ಕರ್ನಾಟಕ ಕ್ರಷ್ನಿಂದ ನ್ಯಾಷನಲ್ ಕ್ರಷ್ ಆಗಿ ಪ್ರಮೋಷನ್ ಪಡೆದ ರಶ್ಮಿಕಾ ಮಂದಣ್ಣ ಈಗ ಬಾಲಿವುಡ್ ಚಿತ್ರರಂಗಕ್ಕೆ ಕೂಡಾ ಎಂಟ್ರಿ ನೀಡಿದ್ದಾರೆ. ಸಿದ್ದಾರ್ಥ್ ಮಲ್ಹೋತ್ರ ಜೊತೆ ರಶ್ಮಿಕಾ 'ಮಿಷನ್ ಮಜ್ನು' ಎಂಬ ಚಿತ್ರದಲ್ಲಿ ನಟಿಸುತ್ತಿದ್ದು ರಶ್ಮಿಕಾ ಇನ್ನು ಕೆಲವು ದಿನಗಳಲ್ಲಿ ಚಿತ್ರತಂಡ ಸೇರಲಿದ್ದಾರೆ.
ಇದನ್ನೂ ಓದಿ: ಫೋಟೋಗ್ರಾಫರ್ಗೆ 'ನಾಟ್ ಅಲೌಡ್' ಎಂದ ಕರೀನಾ ಪುತ್ರ: ವೈರಲ್ ಫೋಟೋ
ಮಿಷನ್ ಮಜ್ನು ಮೂಲಕ ಬಾಲಿವುಡ್ಗೆ ಎಂಟ್ರಿ ಕೊಟ್ಟ ರಶ್ಮಿಕಾಗೆ ಸಿದ್ದಾರ್ಥ್ ಮಲ್ಹೋತ್ರ ಸ್ವಾಗತ ಕೋರಿದ್ದಾರೆ. "ಬಾಲಿವುಡ್ಗೆ ನಿಮಗೆ ಸ್ವಾಗತ ಕೋರಲು ಬಯಸುತ್ತೇನೆ, ಮಿಷನ್ ಮಜ್ನು ತಂಡದೊಂದಿಗೆ ನಿಮ್ಮನ್ನು ನೋಡಲು ಬಹಳ ಎಕ್ಸೈಟ್ ಆಗಿದ್ದೇನೆ, ಶೀಘ್ರದಲ್ಲೇ ನಿಮ್ಮನ್ನು ಭೇಟಿ ಆಗುತ್ತೇನೆ" ಎಂದು ಟ್ವೀಟ್ ಮಾಡಿದ್ದಾರೆ.
ಭೀಷ್ಮ ಚಿತ್ರದಲ್ಲಿ ರಶ್ಮಿಕಾ ಜೊತೆ ನಟಿಸಿದ್ದ ತೆಲುಗು ನಟ ನಿತಿನ್ ಕೂಡಾ ರಶ್ಮಿಕಾ ಬಾಲಿವುಡ್ಗೆ ಹೋಗುತ್ತಿದ್ದಾರೆ ಎಂದು ತಿಳಿದು "ಕಿಲ್ ಇಟ್ ರಶ್ಮಿಕಾ " ಎಂದು ಹೇಳುವ ಮೂಲಕ ಶುಭ ಕೋರಿದ್ದರು. ಮಿಷನ್ ಮಜ್ನು ನೈಜ ಘಟನೆ ಆಧರಿತ ಸಿನಿಮಾವಾಗಿದ್ದು ಶಾಂತನು ಬಾಗ್ವಿ ಈ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ಇದು ಶಾಂತನು ಅವರಿಗೆ ಕೂಡಾ ಮೊದಲ ಸಿನಿಮಾ. ರಶ್ಮಿಕಾ ಬಾಲಿವುಡ್ ಸಿನಿಮಾಗೆ ಒಪ್ಪಿಕೊಳ್ಳುವ ಮುನ್ನ ರ್‍ಯಾಪರ್ ಬಾದ್ಷಾ ಅವರ ಆಲ್ಬಂ ಹಾಡೊಂದರಲ್ಲಿ ನಟಿಸಿದ್ದಾರೆ. ಇದೀಗ ಅವರು ಬಾಲಿವುಡ್ ಚಿತ್ರರಂಗಕ್ಕೆ ಎಂಟ್ರಿ ನೀಡಿರುವ ವಿಚಾರ ಅಭಿಮಾನಿಗಳಿಗೆ ಖುಷಿ ನೀಡಿದೆ.