ಬಿಗ್​ ಬಾಸ್​ 15ರ ವಿಜೇತರಾಗಿ ಹೊರಹೊಮ್ಮಿದ ತೇಜಸ್ವಿ ಪ್ರಕಾಶ್​!

ಬಿಗ್​ ಬಾಸ್​ 15 ಸೀಸನ್ ಮುಕ್ತಾಯಗೊಂಡಿದ್ದು, ಟಿವಿ ತಾರೆ ತೇಜಸ್ವಿ ಪ್ರಕಾಶ್​ ಬಿಗ್​ ಬಾಗ್​ ಟ್ರೋಫಿಗೆ ಮುತ್ತಿಕ್ಕಿದ್ದಾರೆ.

ಮುಂಬೈ: ಬಿಗ್​ಬಾಸ್​ ಸೀಸನ್​ 15 ಮುಕ್ತಾಯಗೊಂಡಿದ್ದು, ನಟ - ಮಾಡೆಲ್ ಪ್ರತೀಕ್ ಸೆಹಜ್‌ಪಾಲ್​ರನ್ನು ಸೋಲಿಸಿದ ಟಿವಿ ತಾರೆ ತೇಜಸ್ವಿ ಪ್ರಕಾಶ್ 2022 ರ ಬಿಗ್​ಬಾಸ್​​​​​​​​​​​​​ ವಿಜೇತರಾಗಿ ಹೊರಹೊಮ್ಮಿದ್ದಾರೆ.

"Swaragini - Jodein Rishton Ke Sur" ಧಾರಾವಾಹಿ ಮೂಲಕ ಮನೆ ಮಾತಾಗಿರುವ ತೇಜಸ್ವಿ ಪ್ರಕಾಶ್ ಬಿಗ್ ಬಾಸ್ ಟ್ರೋಫಿ ಜೊತೆ 40 ಲಕ್ಷ ನಗದು ಬಹುಮಾನವನ್ನು ಮನೆಗೆ ತೆಗೆದುಕೊಂಡು ಹೋದರು.

ಶನಿವಾರದಂದು ನಡೆದ ಕಾರ್ಯಕ್ರಮದಲ್ಲಿ ನಿರೂಪಕ, ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ವಿಜೇತರನ್ನು ಘೋಷಿಸಿದರು. ಸೆಹಜ್‌ಪಾಲ್ ಮೊದಲ ರನ್ನರ್ ಅಪ್ ಆಗಿದ್ದರೆ, ಪ್ರಕಾಶ್ ಅವರ ನಟ - ಗೆಳೆಯ ಕರಣ್ ಕುಂದ್ರಾ ಮೂರನೇ ಸ್ಥಾನ ಪಡೆದರು.

ಓದಿ:ರಾಜ್ಯದಲ್ಲಿಂದು 28,264 ಮಂದಿಗೆ ಕೋವಿಡ್ ಸೋಂಕು: 68 ಸೋಂಕಿತರು ಬಲಿ

ನಟಿ ಶಮಿತಾ ಶೆಟ್ಟಿ ನಾಲ್ಕನೇ ಸ್ಥಾನ ಗಳಿಸಿದರೆ, ನೃತ್ಯ ನಿರ್ದೇಶಕ ನಿಶಾಂತ್ ಭಟ್ ಫಿನಾಲೆ ರೇಸ್‌ನಿಂದ ಹೊರಗುಳಿದು 10 ಲಕ್ಷ ರೂಪಾಯಿ ಪಡೆದು ಐದನೇ ಸ್ಥಾನ ಪಡೆದರು. ಟಿವಿ ತಾರೆಯಾಗಿ ಅವರು ಗಳಿಸಿದ ಜನಪ್ರಿಯತೆಯಿಂದಾಗಿ ಪ್ರಕಾಶ್ ಬಿಗ್​ಬಾಸ್​ 15ಕ್ಕೆ ಎಂಟ್ರಿ ಕೊಟ್ಟಿದ್ದರು. ಕಳೆದ ವರ್ಷ ಬಿಗ್ ಬಾಸ್ OTT ನಡೆದಿದ್ದು, ಫೈನಲಿಸ್ಟ್‌ಗಳಲ್ಲಿ ಒಬ್ಬರಾಗಿದ್ದ ಸೆಹಜ್‌ಪಾಲ್ ಕಾರ್ಯಕ್ರಮದುದ್ದಕ್ಕೂ ಜನಪ್ರಿಯರಾಗಿದ್ದರು.

ಗ್ರ್ಯಾಂಡ್ ಫಿನಾಲೆಯಲ್ಲಿ ಬಾಲಿವುಡ್ ತಾರೆ ದೀಪಿಕಾ ಪಡುಕೋಣೆ ತಮ್ಮ ಮುಂಬರುವ ಚಿತ್ರ "ಗೆಹ್ರಾಯನ್" ಅನ್ನು ಸಹ - ನಟರಾದ ಅನನ್ಯ ಪಾಂಡೆ, ಸಿದ್ಧಾಂತ್ ಚತುರ್ವೇದಿ ಮತ್ತು ಧೈರ್ಯ ಕರ್ವಾ ಅವರೊಂದಿಗೆ ಪ್ರಚಾರ ಮಾಡಿದರು.

ಅಂತಿಮ ಹಂತದಲ್ಲಿ ಗೌಹರ್ ಖಾನ್, ಊರ್ವಶಿ ಧೋಲಾಕಿಯಾ, ಗೌತಮ್ ಗುಲಾಟಿ, ರುಬಿನಾ ದಿಲಾಯಿಕ್ ಮತ್ತು ಶ್ವೇತಾ ತಿವಾರಿ ಸೇರಿದಂತೆ ಮಾಜಿ ಬಿಗ್ ಬಾಸ್ ವಿಜೇತರು ಭಾಗವಹಿಸಿದ್ದರು.

ಫಿನಾಲೆಯಲ್ಲಿ ಬಿಗ್ ಬಾಸ್ 13ರ ಫೈನಲಿಸ್ಟ್ ಶೆಹನಾಜ್ ಗಿಲ್ ಅವರು ಬಿಗ್​ಬಾಸ್​ 13ರ ವಿಜೇತರಾದ ತಮ್ಮ ದಿವಂಗತ ಪಾಲುದಾರ ಸಿದ್ಧಾರ್ಥ್ ಶುಕ್ಲಾ ಅವರಿಗೆ ಗೌರವ ಸಲ್ಲಿಸಿದರು. ಶುಕ್ಲಾ ಕಳೆದ ವರ್ಷ ಹೃದಯಾಘಾತದಿಂದ ಸಾವನ್ನಪ್ಪಿದ್ದರು.

ಬಿಗ್​ ಬಾಸ್​ 15 ಕಾರ್ಯಕ್ರಮಕ್ಕೆ ಎಂಟ್ರಿ ಕೊಟ್ಟಿದ್ದ ಶೆಹನಾಜ್​ ಅವರು ಸಲ್ಮಾನ್​ ಖಾನ್​ ಅಪ್ಪಿಕೊಂಡು ತಮ್ಮ ಗೆಳೆಯ ಸಿದ್ದಾರ್ಥ್​ನ್ನು ನೆನಪಿಸಿ ಬಾವುಕರಾದರು. ಈ ವೇಳೆ ಕಾರ್ಯಕ್ರಮದಲ್ಲಿ ನೆರದಿದ್ದವರು ಸಹ ಕೆಲ ಕ್ಷಣ ಬಾವುಕರಾಗಿದ್ದರು. ಬಳಿಕ ಕಾರ್ಯಕ್ರಮ ಮುಂದುವರಿಯಿತು.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ