ವಿಜಯ ವರ್ಮಾನ 'ಹೊಸ ಹೆಂಡತಿ'ಯನ್ನು 'ಓಡಿಸಿಕೊಂಡು ಹೋಗ್ತೇನೆ' ಎಂದ ಇಶಾನ್​ ಖಟ್ಟರ್ ​!!

ನಟ ವಿಜಯ್ ವರ್ಮಾ ತಮ್ಮ ಹೊಸ ಹೆಂಡತಿಯ ಫೋಟೋವೊಂದನ್ನು ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರೆ, ಇದನ್ನು ನೋಡಿರುವ ನಟ ಇಶಾನ್ ಖಟ್ಟರ್ ' ನಿನ್ನ ಹೊಸ ಹೆಂಡತಿಯನ್ನು ಓಡಿಸಿಕೊಂಡು ಹೋಗ್ತೇನೆ ಎಂದು ಕಾಮೆಂಟ್​ ಮಾಡಿ ಸುದ್ದಿಯಾಗಿದ್ದಾರೆ.

ಹೈದರಾಬಾದ್​: ಗಲ್ಲಿ ಬಾಯ್ ಚಿತ್ರದಲ್ಲಿ ಮೊಯೀನ್ ಪಾತ್ರ ಅಭಿನಯಿಸಿ ಖ್ಯಾತಿ ಗಳಿಸಿರುವ ನಟ ವಿಜಯ್ ವರ್ಮಾ ಅವರು ತಮ್ಮ "ಹೊಸ ಹೆಂಡತಿ" ಫೋಟೊವೊಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡು ಅಭಿಮಾನಿಗಳಲ್ಲಿ ಅಚ್ಚರಿ ಮೂಡಿಸಿದ್ದಾರೆ.

ಬಿಳಿ ಟೀ ಶರ್ಟ್ ಧರಿಸಿರುವ ನಟ ವಿಜಯ್​, ಪಿಎಸ್ 5, ವಿಷುವಲ್​ ಗೇಮಿಂಗ್ ಕನ್ಸೋಲ್ ಅನ್ನು ಕೈಯಲ್ಲಿ ಹಿಡಿದು ಪೋಸ್​ ನೀಡಿರುವ ಫೋಟೋವೊಂದನ್ನು ತಮ್ಮ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಶೇರ್​ ಮಾಡಿಕೊಂಡಿದ್ದು, ' ಹಾಯ್​ ಗಾಯ್ಸ್​, ಬಾಯ್​ ಗಾಯ್ಸ್​, ಮೀಟ್​ ಮೈ ನ್ಯೂ​ ವೈಫ್​​ ಪಿಎಸ್​5' ಎಂದು ಕ್ಯಾಪ್ಶನ್​ ನೀಡಿದ್ದಾರೆ.

ಇದಕ್ಕೆ ಸರಿಯಾಗಿಯೇ ಪ್ರತಿಕ್ರಿಯಿಸಿರುವ ನಟ ಇಶಾನ್ ಖಟ್ಟರ್, 'ನಿನ್ನ ಹೊಸ ಹೆಂಡತಿಯನ್ನ ಓಡಿಸಿಕೊಂಡು ಹೋಗುತ್ತೇನೆ' ಎಂದು ಕಾಮೆಂಟ್​ ಮಾಡಿ ಹಾಸ್ಯ ಪ್ರಜ್ಞೆ ಮೆರೆದಿದ್ದಾರೆ.

ನಟ ವಿಜಯ್ ಇತ್ತೀಚೆಗೆ ಜಾಕಿ ಶ್ರಾಫ್ ಮತ್ತು ರಾಧಿಕಾ ಆಪ್ಟೆ ಜೊತೆಯಾಗಿ ನಟಿಸಿರುವ ವೈಜ್ಞಾನಿಕ ಹಾಸ್ಯ ವೆಬ್ ಸರಣಿ "ಓಕೆ ಕಂಪ್ಯೂಟರ್" ನಲ್ಲಿ ಕಾಣಿಸಿಕೊಂಡಿದ್ದರು.

ಆಲಿಯಾ ಭಟ್ ಅವರೊಂದಿಗೆ "ಡಾರ್ಲಿಂಗ್ಸ್" ಮತ್ತು ಸೋನಾಕ್ಷಿ ಸಿನ್ಹಾ ಅವರೊಂದಿಗೆ "ಫಾಲನ್" ಸೇರಿದಂತೆ ಮುಂದಿನ ತಿಂಗಳುಗಳಲ್ಲಿ ಈ ನಟ ಅನೇಕ ಸಿನೆಮಾಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಓದಿ:ಕೊರೊನಾಗೆ ಸ್ಯಾಂಡಲ್​​ವುಡ್​ನ ಮತ್ತೋರ್ವ ಹಿರಿಯ ನಟ ಬಲಿ