ನಟಿ ಸನಾ ಖಾನ್, ನೃತ್ಯ ನಿದೇರ್ಶಕ ಮೆಲ್ವಿನ್ ಲೂಯಿಸ್ ಜೊತೆ ಹೊಂದಿದ್ದ ಸಂಬಂಧಕ್ಕೆ ಎಳ್ಳುನೀರು ಬಿಟ್ಟಿದ್ದಾರೆ.
ಬಿಗ್ಬಾಸ್ ಸ್ಫರ್ಧಿಯಾಗಿದ್ದ ಸನಾ ಖಾನ್ ಬಾಲಿವುಡ್ ಸೇರಿದಂತೆ ತೆಲುಗು, ತಮಿಳು ಸಿನಿಮಾಗಳಲ್ಲಿ ನಟಿಸಿದ್ದರು. ಮುಂಬೈ ಮೂಲದ ನೃತ್ಯ ನಿದೇರ್ಶಕ ಮೆಲ್ವಿನ್ ಲೂಯಿಸ್ ಜೊತೆಗೆ ಕಳೆದೊಂದು ವರ್ಷಗಳಿಂದ ಡೇಟಿಂಗ್ ಮಾಡುತ್ತಿದ್ದರು. ಕಳೆದೆರಡು ತಿಂಗಳಿಂದ ಇವರಿಬ್ಬರ ನಡುವೆ ಕಲಹ, ಜಗಳಗಳು ಆಗಾಗ ನಡೆಯುತ್ತಿದ್ದು, ಇದೀಗ ಸ್ವತಃ ಸನಾ ತಮ್ಮ ಹಾಗೂ ಲೂಯಿಸ್ ನಡುವಣ ಬ್ರೇಕ್ ವಿಷಯವನ್ನು ಬಹಿರಂಗ ಪಡಿಸಿದ್ದಾರೆ.
ಈ ಕುರಿತು ಇಮ್ಮ ಇನ್ಸ್ಟಾಗ್ರಾಂನಲ್ಲಿ ಬರೆದುಕೊಂಡಿರುವ ಸನಾ, ತಮ್ಮ ಪ್ರೀತಿಯ ಬಗ್ಗೆ ಅತೀಯಾದ ನಂಬಿಕೆ, ಗೌರವ, ಪ್ರೀತಿಸುವ ಅನೇಕ ಜನರಿದ್ದಾರೆ. ಆದರೆ, ದುರದೃಷ್ಟವಶಾತ್ ನಾನು ಎಲ್ಲಿ ಪ್ರೀತಿಯನ್ನು ಪಡೆದೆನೋ ಅಲ್ಲಿಂದ ಈ ರೀತಿಯ ಭಾವನೆ, ಗೌರವವನ್ನು ಪಡೆದುಕೊಳ್ಳಲು ವಿಫಲನಾಗಿದ್ದೇನೆ. ನಾನು ಅಂಧವಾಗಿ ಈ ಕೊಳಕು ವ್ಯಕ್ತಿಯನ್ನು ನಂಬಿದ್ದೆ. ಅವನ ಮನಸ್ಥಿತಿ ತಿಳಿಯಲು ಒಂದು ವರ್ಷ ಬೇಕಾಯಿತು. ಇವನು ನನಗೆ ಮೋಸ ಮಾಡುವುದರಜೊತೆಗೆ ಅನೇಕ ಹುಡುಗಿರಿಗೆ ಮೋಸ ಮಾಡಿದ್ದಾನೆ ಎಂದು ದೂರಿದ್ದಾರೆ.
ನನ್ನ ಮತ್ತು ಮೆಲ್ವಿನ್ ಸಂಬಂಧ ಮುರಿದು ಬಿದ್ದಿದೆ. ಅವನು ನನಗೆ ಮೋಸ ಮಾಡಿದ್ದಾನೆ. ಈ ನೋವಿನಿಂದ ಹೊರ ಬರಲು ಪ್ರಯತ್ನಿಸುತ್ತಿದ್ದೇನೆ ಎಂದೂ ತಮ್ಮ ಇನ್ ಸ್ಟಾಗ್ರಾಮ್ ವಾಲ್ನಲ್ಲಿ ಬರೆದುಕೊಂಡಿದ್ದಾರೆ.