ಬರೋಬ್ಬರಿ 230 ಕೋಟಿ ರೂ.ಗೆ 'ರಾಧೆ' ಹಕ್ಕು ಮಾರಾಟ: ಬಾಲಿವುಡ್​ನಲ್ಲಿ ಹೊಸ ಇತಿಹಾಸ!

ಸಲ್ಮಾನ್​ ಖಾನ್​ ನಟನೆ ಮಾಡಿರುವ ರಾಧೆ ಸಿನಿಮಾದ ಹಕ್ಕು ಬಾಲಿವುಡ್​ ಇತಿಹಾಸದಲ್ಲಿ ಅತಿ ಹೆಚ್ಚು ಹಣಕ್ಕೆ ಮಾರಾಟವಾಗಿದೆ.

ಬಾಲಿವುಡ್​ನ ಬ್ಯಾಡ್​ ಬಾಯ್ ಸಲ್ಲು ಅಭಿನಯದ 'ರಾಧೆ' ಚಿತ್ರದ ಹಕ್ಕು ಮಾರಾಟವಾಗಿದ್ದು, ಬರೋಬ್ಬರಿ 230 ಕೋಟಿ ರೂಪಾಯಿಗೆ ಝೀ ಸ್ಟುಡಿಯೋ ಇದರ ಹಕ್ಕು ಖರೀದಿ ಮಾಡಿದೆ.

ಸ್ಯಾಟ್​ಲೈಟ್, ಥಿಯೇಟರ್​, ಮ್ಯೂಸಿಕ್​ ಹಾಗೂ ಡಿಜಿಟಲ್​ ಹಕ್ಕು ಖರೀದಿ ಮಾಡಿದ್ದು, ಈ ವರ್ಷದ ಈದ್​ ವೇಳೆಗೆ ಈ ಚಿತ್ರ ತೆರೆ ಕಾಣಲಿದೆ ಎಂಬ ಮಾಹಿತಿ ಲಭ್ಯವಾಗಿದೆ. ಚಿತ್ರಕ್ಕೆ ಪ್ರಭುದೇವ್​ ನಿರ್ದೇಶನವಿದ್ದು, ಬಾಲಿವುಡ್ ಇತಿಹಾಸದಲ್ಲೇ ಅತಿ ಹೆಚ್ಚು ಹಣಕ್ಕೆ ಈ ಚಿತ್ರದ ಹಕ್ಕು ಮಾರಾಟಗೊಂಡಿದೆ.

2020ರ ಈದ್​ ಸಂದರ್ಭದಲ್ಲಿ ಈ ಚಿತ್ರ ರಿಲೀಸ್ ಆಗಬೇಕಾಗಿತ್ತು. ಆದರೆ ಕೊರೊನಾ ಕಾರಣ ಈ ವರ್ಷ ರಿಲೀಸ್​ ಆಗಲಿದೆ. ಚಿತ್ರದಲ್ಲಿ ರಂದೀಪ್​ ಹೂಡಾ, ದಿಶಾ ಪಟಾನಿ, ಜಾಕಿ ಶ್ರಾಫ್​ ಸೇರಿದಂತೆ ಹಲವರು ನಟನೆ ಮಾಡಿದ್ದಾರೆ.