ಬಿಜೆಪಿ ಸಂಸದ ಸನ್ನಿ ಡಿಯೋಲ್​ಗೆ ನೋಟಿಸ್​​... ಮಿತಿ ಮೀರಿ ಖರ್ಚು ಮಾಡಿದ್ದೇ ನಟನಿಗೆ ಶಾಪ!

ಲೋಕಸಭಾ ಚುನಾವಣೆಯಲ್ಲಿ ನಿಗದಿ ಮಾಡಿದ್ದಕ್ಕಿಂತ ಅಧಿಕ ಹಣ ವ್ಯಯ ಮಾಡಿದ್ದಕ್ಕಾಗಿ ಬಿಜೆಪಿ ಸಂಸದ ಸನ್ನಿ ಡಿಯೋಲ್​ಗೆ ನೋಟಿಸ್​ ಜಾರಿಯಾಗಿದೆ.

ಪಂಜಾಬ್​​​:ಗುರುದಾಸ್​​​​ಪುರ ಲೋಕಸಭಾ ಕ್ಷೇತ್ರದಿಂದ ಬಿಜೆಪಿ ಅಭ್ಯರ್ಥಿಯಾಗಿ ಸ್ಪರ್ಧೆ ಮಾಡಿ ಗೆಲುವು ದಾಖಲು ಮಾಡಿರುವ ಬಾಲಿವುಡ್​ ನಟ ಸನ್ನಿ ಡಿಯೋಲ್​ಗೆ ಸಂಕಷ್ಟವೊಂದು ಎದುರಾಗಿದೆ.

ಲೋಸಕಭಾ ಚುನಾವಣೆಯಲ್ಲಿ ಆಯೋಗ ನಿಗದಿಪಡಿಸಿದ್ದ ಹಣಕ್ಕಿಂತಲೂ ಹೆಚ್ಚಿನ ಪ್ರಮಾಣದಲ್ಲಿ ಖರ್ಚು ಮಾಡಿದ್ದರಿಂದ ಗುರುದಾಸ್​​ಪುರ ಜಿಲ್ಲಾ ಚುನಾವಣಾಧಿಕಾರಿ ವಿಪುಲ್​ ಉಜ್ವಲ್​​ ನೋಟಿಸ್​ ಜಾರಿ ಮಾಡಿದ್ದು, ಚುನಾವಣೆಗಾಗಿ ವ್ಯಯ ಮಾಡಿರುವ ಹಣದ ಕುರಿತು ಮಾಹಿತಿ ನೀಡುವಂತೆ ತಿಳಿಸಿದ್ದಾರೆ.

ಲೋಕಸಭಾ ಚುನಾವಣೆಗಾಗಿ, ಆಯೋಗ 70ಲಕ್ಷ ರೂ ನಿಗದಿ ಮಾಡಿದೆ. ಆದರೆ, ಸನ್ನಿ ಡಿಯೋಲ್​ 86 ಲಕ್ಷ ರೂ ಚುನಾವಣೆಗಾಗಿ ಖರ್ಚು ಮಾಡಿದ್ದಾರೆಂದು ತಿಳಿದು ಬಂದಿರುವ ಕಾರಣ ಈ ನೋಟಿಸ್​ ಜಾರಿಯಾಗಿದ್ದು, ಉತ್ತರ ನೀಡುವಂತೆ ತಿಳಿಸಿದೆ.