ಮುಂಬೈ: ಬಹುಭಾಷಾ ತಾರೆ ತಾಪ್ಸಿ ಪನ್ನು ಅಭಿನಯದ ಸೈಕಲಾಜಿಕಲ್ ಥ್ರಿಲ್ಲರ್ 'ಬ್ಲರ್'ಸಿನಿಮಾ ಪ್ರೊಡಕ್ಷನ್ ಕೆಲಸ ಮುಗಿಸಿದೆ ಎಂದು ತಯಾರಕರು ಮಂಗಳವಾರ ಘೋಷಿಸಿದ್ದಾರೆ. ಈ ಚಿತ್ರಕ್ಕೆ ಬಿಎ ಪಾಸ್, ಸೆಕ್ಷನ್ 375 ಸಿನಿಮಾ ನಿರ್ದೇಶಿಸಿ ಖ್ಯಾತಿ ಪಡೆದಿದ್ದ ನಿರ್ದೇಶಕ ಅಜಯ್ ಬಹಲ್ ಆ್ಯಕ್ಷನ್ ಕಟ್ ಹೇಳಿದ್ದಾರೆ.
'ಬ್ಲರ್' ಸಿನಿಮಾ ಶೂಟಿಂಗ್ ನೈನಿತಾಲ್ನಲ್ಲಿ ನಡೆದಿದೆ. ನೈನಿತಾಲ್ ಚಿತ್ರಕ್ಕೆ ಅತ್ಯವಶ್ಯಕವಾಗಿ ಬೇಕಿದ್ದ ಸೌಂದರ್ಯ ಮತ್ತು ಮಿಸ್ಟರಿಯನ್ನು ಒದಗಿಸಿತು ಎಂದು ಅಜಯ್ ಹೇಳಿದ್ದಾರೆ. ನೈನಿತಾಲ್ ಸರೋವರ, ಮಾಲ್ ರಸ್ತೆ ಮತ್ತು ಇತರ ಪ್ರವಾಸಿ ತಾಣಗಳಲ್ಲಿ ಜನದಟ್ಟಣೆ ಹೆಚ್ಚಾಗುವುದರಿಂದ ಶೂಟಿಂಗ್ಗೆ ಕಷ್ಟವಾಗಲಿದೆ ಎಂಬ ಕಾರಣಕ್ಕೆ ನಾವು ಮಧ್ಯರಾತ್ರಿ ಚಿತ್ರೀಕರಣ ಆರಂಭಿಸಿ ಬೆಳಗ್ಗೆವರೆಗೂ ಶೂಟಿಂಗ್ ಮಾಡುತ್ತಿದ್ದೆವು ಎಂದು ಅಜಯ್ ಹೇಳಿಕೊಂಡಿದ್ದಾರೆ.