ಫಿಟ್​ ಇಂಡಿಯಾ ಚಳವಳಿಗೆ ಪಣತೊಟ್ಟ​ ಬ್ಯಾಡ್​ಬಾಯ್​: ಸಲ್ಲು ಮುಂದಿನ ಯೋಜನೆಯೇನು?

ಸಲ್ಲು ಬಾಯ್​ ಯುವ ಭಾರತ ಕಟ್ಟಲು ಮುಂದಾಗಿದ್ದಾರೆ. ಫಿಟ್ನೆಸ್​​ ಕ್ಷೇತ್ರದಲ್ಲಿ ಅಭಿಮಾನಿಗಳ ಗಮನ ಸೆಳೆದಿರುವ ಅವರು, ಯುವಕರಿಗೆ ಒಂದು ಭರ್ಜರಿ ಆಫರ್​ ನೀಡಲು ತಯಾರಿ ನಡೆಸಿದ್ದಾರೆ.

ಬಾಲಿವುಡ್​ ನಟ ಸಲ್ಮಾನ್ ಖಾನ್ ಯುವಕ-ಯುವತಿಯರ ಸದೃಢತೆಗಾಗಿ ಭಾರತದಾದ್ಯಂತ 300 ಜಿಮ್​ಗಳನ್ನು ತೆರೆಯಲು ತಯಾರಿ ನಡೆಸಿದ್ದಾರೆ.

ತಮ್ಮ ಮೋಹಕ ಫಿಟ್ನೆಸ್​ ಮೂಲಕ ಹೆಚ್ಚು ಗಮನ ಸೆಳೆದಿರುವ ಸಲ್ಲು, ಎಸ್​ಕೆ -27 ಜಿಮ್ ಫ್ರ್ಯಾಂಚೈಸ್ ಅನ್ನು ಪ್ರಾರಂಭಿಸಲು ಸಿದ್ಧರಾಗಿದ್ದಾರೆ. 2020 ರ ವೇಳೆಗೆ ಭಾರತದಾದ್ಯಂತ 300 ಜಿಮ್​​ಗಳನ್ನು ತೆರೆಯಲು ಸಿದ್ಧತೆ ಮಾಡಿಕೊಂಡಿದ್ದಾರೆ. ಇದರ ಹಿಂದೆ ಒಂದು ಉತ್ತಮ ಉದ್ದೇಶವೂ ಇದೆಯಂತೆ.

ಆರೋಗ್ಯದ ದೃಷ್ಟಿಯಿಂದ ಮತ್ತು ನಿರುದ್ಯೋಗಿ ಯುವಕರಿಗಾಗಿ ಒಂದು ಉದ್ಯೋಗ ಸೃಷ್ಟಿಸುವ ಸಲುವಾಗಿ​ ಬ್ಯಾಡ್​ಬಾಯ್​ ಈ ನಿರ್ಧಾರ ಮಾಡಿದ್ದಾರಂತೆ. ಇತ್ತೀಚೆಗೆ ‘ಬೀಯಿಂಗ್ ಹ್ಯೂಮನ್’ ಎಂಬ ಫಿಟ್ನೆಸ್​ ಕೇಂದ್ರಗಳನ್ನು ತೆರೆದಿದ್ದ ಅವರು, ಇದೀಗ ಇದನ್ನೇ ದೇಶದಾದ್ಯಂತ ಹರಡು ಸಜ್ಜಾಗಿದ್ದಾರೆ.