ಲಾಕ್ಡೌನ್ ದಿನಗಳಲ್ಲಿ ಮನೆ ಕೆಲಸಗಳನ್ನು ಮಾಡಿಕೊಂಡು ಆ ವಿಡಿಯೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಮಾಡುತ್ತಿದ್ದ ಬಾಲಿವುಡ್ ನಟಿ ಅದಾಶರ್ಮಾ ಇದೀಗ ಬಹಳ ದಿನಗಳ ಬಳಿಕ ಮತ್ತೆ ಶೂಟಿಂಗ್ಗೆ ಹಾಜರಾಗಿದ್ದಾರೆ.
ಆದರೆ ಅದಾ ಪಾಲ್ಗೊಂಡಿರುವುದು ಕಾಫಿ ಕಂಪನಿಯೊಂದರ ಜಾಹೀರಾತಿನ ಶೂಟಿಂಗ್ಗಾಗಿ. ಶೂಟಿಂಗ್ ಸೆಟ್ನಲ್ಲಿ ಫೇಸ್ ಶೀಲ್ಡ್ ಹಾಕಿಕೊಂಡು ಸ್ನೇಹಿತರೊಂದಿಗೆ ತೆಗೆಸಿಕೊಂಡಿರುವ ಪೋಟೋವೊಂದನ್ನು ತಮ್ಮ ಟ್ವಿಟ್ಟರ್ನಲ್ಲಿ ಷೇರ್ ಮಾಡಿಕೊಂಡಿರುವ ಅದಾ ಶರ್ಮಾ, ಬಹಳ ದಿನಗಳ ನಂತರ ಶೂಟಿಂಗ್ ಹಾಜರಾಗುತ್ತಿದ್ದೇನೆ. ಇದೊಂದು ಜಾಹೀರಾತಿನ ಚಿತ್ರೀಕರಣ. ಈ ತಂಡದಲ್ಲಿ 20 ಮಂದಿಗಿಂತ ಕಡಿಮೆ ಜನರಿದ್ದಾರೆ. ಎಲ್ಲರೂ ಸ್ಯಾನಿಟೈಸರ್, ಫೇಸ್ ಮಾಸ್ಕ್ ಧರಿಸಿ ಸಾಮಾಜಿಕ ಅಂತರ ಕಾಯ್ದುಕೊಂಡು ಶೂಟಿಂಗ್ನಲ್ಲಿ ಪಾಲ್ಗೊಳ್ಳುತ್ತಿದ್ದೇವೆ. ನಾನು ಯಾವುದೋ ಯುದ್ಧದಲ್ಲಿ ಪಾಲ್ಗೊಳ್ಳುತ್ತಿರುವಂತೆ ನನಗೆ ಫೀಲ್ ಆಗುತ್ತಿದೆ ಎಂದು ಅದಾ ಶರ್ಮಾ ಹೇಳಿಕೊಂಡಿದ್ದಾರೆ.