ಮುಂಬೈ:ಟೋಸ್ಟ್ ತಯಾರಿಕಾ ಘಟಕದಲ್ಲಿನ ಅಸ್ವಚ್ಛತೆಯ ಬಗ್ಗೆ ಬಾಲಿವುಡ್ ನಟಿ ರವೀನಾ ಟಂಡನ್ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಟೋಸ್ಟ್ಗಳನ್ನು ನೆಕ್ಕುತ್ತಿರುವ, ಅವುಗಳ ಮೇಲೆ ಪಾದವನ್ನಿಟ್ಟಿರುವ ಕೆಲಸಗಾರರನ್ನು ಜೈಲಿಗಟ್ಟಬೇಕು ಎಂದು ಬರೆದುಕೊಂಡಿದ್ದಾರೆ.
ತಮ್ಮ ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ರವೀನಾ ಶೇರ್ ಮಾಡಿರುವ ವಿಡಿಯೋದಲ್ಲಿ, ಕಾರ್ಖಾನೆ ಅಥವಾ ಬೇಕರಿಯೊಂದರಲ್ಲಿ ಕೆಲಸ ಮಾಡುವ ವ್ಯಕ್ತಿಯೊಬ್ಬ ಪ್ಯಾಕ್ ಮಾಡುವ ಮುನ್ನ ಬೇಕಂತಲೇ ತನ್ನ ಪಾದವನ್ನ ಟೋಸ್ಟ್ಗಳ ಮೇಲಿಡುವುದು, ಮತ್ತೊಬ್ಬ ಕೆಲಸಗಾರ ಟೋಸ್ಟ್ಗಳನ್ನು ನೆಕ್ಕುತ್ತಿರುವುದು ಕಂಡು ಬರುತ್ತದೆ.
ಇದನ್ನೂ ಓದಿ:'ಗಾಯಗೊಂಡ ಸಿಂಹ'ಕ್ಕೆ ಬಿಡುಗಡೆ ಮುನ್ನವೇ ಡಿಮ್ಯಾಂಡ್ : ಕೋಟಿ ಕೋಟಿ ಬೆಲೆ ಬಾಳುವ ಕೆಜಿಎಫ್ ಚಾಪ್ಟರ್-2
"ಅವರು ಸಿಕ್ಕಿಬೀಳುತ್ತಾರೆ ಹಾಗೂ ಶಾಶ್ವತವಾಗಿ ಕಂಬಿಗಳ ಹಿಂದೆ ಇರುತ್ತಾರೆಂದು ಭಾವಿಸಿದ್ದೇನೆ" ಎಂದು ನಟಿ ಬರೆದುಕೊಂಡಿದ್ದಾರೆ. ಇದೇ ವಿಡಿಯೋವನ್ನು ನೆಟ್ಟಿಗರು ತಮ್ಮ ಇನ್‌ಸ್ಟಾ ಖಾತೆಗಳಲ್ಲಿ ಹಂಚಿಕೊಂಡಿದ್ದಾರೆ. ಈ ಮೂರ್ಖರು ಜೀವನದಲ್ಲಿ ಎಂದಿಗೂ ಉದ್ಧಾರವಾಗುವುದಿಲ್ಲ' ಎಂದು ಹೇಳಿದ್ದಾರೆ.
ರವೀನಾ ಟಂಡನ್ ಮುಂಬರುವ ಚಿತ್ರ ಕೆಜಿಎಫ್- 2 ನಲ್ಲಿ ರಾಜಕಾರಣಿ ರಮಿಕಾ ಸೇನ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಕನ್ನಡ ನಟ ಯಶ್ ಅಭಿನಯದ ಈ ಸಿನಿಮಾದಲ್ಲಿ ಸಂಜಯ್ ದತ್, ಶ್ರೀನಿಧಿ ಶೆಟ್ಟಿ, ಪ್ರಕಾಶ್ ರಾಜ್ ಮತ್ತು ಅನಂತ್ ನಾಗ್ ಕೂಡ ಪರದೆ ಹಂಚಿಕೊಂಡಿದ್ದಾರೆ.