'ಫ್ಯಾಮಿಲಿ ಮ್ಯಾನ್ 2' ವೆಬ್​​ ಸಿರೀಸ್​ನಲ್ಲಿ ​ಅತ್ಯುತ್ತಮ ನಟಿ ಪ್ರಶಸ್ತಿ ಬಾಚಿಕೊಂಡ ಸಮಂತಾ

ಪ್ರೇಕ್ಷಕರಿಂದ ಮೆಚ್ಚುಗೆ ಪಡೆದ 'ಫ್ಯಾಮಿಲಿ ಮ್ಯಾನ್ 2' ವೆಬ್​​ ಸಿರೀಸ್ ಹಲವು ಪ್ರಶಸ್ತಿಗಳನ್ನು ಬಾಚಿಕೊಂಡಿದೆ. ಹಲವು ವಿವಾದಗಳ ಬಳಿಕವೂ ವೆಬ್​​ ಸಿರೀಸ್​ನಲ್ಲಿ ಸಮಂತಾ ನಟನೆಗೆ ಮೆಚ್ಚುಗೆ ವ್ಯಕ್ತವಾಗಿದೆ. ಅತ್ಯುತ್ತಮ ನಟಿ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ.

ಹೈದರಾಬಾದ್ ​:ಒಟಿಟಿ ಪ್ಲಾಟ್​ಫಾರ್ಮ್​ನಲ್ಲಿ​ ಇತ್ತೀಚೆಗೆ ಬಿಡುಗಡೆಯಾದ 'ಫ್ಯಾಮಿಲಿ ಮ್ಯಾನ್ 2' ವೆಬ್​​ ಸಿರೀಸ್​ನಲ್ಲಿ ನಟಿಸಿದ್ದ ಬಹುಭಾಷಾ ನಟಿ ಸಮಂತಾ ರುತ್​ ಪ್ರಭು ಅತ್ಯುತ್ತಮ ನಟಿ ಪ್ರಶಸ್ತಿ ತಮ್ಮದಾಗಿಸಿಕೊಂಡಿದ್ದಾರೆ. ಜಾಲತಾಣದಲ್ಲಿ ಈ ಬಗ್ಗೆ ನಟಿ ಖುಷಿ ಹಂಚಿಕೊಂಡಿದ್ದಾರೆ.

ನಟಿ ಸಮಂತಾ

ಮುಂಬೈನಲ್ಲಿ ಗುರುವಾರ ನಡೆದ ಫಿಲ್ಮ್‌ಫೇರ್ ಒಟಿಟಿ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ 'ಫ್ಯಾಮಿಲಿ ಮ್ಯಾನ್ 2' ವೆಬ್​​ ಸಿರೀಸ್​ ಅತ್ಯುತ್ತಮ ಮೂಲ ಕಥೆ, ಅತ್ಯುತ್ತಮ ಚಿತ್ರಕಥೆ, ಅತ್ಯುತ್ತಮ ನಿರ್ದೇಶನ-ಕ್ರಿಟಿಕ್ಸ್​ (ಸುಪರ್ಣ್​ ವರ್ಮಾ), ಅತ್ಯುತ್ತಮ ನಟಿ (ಸಮಂತಾ), ಅತ್ಯುತ್ತಮ ವೆಬ್​ ಸಿರೀಸ್​ ಪ್ರಶಸ್ತಿಗಳನ್ನು ಬಾಚಿಕೊಂಡಿದೆ.

ನಟಿ ಸಮಂತಾ

ಅನೇಕ ವಿವಾದಗಳ ನಡುವೆ ಒಟಿಟಿಯಲ್ಲಿ ಬಿಡುಗಡೆಯಾದ 'ದಿ ಫ್ಯಾಮಿಲಿ ಮ್ಯಾನ್ 2' ವೆಬ್ ಸರಣಿಯು ಪ್ರಪಂಚದಾದ್ಯಂತ ಪ್ರೇಕ್ಷಕರಿಂದ ಅಪಾರ ಜನಪ್ರಿಯತೆಯನ್ನು ಗಳಿಸಿದೆ. ಜನಪ್ರಿಯ IMDB TV ಸರಣಿ ಶ್ರೇಯಾಂಕಗಳಲ್ಲಿ ಈ ಸಿರೀಸ್ ನಾಲ್ಕನೇ ಸ್ಥಾನದಲ್ಲಿದೆ. 'ದಿ ಫ್ಯಾಮಿಲಿ ಮ್ಯಾನ್ ಸೀಸನ್ 2' ಅನ್ನು ರಾಜ್ ಮತ್ತು ಡಿಕೆ ನಿರ್ದೇಶಿಸಿದ್ದಾರೆ.

'ಫ್ಯಾಮಿಲಿ ಮ್ಯಾನ್ 2' ವೆಬ್​​ ಸಿರೀಸ್​ ತಂಡ

ಈ ವೆಬ್​ ಸರಣಿಯಲ್ಲಿ ಸಮಂತಾ ತಮಿಳು ಈಳಂ ಸೈನಿಕ ರಾಜಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಅಮೆಜಾನ್​ ಪ್ರೈಂ ವಿಡಿಯೋ ಮೂಲಕ ಬಿಡುಗಡೆಯಾದ ಈ ವೆಬ್​ ಸರಣಿಯಲ್ಲಿ ಸಖತ್​ ಬೋಲ್ಡ್​ ಆದಂತಹ ಪಾತ್ರವನ್ನು ಸಮಂತಾ ಮಾಡಿದ್ದಾರೆ. ಹಾಗಾಗಿ, ವೆಬ್​​ ಸಿರೀಸ್​ ವಿವಾದಕ್ಕೀಡಾಗಿತ್ತು.

ನಟಿ ಸಮಂತಾ

ಗುಲ್ಲಕ್ ಸೀಸನ್ 2, ದಿ ಫ್ಯಾಮಿಲಿ ಮ್ಯಾನ್ 2, ಸ್ಕ್ಯಾಮ್ 1992 ಸೇರಿದಂತೆ ಹಲವು ವೆಬ್ ಸರಣಿಗಳು ಪ್ರತಿಷ್ಠಿತ ಪ್ರಶಸ್ತಿ ಸಮಾರಂಭದಲ್ಲಿ ಭಾಗಿಯಾಗಿದ್ದವು. ಕೊರೊನಾ ಬಳಿಕ ಒಟಿಟಿ ಪ್ಲಾಟ್​ಫಾರ್ಮ್ ಹೆಚ್ಚು ಪ್ರಚಲಿತಗೊಂಡಿದೆ. ವೆಬ್ ಸಿರೀಸ್ ಮಾತ್ರವಲ್ಲದೇ, ಹಲವು ಬಿಗ್​ ಸಿನಿಮಾಗಳು ಸಹ ಇದರಲ್ಲೇ ಬಿಡುಗಡೆಯಾಗುತ್ತಿವೆ.

ನಟಿ ಸಮಂತಾ

ಇದನ್ನೂ ಓದಿ : Watch.. ಮತ್ತೆ ಯಾವತ್ತೂ ಈ ಹಾಡು ಹಾಡುವುದಿಲ್ಲ... ಅಪ್ಪು ನೆನೆದು ಎನ್​ಟಿಆರ್ ಭಾವುಕ