ಮುಂಬೈ:ಕೋವಿಡ್ ಸಂದರ್ಭದಲ್ಲಿ ನಟ ಮತ್ತು ಸಾಮಾಜಿಕ ಕಾರ್ಯಕರ್ತ ಸೋನು ಸೂದ್ ದೇಶಕ್ಕೆ ಮಾಡಿದ ಸಹಾಯ ಎಲ್ಲರಲ್ಲೂ ಅಚ್ಚಾಗಿ ಉಳಿದಿದೆ. 'ರಿಯಲ್ ಹೀರೋ' ಎಂಬ ಬಿರುದು ಪಡೆದಿರುವ ಸೋನು ಸೂದ್ ಮೇಲೆ ತೆರಿಗೆ ವಂಚನೆ ಆರೋಪ ಕೇಳಿಬಂದಿದ್ದು, ಈ ಬಗ್ಗೆ ನಟ ಟ್ವಿಟರ್ನಲ್ಲಿ ಐಟಿ ಇಲಾಖೆಗೆ ಉತ್ತರ ನೀಡಿದ್ದಾರೆ.
ಕಳೆದ ವಾರ ಮುಂಬೈನಲ್ಲಿರುವ ಸೋನು ಸೂದ್ ನಿವಾಸ ಮತ್ತು ಕಚೇರಿಗಳ ಮೇಲೆ ದಾಳಿ ನಡೆಸಿದ್ದ ಐಟಿ ಅಧಿಕಾರಿಗಳು, ನಟ 20 ಕೋಟಿ ರೂ. ಆದಾಯ ತೆರಿಗೆ ವಂಚನೆ ಮಾಡಿದ್ದು, ಇದಕ್ಕೆ ಸಂಬಂಧಿಸಿದಂತೆ ಕೆಲ ಸಾಕ್ಷ್ಯಗಳು ಲಭ್ಯವಾಗಿವೆ ಎಂಬ ಮಾಹಿತಿ ನೀಡಿದ್ದರು. ಈ ಬಗ್ಗೆ ಮೌನವಾಗಿದ್ದ ಸೂದ್ ಇದೀಗ ಟ್ವೀಟ್ ಮಾಡಿದ್ದು, "ಅತ್ಯಂತ ಕಠಿಣವಾದ ರಸ್ತೆಗಳಲ್ಲಿಯೂ ಪ್ರತಿಯೊಬ್ಬ ಭಾರತೀಯನ ಸದ್ಭಾವನೆಯಿಂದ ಸುಲಭ ಪ್ರಯಾಣವು ಕಂಡುಬರುತ್ತದೆ" ಎಂದು ಹೇಳಿದ್ದಾರೆ.