ನಟಿಯರು ಮುಂಬೈ ಹೊರಗೆ ಹೆಜ್ಜೆ ಹಾಕಲು ಪ್ರಾರಂಭಿಸಿದ್ದಾರೆ. ಪಾಸಿಟಿವ್​ ದೃಢಪಟ್ಟಿದ್ದರಿಂದ ಇಷ್ಟು ದಿನಗಳ ಕಾಲ ನಟಿ ಆಲಿಯಾ ಭಟ್ ವೈದ್ಯರ ಸಲಹೆಯಂತೆ ಮನೆಯಲ್ಲಿಯೇ ಕಾಲ ಕಳದಿದ್ದು ಈಗ ಹೊರ ಬಂದಿದ್ದಾರೆ. ಸಂಜಯ್ ಲೀಲಾ ಭನ್ಸಾಲಿ ಅವರ ನಿರ್ದೇಶದ ಗಂಗುಬಾಯಿ ಕಥಿಯಾವಾಡಿ ಚಿತ್ರದಲ್ಲಿ ಆಲಿಯಾ ಕಾಣಿಸಿಕೊಳ್ಳಲಿದ್ದು, ಅದಕ್ಕೆ ತಯಾರಿ ಸಹ ನಡೆಸಿದ್ದಾರೆ ಎನ್ನಲಾಗುತ್ತಿದೆ.