ತಮ್ಮ ಕಚೇರಿಯ ಸೀಲಿಂಗ್ ನವೀಕರಿಸುವಿರಾ?: ಪತ್ನಿ ಗೌರಿ ಖಾನ್​ಗೆ ಹೇಳಿದ ಶಾರುಖ್

ತನ್ನ ಪ್ರೊಡಕ್ಷನ್ ಹೌಸ್ ರೆಡ್ ಚಿಲ್ಲೀಸ್ ಎಂಟರ್‌ಟೈನ್‌ಮೆಂಟ್‌ ಆಫೀಸ್ ರೂಮ್​ನ ಸೀಲಿಂಗ್ ನವೀಕರಿಸಬೇಕೆಂದು ಶಾರುಖ್ ಖಾನ್, ಇಂಟೀರಿಯರ್ ಡಿಸೈನರ್ ಆಗಿರುವ ತನ್ನ ಪತ್ನಿ ಗೌರಿ ಖಾನ್​ಗೆ ಹೇಳಿದ್ದಾರೆ.

ಮುಂಬೈ:ಸೂಪರ್‌ಸ್ಟಾರ್ ಶಾರುಖ್ ಖಾನ್, ಯಶಸ್ವಿ ಇಂಟೀರಿಯರ್ ಡಿಸೈನರ್ ತನ್ನ ಪತ್ನಿ ಗೌರಿ ಖಾನ್ ಬಳಿ, ತನ್ನ ಪ್ರೊಡಕ್ಷನ್ ಹೌಸ್ ರೆಡ್ ಚಿಲ್ಲೀಸ್ ಎಂಟರ್‌ಟೈನ್‌ಮೆಂಟ್‌ನ ಆಫೀಸ್ ರೂಮ್​ನ ಸೀಲಿಂಗ್ ನವೀಕರಿಸಬೇಕೆಂದು ಹೇಳಿದ್ದಾರೆ.

ಸೀಲಿಂಗ್​ನ ಪ್ರಾಮುಖ್ಯತೆಯನ್ನು ತಿಳಿಸುವ ಪೋಸ್ಟ್ ಒಂದನ್ನು ಗೌರಿ ಬರೆದಿದ್ದರು. ಆ ಪೋಸ್ಟ್‌ಗೆ ಪ್ರತಿಕ್ರಿಯಿಸಿದ ಶಾರುಖ್ ಈ ವಿಶೇಷ ವಿನಂತಿಯನ್ನು ಮಾಡಿದ್ದಾರೆ.

"ನೀವು ಈಗ ನನ್ನ ರೆಡ್ ಚಿಲ್ಲೀಸ್ ಕಚೇರಿಯನ್ನು ಹೊಸ ಸೀಲಿಂಗ್‌ನೊಂದಿಗೆ ನವೀಕರಿಸಬಹುದೇ? ನಾವು ಕೆಲಸವನ್ನು ಪುನರಾರಂಭಿಸಿದಾಗ ಏನಾದರೂ ಹೊಸತನ್ನು ನೋಡಲು ಬಯಸುತ್ತೇವೆ" ಎಂದು ಶಾರುಖ್ ಬರೆದಿದ್ದಾರೆ.

ಇದಕ್ಕೆ ಗೌರಿ "ನಮ್ಮ ತಂಡ ಆ ಕೆಲಸ ಮಾಡಲಿದೆ ಸರ್!" ಎಂದು ಉತ್ತರಿಸಿದ್ದಾರೆ.