ಹೈದರಾಬಾದ್: ಬಾಲಿವುಡ್ ನಟ ಸನ್ನಿ ಡಿಯೋಲ್ ತಮ್ಮ ಮುಂದಿನ ಸಿನೆಮಾದ ಪೋಸ್ಟರ್ ಅನ್ನು ದಸರಾ ಹಬ್ಬದ ಪ್ರಯುಕ್ತ ಬಿಡುಗಡೆ ಮಾಡಿದ್ದಾರೆ. ಸಹಜವಾಗಿಯೇ ಇದು ಅಭಿಮಾನಿಗಳಲ್ಲಿ ಸಂಭ್ರಮಕ್ಕೆ ಕಾರಣವಾಗಿದೆ.
ನಟ ತಮ್ಮ ಟ್ವಿಟರ್ ಖಾತೆಯಲ್ಲಿ ಸಿನಿಮಾವೊಂದರ ಪೋಸ್ಟರ್ ಹಂಚಿಕೊಂಡಿದ್ದಾರೆ. ಪೋಸ್ಟರ್‌ನಲ್ಲಿ '2' ಎಂಬ ಸಂಖ್ಯೆ ಬರೆಯಲಾಗಿದೆ. ಇದು ಹಿಂದಿನ ಚಿತ್ರದ ಎರಡನೇ ಭಾಗ ಎಂದು ಸೂಚಿಸುತ್ತದೆ. ಅದರ ಮೇಲೆ 'ಕಥೆಯು ಮುಂದುವರಿಯುತ್ತದೆ ...' ಎಂಬ ಒಂದು ಸಾಲು ಕೂಡ ಇದೆ.
ಸನ್ನಿಯ ಬ್ಲಾಕ್ ಬಾಸ್ಟರ್ ಚಿತ್ರ 'ಗದರ್' ನಲ್ಲಿ 'ಏಕ್ ಪ್ರೇಮ್ ಕಥಾ' ಎಂಬ ಟ್ಯಾಗ್ ಲೈನ್ ಕೂಡ ಇತ್ತು. ಹೀಗಾಗಿ, ಈ ಪೋಸ್ಟರ್ ಗಮನಿಸಿದ ಅಭಿಮಾನಿಗಳು ಇದು ಅವರ ಮುಂಬರುವ ಚಿತ್ರ 'ಗದರ್ 2' ಆಗಿದೆ ಎಂದು ಸ್ಪಷ್ಟವಾಗಿ ಗುರುತಿಸಿದ್ದಾರೆ.