ಹೈದರಾಬಾದ್ :ರೋಡೀಸ್ ಖ್ಯಾತಿಯ ರಾಜೀವ್ ಲಕ್ಷ್ಮಣ್ ಮತ್ತು ಅವರ ಕುಟುಂಬದೊಂದಿಗೆ ಮಹಾರಾಷ್ಟ್ರದ ಮಾಂಡ್ವಾ ಪ್ರವಾಸದಲ್ಲಿರುವ ಬಾಲಿವುಡ್ ಬೆಡಗಿ ರಿಯಾ ಚಕ್ರವರ್ತಿ ಸಖತ್ ಎಂಜಾಯ್ ಮೂಡ್ನಲ್ಲಿದ್ದಾರೆ.
ಗೆಳೆಯ ಸುಶಾಂತ್ ಸಿಂಗ್ ರಜಪೂತ್ ಸಾವಿನ ನಂತರ ಬಿಡದೇ ಬೆನ್ನಟ್ಟುತ್ತಿರುವ ಕಾನೂನು ತೊಡಕುಗಳಿಂದಾಗಿ ನಟಿ ರಿಯಾ ಚಕ್ರವರ್ತಿ ಸೋಶಿಯಲ್ ಮೀಡಿಯಾಗಳಿಂದ ಕೊಂಚ ದೂರು ಸರಿದಿದ್ರು. ಮೂರು ಸ್ವಾಯತ್ತ ತನಿಖಾ ಸಂಸ್ಥೆಗಳು ತನಿಖೆ ನಡೆಸಿದ ನಂತರ ಡ್ರಗ್ಸ್ ಕೇಸ್ನಲ್ಲಿ ಆರೋಪಿಯಾಗಿ 28 ದಿನಗಳ ಕಾಲ ಬೈಕುಲ್ಲಾ ಜೈಲಿನಲ್ಲಿ ಸೆರೆವಾಸ ಅನುಭವಿಸಿದ ರಿಯಾ, ಸದ್ಯ ಷರತ್ತು ಬದ್ಧ ಜಾಮೀನಿನ ಮೇಲೆ ಹೊರಗಿದ್ದಾರೆ. ಆದರೂ ಅವರು ಮುಂದಿನ ಆರು ತಿಂಗಳವರೆಗೆ ಪ್ರತಿ ತಿಂಗಳ ಮೊದಲ ಸೋಮವಾರ, ತನಿಖಾ ಸಂಸ್ಥೆಗೆ ವರದಿ ಮಾಡಬೇಕು.
ಇತ್ತೀಚೆಗಷ್ಟೇ ನಿರ್ಮಾಪಕ ರೂಮಿ ಜಾಫೆರಿ 2021ರಲ್ಲಿ ರಿಯಾ ಸಿನಿಮಾಗಳಿಗೆ ರೀ ಎಂಟ್ರಿ ಕೊಡುವ ಕುರಿತು ಸುಳಿವು ನೀಡಿದ್ದರು. ಇದೀಗ ರಿಯಾ ರಾಜೀವ್ ಲಕ್ಷ್ಮಣ್ ಜೊತೆಗಿನ ಫೋಟೋಗಳನ್ನು ರಾಜೀವ್ ತಮ್ಮ ಇಸ್ಸ್‌ಸ್ಟಾಗ್ರಾಮ್ ಖಾತೆಯಲ್ಲಿ ಶೇರ್ ಮಾಡಿದ್ದು, ಇದು ರಿಯಾ ಚಕ್ರವರ್ತಿ ಅಭಿಮಾನಿಗಳಿಗೆ ಖುಷಿ ತಂದಿದೆ.