ಹೈದರಾಬಾದ್:ಸದ್ಯ ಗುಜರಾತ್‌ನ ಭುಜ್ನಲ್ಲಿ ‘ರಶ್ಮಿ ರಾಕೆಟ್’ ಚಿತ್ರೀಕರಣದಲ್ಲಿ ನಿರತರಾಗಿರುವ ಬಾಲಿವುಡ್ ಬೆಡಗಿ ತಾಪ್ಸಿ ಪನ್ನು ತಮ್ಮ ಮದುವೆಯ ಬಗ್ಗೆ ಮಾತನಾಡಿದ್ದಾರೆ. ರಶ್ಮಿ ರಾಕೆಟ್ ಚಿತ್ರದ ಬಳಿಕ ಮಾಡುವ ಸಿನಿಮಾಗಳು ಹಾಗೂ ತಮ್ಮ ವಿವಾಹದ ಬಗ್ಗೆ ಹೇಳಿಕೊಂಡಿದ್ದಾರೆ.
ತನ್ನ ಮುಂಬರುವ ಕೆಲಸದ ಬಗ್ಗೆ ಪ್ರಮುಖ ವೆಬ್‌ಲಾಯ್ಡ್‌ವೊಂದರ ಜತೆ ಮಾತನಾಡುತ್ತಾ, "ಬೇಸಿಗೆಯಲ್ಲಿ, ನಾನು ಶಾಬಾಶ್ ಮಿಥು ಮತ್ತು ಇನ್ನೂ ಕೆಲವು ಯೋಜನೆಗಳನ್ನು ಪ್ರಾರಂಭಿಸುತ್ತೇನೆ. ಈ ಬಗ್ಗೆ ಶೀಘ್ರದಲ್ಲೇ ಘೋಷಿಸಲಾಗುವುದು. ಆಗಸ್ಟ್ ವೇಳೆಗೆ, ಲಾಕ್‌ಡೌನ್‌ಗೆ ಮೊದಲು ಸಹಿ ಮಾಡಿದ ಚಲನಚಿತ್ರಗಳ ಚಿತ್ರೀಕರಣವನ್ನು ಪೂರ್ಣಗೊಳಿಸಲು ನಾನು ಬಯಸುತ್ತೇನೆ"ಎಂದು ತಾಪ್ಸಿ ಹೇಳಿದರು.
ಅನುರಾಗ್ ಕಶ್ಯಪ್ ಅವರ ಚಲನಚಿತ್ರದಲ್ಲಿಯೂ ತಾಪ್ಸಿ ನಟಿಸಲಿದ್ದಾರೆ. ಈ ಚಿತ್ರವನ್ನು ಯುಕೆ ನಲ್ಲಿ ಚಿತ್ರೀಕರಿಸಲು ನಿರ್ಮಾಪಕರು ಈ ಹಿಂದೆ ನಿರ್ಧರಿಸಿದ್ದರು. ಆದರೆ ಈಗ ಸಾಂಕ್ರಾಮಿಕ ರೋಗದಿಂದಾಗಿ ಈ ಚಿತ್ರವನ್ನು ಗೋವಾದಲ್ಲಿ ಚಿತ್ರೀಕರಿಸಲಾಗುವುದು ಎಂದು ಹೇಳಲಾಗಿತ್ತು.