ತಾಪ್ಸಿ ಪನ್ನು ಹಾಗೂ ತಹಿರ್ ರಾಜ್ ಭಾಸಿನ್ ಅಭಿನಯದ 'ಲೂಪ್ ಲಪೇಟಾ' ಸಿನಿಮಾ ಬಿಡುಗಡೆ ದಿನಾಂಕ ನಿಗದಿಯಾಗಿದೆ. ಈ ವಿಚಾರವನ್ನು ತಾಪ್ಸಿ ಹಾಗೂ ತಹಿರ್ ಇಬ್ಬರೂ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ. ಚಿತ್ರದ ಪೋಸ್ಟರ್ ಇರುವ 12 ಸೆಕೆಂಡ್ ವಿಡಿಯೋ ಮೂಲಕ ಸಿನಿಮಾ ಅಕ್ಟೋಬರ್ 22 ರಂದು ತೆರೆ ಕಾಣಲಿದೆ ಎಂಬ ವಿಚಾರವನ್ನು ಚಿತ್ರತಂಡ ತಿಳಿಸಿದೆ.
ತೆಲುಗು, ತಮಿಳು, ಹಿಂದಿ ಚಿತ್ರರಂಗದಲ್ಲಿ ಬ್ಯುಸಿ ಇರುವ ತಾಪ್ಸಿ ತಮ್ಮ ಚಿತ್ರಗಳ ಮೂಲಕ ಅಭಿಮಾನಿಗಳನ್ನು ರಂಜಿಸುತ್ತಲೇ ಬಂದಿದ್ದಾರೆ. 'ಲೂಪ್ ಲಪೇಟಾ' ಕೂಡಾ ಬಹುನಿರೀಕ್ಷಿತ ಚಿತ್ರವಾಗಿದ್ದು ಈ ಸಿನಿಮಾ ಕೂಡಾ ಅಭಿಮಾನಿಗಳಿಗೆ ಇಷ್ಟವಾಗುವುದರಲ್ಲಿ ನೋ ಡೌಟ್ ಎನ್ನುತ್ತಾರೆ ತಾಪ್ಸಿ. 'ಲೂಪ್ ಲಪೇಟಾ' 1998ರಲ್ಲಿ ಬಿಡುಗಡೆಯಾದ 'ರನ್ ಲೋಲಾ ರನ್' ಜರ್ಮನ್ ಚಿತ್ರದ ರೀಮೇಕ್ ಆಗಿದ್ದು ಭಾರತದ ನೇಟಿವಿಟಿಗೆ ತಕ್ಕಂತೆ 'ಲೂಪ್ ಲಪೇಟಾ' ಹೊರತುಪಡಿಸಿ ತಾಪ್ಸಿ ಪನ್ನು ನೆಟ್ಫ್ಲಿಕ್ಸ್ನಲ್ಲಿ ಬಿಡುಗಡೆಯಾಗಲಿರುವ ಹಸೀನಾ ದಿಲ್ರುಬಾ, ಸ್ಪ್ಟೋರ್ಟ್ಸ್ ಸಿನಿಮಾ ರಶ್ಮಿ ರಾಕೆಟ್, ಭಾರತೀಯ ಕ್ರಿಕೆಟ್ ತಂಡದ ಕ್ಯಾಪ್ಟನ್ ಮಿಥಾಲಿ ರಾಜ್ ಜೀವನ ಚರಿತ್ರೆ ಆಧಾರಿತ ಶಭಾಷ್ ಮಿಥು, ಹಾಗೂ ಅನುರಾಗ್ ಕಶ್ಯಪ್ ನಿರ್ದೇಶನದ ದುಬಾರಾ ಸಿನಿಮಾಗಳಲ್ಲಿ ತಾಪ್ಸಿ ನಟಿಸುತ್ತಿದ್ದಾರೆ.