ಸುಶಾಂತ್​ ಕೊನೆಯ ಚಿತ್ರ ‘ದಿಲ್ ಬೆಚರಾ’ ಇಂದು ರಿಲೀಸ್​!

ಜೂನ್ 14 ರಂದು ಮುಂಬೈನ ನಿವಾಸದಲ್ಲಿ ಶವವಾಗಿ ಪತ್ತೆಯಾದ ಸುಶಾಂತ್​ ಸಿಂಗ್​ ರಜಪೂತ್ ಅವರ ಕೊನೆಯ ಸಿನಿಮಾ ಇಂದು ರಿಲೀಸ್​ ಆಗಲಿದೆ.

ಮುಂಬೈ:ಈಗಾಗಲೇ ಸಖತ್​ ಸದ್ದು ಮಾಡುತ್ತಿರುವ ಸುಶಾಂತ್​ರ ಕೊನೆಯ ಚಿತ್ರ ‘ದಿಲ್​ ಬೆಚರಾ’ ಚಿತ್ರ ಇಂದು ಸಂಜೆ 7.30ಕ್ಕೆ ಒಟಿಟಿಯಲ್ಲಿ ಬಿಡುಗಡೆಯಾಗಲಿದೆ.

ದಿಲ್​ ಬೆಚಾರ ಚಿತ್ರದ ಅನೇಕ ಹಾಡುಗಳು ಯೂಟ್ಯೂಬ್​ನಲ್ಲಿ ಕಾಣಬಹುದಾಗಿದೆ. ಅದರಲ್ಲಿ ತಾರೆ ಜಿನ್ ಎಂಬ ಸುಂದರವಾದ ರೊಮ್ಯಾಂಟಿಕ್ ಟ್ರ್ಯಾಕ್‌ ಬಿಡುಗಡೆ ಮಾಡಲಾಗಿತ್ತು. ಸುಶಾಂತ್​ ಸಿಂಗ್​​ ರಜಪೂತ್​​ ಮತ್ತು ಸಂಜನಾ ಸಂಘಿ ಅವರ ರೊಮ್ಯಾನ್ಸ್ ಮತ್ತು ಅವರಿಬ್ಬರಲ್ಲಿ ಹುಟ್ಟುವ ಪ್ರೇಮವನ್ನು ಈ ವಿಡಿಯೋದಲ್ಲಿ ಕಾಣಬಹುದಾಗಿದೆ.

ಎ.ಆರ್ ರೆಹಮಾನ್ ಅವರು ಸಂಗೀತ ಸಂಯೋಜನೆ ಮಾಡಿದ್ದು, ಅಮಿತಾಬ್​​ ಭಟ್ಟಾಚಾರ್ಯ ಸಾಹಿತ್ಯ ಬರೆದಿದ್ದಾರೆ. ಸೋನಿ ಮ್ಯೂಸಿಕ್‌ನ ಅಧಿಕೃತ ಯೂಟ್ಯೂಬ್ ಚಾನೆಲ್‌ನಲ್ಲಿ ತಾರೆ ಜಿನ್ ಹಾಡಿನ ವಿಡಿಯೋ ಬಿಡುಗಡೆ ಮಾಡಲಾಗಿದ್ದು, ಸಖತ್​ ಸದ್ದು ಮಾಡಿತು.

ಶ್ರೇಯಾ ಘೋಷಾಲ್ ಮತ್ತು ಮೋಹಿತ್ ಚೌಹಾಣ್‌ ಅವರು ಈ ಹಾಡನ್ನು ಹಾಡಿದ್ದಾರೆ. ಸುಶಾಂತ್ ಅವರ ಕೊನೆಯ ಚಿತ್ರ ದಿಲ್ ಬೆಚರಾ ಇಂದು ಒಟಿಟಿಯಲ್ಲಿ ಬಿಡುಗಡೆಯಾಗಲಿದೆ.