ಸವಾಯಿ ಮಧೋಪುರ(ರಾಜಸ್ಥಾನ):ಬಾಲಿವುಡ್ ತಾರಾ ಜೋಡಿಯಾದ ವಿಕ್ಕಿ ಕೌಶಲ್ ಮತ್ತು ಕತ್ರಿನಾ ಕೈಫ್ ಅವರ ಮದುವೆ ಸಮಾರಂಭದ ಮೇಲೆ ಅಭಿಮಾನಿಗಳ ಕಣ್ಣು ನೆಟ್ಟಿದ್ದು, ಈ ಜೋಡಿಯ ಮದುವೆ ವಿಚಾರ ಎಲ್ಲರ ಬಾಯಲ್ಲೂ ಗುನುಗುತ್ತಿದೆ.
ವಿಕ್ಕಿ-ಕತ್ರಿನಾ ಮದುವೆ ಸಿದ್ಧತೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ವಿವಾಹ ಸಮಾರಂಭ ಆಯೋಜನೆಯಾಗಿರುವ ಇಲ್ಲಿನ ಬಾರ್ವಾರಾ ಕೋಟೆಯ ಪ್ರಸಿದ್ಧ ಸಿಕ್ಸ್ ಸೆನ್ಸ್ ಹೋಟೆಲ್ನಲ್ಲಿ ಮದುವೆಯ ಸಕಲ ಸಿದ್ಧತೆಗಳು ಭರದಿಂದ ಸಾಗುತ್ತಿವೆ. ಈ ಮಧ್ಯೆ ಮದುವೆ ಸಿದ್ಧತೆಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗಿದೆ.
ವಿಡಿಯೋದಲ್ಲಿ ಕಾಣುವಂತೆ ಮದುವೆಯ ಆಯೋಜಕರು ದೊಡ್ಡದಾದ 2 ಚೆಂಡುಗಳಿಗೆ ಬಂಗಾರದ ಬಣ್ಣದ ಹರಳುಗಳನ್ನು ಒಪ್ಪ ಮಾಡುತ್ತಿದ್ದಾರೆ. ಈ ಹರಳುಗಳನ್ನು ವಿದೇಶದಿಂದ ತರಲಾಗಿದೆ ಎಂದು ಹೇಳಲಾಗಿದೆ. ಈ ವಿಡಿಯೋಗೆ ಅಭಿಮಾನಿಗಳಿಂದ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ.
ಇದನ್ನೂ ಓದಿ: ಇಂದು ಪಿಂಕ್ ಸಿಟಿಗೆ ಬರುವ ವಿಕ್ಕಿ-ಕತ್ರಿನಾ ಜೋಡಿಗೆ ಭವ್ಯ ಸ್ವಾಗತ.. ನಾಳೆಯಿಂದ ವಿವಾಹ ಕಾರ್ಯಕ್ರಮಗಳು ಶುರು
ಅಲ್ಲದೇ, ಕತ್ರಿನಾ ಮತ್ತು ವಿಕ್ಕಿ ಕುಟುಂಬಸ್ಥರೊಂದಿಗೆ ಪಿಂಕ್ ಸಿಟಿಯತ್ತ ಪಯಣ ಬೆಳೆಸುತ್ತಿರುವ ವಿಡಿಯೋಗಳು ಕೂಡ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ. ಇಂದು ರಾತ್ರಿಯಿಂದ ಮದುವೆ ಸಮಾರಂಭ ಕಳೆಗಟ್ಟಲಿದೆ.
