ಅರಿಶಿನ ಶಾಸ್ತ್ರದ ಫೋಟೋಗಳನ್ನು ಹಂಚಿಕೊಂಡ ಬಾಲಿವುಡ್​ನ ಲವ್​ ಬರ್ಡ್ಸ್​

ರಾಜಸ್ಥಾನದ ಬರ್ವಾರಾದಲ್ಲಿರುವ ಸಿಕ್ಸ್ ಸೆನ್ಸಸ್ ರೆಸಾರ್ಟ್‍ನಲ್ಲಿ ಕೆಲವು ಆಪ್ತರ ಸಮ್ಮುಖದಲ್ಲಿ ಅದ್ಧೂರಿಯಾಗಿ ಸಪ್ತಪದಿ ತುಳಿದಿರುವ ಈ ಜೋಡಿಯ ತರಹೇವಾರು ಫೋಟೋಗಳು ಇದೀಗ ಜಾಲತಾಣದಲ್ಲಿ ಹರಿದಾಡುತ್ತಿವೆ..

ಹೈದರಾಬಾದ್(ತೆಲಂಗಾಣ):ಇತ್ತೀಚೆಗೆ​ ರಾಜಸ್ಥಾನದ ಭವ್ಯ ಹೋಟೆಲ್​ನಲ್ಲಿ ಸಪ್ತಪದಿ ತುಳಿದಿರುವ ಬಾಲಿವುಡ್ ಜೋಡಿ ವಿಕ್ಕಿ ಕೌಶಲ್ ಮತ್ತು ಕತ್ರಿನಾ ಕೈಫ್ ತಮ್ಮ ವಿವಾಹ ಮಹೋತ್ಸವದ ಹಾಗೂ ಅರಿಶಿನ ಶಾಸ್ತ್ರದ ಕೆಲವು ಫೋಟೋಗಳನ್ನು ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.

ನೆಚ್ಚಿನ ನಟ-ನಟಿಯ ಮದುವೆ ಫೋಟೋಗಳನ್ನು ನೋಡಲು ಅಭಿಮಾನಿಗಳು ಕಳೆದ ಹಲವು ದಿನಗಳಿಂದ ಕಾದು ಕುಳಿತಿದ್ದರು. ಈ ಹಿನ್ನೆಲೆಯಲ್ಲಿ ನಟಿ ಕತ್ರಿನಾ ಮತ್ತು ನಟ ವಿಕ್ಕಿ ಕೌಶಲ್ ಇಬ್ಬರೂ ತಮ್ಮ ವಿವಾಹ ಮಹೋತ್ಸವದ ಕೆಲವು ಫೋಟೊವನ್ನು ಶೇರ್ ಮಾಡಿಕೊಂಡಿದ್ದಾರೆ.

ಅರಿಶಿನ ಶಾಸ್ತ್ರದ ಫೋಟೋ

ಕತ್ರಿನಾ ತಮ್ಮ ಇನ್ಸ್​ಟಾಗ್ರಾಮ್​​ ಖಾತೆಯಲ್ಲಿ ಶುಕ್ರ್, ಸಬ್ರ್, ಖುಷ್ ಎಂಬ ಶೀರ್ಷಿಕೆಯನ್ನು ಬರೆದುಕೊಂಡಿದ್ದು ಅವುಗಳನ್ನು ವಿಕ್ಕಿ ಎಂಬ ಹೆಸರಿನೊಂದಿಗೆ ಹಂಚಿಕೊಂಡಿದ್ದನ್ನು ಇಲ್ಲಿ ಗಮನಿಸಬಹುದು. ಫೋಟೋಗಳು ಇದೀಗ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ.

ಅರಿಶಿನ ಶಾಸ್ತ್ರದ ಫೋಟೋ

ಕತ್ರಿನಾ ಬಿಳಿ ಬಣ್ಣದ ಲೆಹೆಂಗಾ ಮತ್ತು ಮಲ್ಲಿಗೆಯಿಂದ ಮಾಡಿದ ಆಭರಣಗಳನ್ನು ಧರಿಸಿಕೊಂಡಿದ್ದಾರೆ. ಇನ್ನು ವಿಕ್ಕಿ ಬಿಳಿ ಕುರ್ತಾ-ಪೈಜಾಮಾ ಸೆಟ್ ಮತ್ತು ಗುಲಾಬಿ ಬಣ್ಣದ ದುಪಟ್ಟಾದಲ್ಲಿ ಕಾಣಿಸಿಕೊಂಡಿದ್ದಾರೆ. ನವಜೋಡಿಯ ನಗು ಅಭಿಮಾನಿಗಳನ್ನು ಕೇಂದ್ರಿಕರಿಸುವಂತಿದೆ.

ರಾಜಸ್ಥಾನದ ಬರ್ವಾರಾದಲ್ಲಿರುವ ಸಿಕ್ಸ್ ಸೆನ್ಸಸ್ ರೆಸಾರ್ಟ್‍ನಲ್ಲಿ ಕೆಲವು ಆಪ್ತರ ಸಮ್ಮುಖದಲ್ಲಿ ಈ ಲವ್​ ಬರ್ಡ್ಸ್​ ಅದ್ಧೂರಿಯಾಗಿ ಸಪ್ತಪದಿ ತುಳಿದಿದ್ದು ಬಾಲಿವುಡ್‌ನಲ್ಲಿ ಇದೊಂದು ಹೈಪ್ರೊಫೈಲ್ ಮದುವೆ ಎಂದು ಹೇಳಲಾಗುತ್ತಿದೆ. ಇನ್ನು ವಿಕ್ಕಿ ಮತ್ತು ಕತ್ರಿನಾ ತಮ್ಮ ಬಂಧುಗಳ ಹಾಗೂ ಚಿತ್ರ ನಟರ ಸಮ್ಮುಖದಲ್ಲಿ ಶೀಘ್ರದಲ್ಲೇ ಒಂದು ಔತಣ ಕೂಟವನ್ನು ಏರ್ಪಡಿಸಲಿದ್ದಾರಂತೆ.

ಇದನ್ನೂ ಓದಿ: ಬಾಲಿವುಡ್‌ನಲ್ಲಿ ಇದೊಂದು ಹೈಪ್ರೊಫೈಲ್ ಮದುವೆ; ಹಣದ ಹೊಣೆ ಹೊತ್ತವರಾರು ಗೊತ್ತಾ?