ಬಾಲಿವುಡ್ ನಟ ವರುಣ್ ಧವನ್ ನಟನೆಯ ಬಹುನಿರೀಕ್ಷಿತ 'ಭೇಡಿಯಾ' ಚಿತ್ರದ ಫಸ್ಟ್ ಲುಕ್ ಪೋಸ್ಟರ್ ಅನ್ನು ರಿವೀಲ್ ಮಾಡಲಾಗಿದೆ. ಹಸಿದ ಹೆಬ್ಬುಲಿಯಂತೆ ಅತೀಂದ್ರಿಯ ಕೆಂಪು ಬಣ್ಣದೊಂದಿಗೆ ರೌದ್ರಾವತಾರ ತಾಳಿರುವ ಕಣ್ಣುಗಳನ್ನು ತೆರೆದ ಪೋಸ್ಟರ್ ಇದಾಗಿದೆ.
14, 2022 ರಂದು ಬಿಡುಗಡೆ ಮಾಡಲು ಚಿತ್ರ ತಂಡ ಈ ಹಿಂದೆ ಪ್ಲಾನ್ ಮಾಡಿಕೊಂಡಿತ್ತು. ಆದರೆ, ಕೊರೊನಾ ಕಾರಣದಿಂದ ಮೂಂದೂಡಲಾಗಿತ್ತು. ಬರುವ ನವೆಂಬರ್ 25, 2022 ರಂದು ಬಿಡುಗಡೆ ಮಾಡಲು ತೀರ್ಮಾನಿಸಿದೆ.
ವಿಶಿಷ್ಟತೆಯಿಂದ ಕೂಡಿದ ಚಿತ್ರದ ಮೊದಲ ಪೋಸ್ಟರ್ಗೆ ಭಾರಿ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಕೃತಿ ಸನೋನ್ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ದಿನೇಶ್ ವಿಜನ್ ನಿರ್ಮಾಣ ಮಾಡಿದರೆ ಅಮರ್ ಕೌಶಿಕ್ ನಿರ್ದೇಶನವಿದೆ. ಹಾಲಿವುಡ್ ತಂತ್ರಜ್ಞರ ಕೈಚಳಕ ಚಿತ್ರಕ್ಕೆ ಮಗದೊಂದು ಪ್ಲಸ್ ಪಾಯಿಂಟ್ ಎನ್ನಲಾಗುತ್ತಿದೆ.
ಚಿತ್ರದಲ್ಲಿ ವರುಣ್ ಅರ್ಧ ಮನುಷ್ಯ ಮತ್ತು ಅರ್ಧ ತೋಳದ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅಭಿಷೇಕ್ ಬ್ಯಾನರ್ಜಿ ಮತ್ತು ದೀಪಕ್ ಡೊಬ್ರಿಯಾಲ್ ಸಹ ಚಿತ್ರದಲ್ಲಿ ಪ್ರಮುಖ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ರಾಷ್ಟ್ರ ಪ್ರಶಸ್ತಿ ವಿಜೇತ ನಿರೇನ್ ಭಟ್ ಎಂಬುವರು ಚಿತ್ರಕಥೆ ಬರೆದಿದ್ದಾರೆ.
ವರುಣ್ ಧವನ್ ಅವರ ಸಿನಿಮಾ ಕರಿಯರ್ನಲ್ಲೇ 'ಭೇಡಿಯಾ' ಅತಿ ದೊಡ್ಡ ಬಜೆಟ್ ಚಿತ್ರವಾಗಲಿದೆ ಎನ್ನಲಾಗುತ್ತಿದೆ. ಹಾಗಾಗಿ ಬಾಲಿವುಡ್ ಬಳಗ ಚಿತ್ರದ ಮೇಲೆ ಭಾರಿ ನಿರೀಕ್ಷೆ ಇಟ್ಟುಕೊಂಡಿದೆಯಂತೆ. ವರುಣ್ ಧವನ್ ಕೂಡ ಟ್ವೀಟ್ ಮಾಡಿ ಹರ್ಷ ವ್ಯಕ್ತಪಡಿಸಿದ್ದಾರೆ.