ಮತ್ತೆ ಸಿನಿಮಾಕ್ಕೆ ಎಂಟ್ರಿ ಕೊಡಲಿದ್ದಾರೆ ರಿಯಾ: ರೂಮಿ ಜಾಫೆರಿ ಸ್ಪಷ್ಟನೆ

ರಿಯಾ ಚಕ್ರವರ್ತಿ ಜೊತೆ ರೊಮ್ಯಾಂಟಿಕ್​ ಡ್ರಾಮಾ ನಿರ್ದೇಶನ ಮಾಡಲಿದ್ದೇನೆ ಎಂದು ಸ್ವತಃ ಚಲನಚಿತ್ರ ನಿರ್ಮಾಪಕ ರೂಮಿ ಜಾಫೆರಿ ದೃಢಪಡಿಸಿದ್ದಾರೆ.

ಹೈದರಾಬಾದ್:ಸುಶಾಂತ್​ ಸಾವಿನ ಪ್ರಕರಣದಲ್ಲಿ ಸಿಲುಕಿ ಮುಕ್ತಿಹೊಂದಿದ್ದ ರಿಯಾ ಚಕ್ರವರ್ತಿ ಸಿನಿಮಾ ರಂಗಕ್ಕೆ ಮತ್ತೆ ಕಾಲಿಟ್ಟಿದ್ದಾರೆ. ಈ ವಿಚಾರವನ್ನು ಚಲನಚಿತ್ರ ನಿರ್ಮಾಪಕ ರೂಮಿ ಜಾಫೆರಿ ದೃಢಪಡಿಸಿದ್ದಾರೆ.

ಸುಶಾಂತ್​ ಸಿಂಗ್​ ರಜಪೂತ್​ ಅವರ ಉತ್ತಮ ಸ್ನೇಹಿತನಾಗಿದ್ದ ರೂಮಿ, ರಿಯಾಳ ಜೊತೆ ರೊಮ್ಯಾಂಟಿಕ್ ನಾಟಕವೊಂದನ್ನು ನಿರ್ದೇಶಿಸಲು ಸಜ್ಜಾಗುತ್ತಿದ್ದರು. ಶೂಟಿಂಗ್​ಗಾಗಿ ಲಂಡನ್‌ಗೆ ತೆರಳಲು ಎಲ್ಲಾ ಸಿದ್ಧತೆ ಮಾಡಿದ್ದರು. ಆದರೆ ಸುಶಾಂತ್​ ನಿಧನದಿಂದ ಅದು ಸ್ಥಗಿತಗೊಂಡಿತ್ತು. ಅಷ್ಟೇ ಅಲ್ಲದೆ, ರಿಯಾ ಈ ಪ್ರಕರಣದಲ್ಲಿ ಸಿಲುಕಿಕೊಂಡಿದ್ದರು.

ಸುಶಾಂತ್ ಈ ಚಿತ್ರದಲ್ಲಿ ನಾಯಕನಾಗಿದ್ದರು. ಆದರೆ ಅವರ ಸಾವಿನ ಬಳಿಕ ಬೇರೊಬ್ಬ ನಟನನ್ನು ಆಯ್ಕೆ ಮಾಡುವುದಾಗಿ ರೂಮಿ ತಿಳಿಸಿದ್ದಾರೆ.