'ಹೌ ಇಸ್ ದ ಜೋಶ್': ಖುಷಿ ವಿಚಾರ ಹಂಚಿಕೊಂಡ ನಟ ವಿಕ್ಕಿ ಕೌಶಲ್

ಸೋಷಿಯಲ್ ಮೀಡಿಯಾ ಮೂಲಕ ಬಾಲಿವುಡ್​ ನಟ ವಿಕ್ಕಿ ಕೌಶಲ್ ಖುಷಿ ವಿಚಾರವೊಂದನ್ನು ಹಂಚಿಕೊಂಡಿದ್ದಾರೆ. ಏನಿರಬಹುದು ಗೊತ್ತಾ?

ಹೈದರಾಬಾದ್​:ಬಾಲಿವುಡ್ ನಟ ವಿಕ್ಕಿ ಕೌಶಲ್ ಇಂದು ಕೊರೊನಾ ಪರೀಕ್ಷೆಗೊಳಗಾಗಿದ್ದು, ತಮಗೆ ನೆಗೆಟಿವ್​ ಕಾಣಿಸಿಕೊಂಡಿರುವ ಬಗ್ಗೆ ಸಾಮಾಜಿಕ ಜಾಲತಾಣದ ಮೂಲಕ ಖುಷಿ ಹಂಚಿಕೊಂಡಿದ್ದಾರೆ.

ವಾರದ ಹಿಂದೆ ನನ್ನಲ್ಲಿ ಪಾಸಿಟಿವ್​ ಕಾಣಿಸಿಕೊಂಡಿತ್ತು. ಈಗ ನಾನು ಮತ್ತೆ ಕೊರೊನಾ ಪರೀಕ್ಷೆಗೊಳಗಾಗಿದ್ದು, ವರದಿ ನೆಗೆಟಿವ್​ ಬಂದಿದೆ. ನನ್ನ ಚೇತರಿಕೆಗಾಗಿ ಪ್ರಾರ್ಥನೆ ಮಾಡಿಕೊಂಡ ಎಲ್ಲ ಅಭಿಮಾನಿಗಳಿಗೂ ಧನ್ಯವಾದ ಎಂದು ಶೀರ್ಷಿಕೆ ಬರೆದುಕೊಂಡು ಖುಷಿ ಹಂಚಿಕೊಂಡಿದ್ದಾರೆ. ಅಲ್ಲದೇ ಕೊರೊನಾದಿಂದ ಎಚ್ಚರದಿಂದಿರಿ ಹಾಗೂ ಸುರಕ್ಷಿತವಾಗಿರಿ ಎಂದು ಸಲಹೆ ಸಹ ನೀಡಿದ್ದಾರೆ.

ವಿಕ್ಕಿ ಈ ಹಿಂದೆ ಕೋವಿಡ್​ ಪರೀಕ್ಷೆ ಮಾಡಿಸಿಕೊಂಡಿದ್ದರು. ಆಗ ಅವರಲ್ಲಿ ಪಾಸಿಟಿವ್​ ಕಾಣಿಸಿಕೊಂಡಿತ್ತು. ಹಾಗಾಗಿ ತಮ್ಮ ಮುಖ್ಯಭೂಮಿಕೆಯಲ್ಲಿನ 'ಮಿಸ್ಟರ್ ಲೆಲೆ' ಚಿತ್ರೀಕರಣದಿಂದ ದೂರವೇ ಉಳಿದುಕೊಂಡಿದ್ದರು. ವೈದ್ಯರ ಸಲಹೆ ಮೇರೆಗೆ ಸ್ವತಃ ಹೋಂ ಕ್ವಾರಂಟೈನ್ ಸಹ​ ಆಗಿದ್ದರು.

ಸರ್ದಾರ್ ಉಧಮ್ ಸಿಂಗ್, ದಿ ಇಮ್ಮಾರ್ಟಲ್ ಅಶ್ವತ್ಥಮ, ತಖ್ತ್, ಸ್ಯಾಮ್ ಬಹದ್ಧೂರ್ ಸೇರಿದಂತೆ ಹಲವು ಚಿತ್ರಗಳು ಇವರ ಖಾತೆಯಲ್ಲಿದ್ದು ಸದ್ಯ ಬಾಲಿವುಡ್​ನಲ್ಲಿ ಬ್ಯೂಸಿ ನಟರಾಗಿದ್ದಾರೆ.