ಮುಂಬೈ:ಸಹೋದರತ್ವ ಮತ್ತು ಕೋಮು ಸೌಹಾರ್ದತೆಯನ್ನು ಪ್ರತಿಬಿಂಬಿಸುವ 'ಭಾಯ್ ಭಾಯ್' ಎಂಬ ಹಾಡನ್ನು ಬಿಡುಗಡೆ ಮಾಡಿರುವ ಬಾಲಿವುಡ್ ನಟ ಸಲ್ಮಾನ್ ಖಾನ್, ಈ ಹಾಡನ್ನು ಹೆಚ್ಚು ಹೆಚ್ಚು ಕೇಳಿ ಎಂದು ತಮ್ಮ ಯುವ ಅಭಿಮಾನಿಗಳಿಗೆ ಹೇಳಿದ್ದಾರೆ.
ಕೋಮು ಸೌಹಾರ್ದತೆ ಹೆಚ್ಚಿಸುವ ಭಾಯ್ ಭಾಯ್ ಹಾಡು ಕೇಳುವಂತೆ ಅಭಿಮಾನಿಗಳಿಗೆ ಸಲ್ಲು ಸಲಹೆ - ಭಾಯ್ ಭಾಯ್ ಹಾಡು ಬಿಡುಗಡೆ ಮಾಡಿದ ಸಲ್ಮಾನ್ ಖಾನ್
ಈದುಲ್ ಫಿತರ್ ಹಬ್ಬದ ಸಂದರ್ಭದಲ್ಲಿ ಬಿಡುಗಡೆ ಮಾಡಿರುವ ಹಾಡು 'ಭಾಯ್ ಭಾಯ್' ಗೆ ಬೆಂಬಲ ವ್ಯಕ್ತಪಡಿಸಿದ ಅಭಿಮಾನಿಗಳಿಗೆ ಧನ್ಯವಾದ ಹೇಳಿರುವ ನಟ ಸಲ್ಮಾನ್ ಖಾನ್, ಈ ಹಾಡನ್ನು ಯುವಜನರಿಗೆ ಹೆಚ್ಚು ಹೆಚ್ಚು ಕೇಳಿಸಿ ಎಂದು ಮನವಿ ಮಾಡಿದ್ದಾರೆ.
ಭಾಯ್ ಭಾಯ್ ನ್ನು ಹೆಚ್ಚಾಗಿ ಕೇಳುವಂತೆ ಸಲ್ಮಾನ್ ಖಾನ್ ಮನವಿ
ಇನ್ಸ್ಟಾಗ್ರಾಂನಲ್ಲಿ ಹಾಡಿನ ಪೋಸ್ಟರ್ ಹಂಚಿಕೊಂಡಿರುವ ಸಲ್ಮಾನ್ ಖಾನ್, ನೂತನ ಹಾಡಿಗೆ ಬೆಂಬಲ ವ್ಯಕ್ತಪಡಿಸಿದ್ದಕ್ಕಾಗಿ ತನ್ನ ಅಭಿಮಾನಿಗಳಿಗೆ ಧನ್ಯವಾದ ಹೇಳಿದ್ದು ದಯವಿಟ್ಟು ಯುವ ಪೀಳಿಗೆಗೆ ಈ ಹಾಡನ್ನು ಮತ್ತೆ ಮತ್ತೆ ಕೇಳುವಂತೆ ಮಾಡಿ, ನಿಮ್ಮ ಕಿರಿಯ ಸಹೋದರರು, ನಿಮ್ಮ ಮಕ್ಕಳು ಎಲ್ಲರಿಗೂ ಈ ಹಾಡು ಕೇಳಿಸಿ. ಮತ್ತೊಮ್ಮೆ ಎಲ್ಲರಿಗೂ ಧನ್ಯವಾದಗಳು ಎಂದಿದ್ದಾರೆ.
ಸಹೋದರತ್ವ ಮತ್ತು ಏಕತೆಯ ಮನೋಭಾವನೆಯನ್ನು ವೃದ್ದಿಸುವ ನಿಟ್ಟಿನಲ್ಲಿ ಈದ್ ಉಲ್ ಫಿತರ್ ಸಂದರ್ಭ ಸಲ್ಮಾನ್ ಖಾನ್ ಈ ಹಾಡನ್ನು ಬಿಡುಗಡೆಗೊಳಿಸಿದ್ದರು. ಪನ್ವೆಲ್ನಲ್ಲಿರುವ ಸಲ್ಮಾನ್ರ ತೋಟದ ಮನೆಯಲ್ಲಿ ಕೆಲ ವ್ಯಕ್ತಿಗಳನ್ನು ಬಳಸಿಕೊಂಡು ಈ ಹಾಡನ್ನು ಚಿತ್ರೀಕರಿಸಲಾಗಿದೆ.
Last Updated : May 28, 2020, 12:25 PM IST