ಹೃದಯಾಘಾತದಿಂದ ಮಂಗಳವಾರ ರಾತ್ರಿ ಬಿಜೆಪಿ ನಾಯಕಿ ಸುಷ್ಮಾ ಸ್ವರಾಜ ಇಹಲೋಕ ತ್ಯಜಿಸಿದರು. ಇವರ ಸಾವಿಗೆ ದೇಶದ ಜನತೆ ಸಂತಾಪ ಸೂಚಿಸಿತು. ಬಾಲಿವುಡ್ ತಾರೆಯರು ಕೂಡ ಸುಷ್ಮಾ ಸಾವಿಗೆ ಕಂಬಿನಿ ಮಿಡಿಯಿತು.
ಈಗ ಸುಷ್ಮಾ ಸ್ವರಾಜ್ ಅವರ ಜೀವನ-ಸಾಧನೆ ತೆರೆ ಮೇಲೆ ಬರಲಿದೆ ಎನ್ನುವ ಸುದ್ದಿ ಕೇಳಿ ಬರುತ್ತಿದೆ. ಏತನ್ಮಧ್ಯೆ ಬಾಲಿವುಡ್ ನಟಿ ತಾಪ್ಸಿ ಪನ್ನು ಸುಷ್ಮಾ ಸ್ವರಾಜ್ ಆಗಿ ತೆರೆಯ ಮೇಲೆ ಮಿಂಚಲು ಉತ್ಸುಕರಾಗಿರುವುದಾಗಿ ಹೇಳಿಕೊಂಡಿದ್ದಾರೆ.
ಸಂದರ್ಶನವೊಂದರಲ್ಲಿ ಮಾತನಾಡಿದ ಅವರು, ಸುಷ್ಮಾ ಬಯೋಪಿಕ್ನಲ್ಲಿ ನಟಿಸುವ ಅವಕಾಶ ಹುಡುಕಿಕೊಂಡು ಬಂದರೆ ನಾನು ಕೈಬಿಡುವುದಿಲ್ಲ. ಅಂತಹ ಲೆಜೆಂಡ್ ಬಯೋಪಿಕ್ನಲ್ಲಿ ಯಾರು ತಾನೆ ನಟಿಸಲು ಬಯಸೋಲ್ಲ ಹೇಳಿ?. ಅವರ ಬಯೋಪಿಕ್ನಲ್ಲಿ ಕಾಣಿಸಿಕೊಳ್ಳುವುದು ನನ್ನ ಅದೃಷ್ಟ ಎಂದಿದ್ದಾರೆ.
ಇನ್ನು ಇದೇ 15 ರಂದು ಬಿಡುಗಡೆಯಾಗುತ್ತಿರುವ 'ಮಿಷನ್ ಮಂಗಲ್' ಚಿತ್ರದ ಪ್ರಮೋಷನ್ನಲ್ಲಿರುವ ತಾಪ್ಸಿ, 'ರಾಜಕಾರಣಿಯ ಚಿತ್ರ ಮಾಡುವುದಾದರೆ ನಾನು, ಸುಷ್ಮಾ ಜೀ ಪಾತ್ರವನ್ನೇ ಮಾಡುತ್ತೇನೆ’ ಎಂದಿದ್ದಾರೆ.
ಇದೇ ವೇಳೆ ಸುಷ್ಮಾ ಸ್ವರಾಜ್ ಅವರ ಭಾಷಣ ಸ್ಮರಿಸಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡ ತಾಪ್ಸಿ, ನಾನು ಅವರ ಅಭಿಮಾನಿ ಎಂದು ಕ್ಯಾಪ್ಶನ್ ಬರೆದುಕೊಂಡಿದ್ದಾರೆ. ಇದಕ್ಕೂ ಮುನ್ನ ಸುಷ್ಮಾ ಅವರ ಹಠಾತ್ ಸಾವಿಗೆ ಸಂತಾಪ ಸೂಚಿಸಿದ್ದಾರೆ.