ಜಾರ್ಖಂಡ್​​ನಲ್ಲಿ ಶೂಟಿಂಗ್​ ಮುಗಿಸಿ ವಾಪಸ್ಸಾದ 'ರಶ್ಮಿ ರಾಕೆಟ್': ಐ ಆ್ಯಮ್​ ಹ್ಯಾಪಿ​ ಎಂದ ತಾಪ್ಸಿ

ನಟಿ ತಾಪ್ಸಿ ಪನ್ನು ತಮ್ಮ ಬಹು ನಿರೀಕ್ಷಿತ ಸಿನಿಮಾ 'ರಶ್ಮಿ ರಾಕೆಟ್' ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ. ಅಥ್ಲೀಟ್​ ರಶ್ಮಿಯಾಗಿ ತಾಪ್ಸಿ ಕಾಣಿಸಿಕೊಳ್ಳುತ್ತಿದ್ದು, ಈ ಸಿನಿಮಾ ಜಾರ್ಖಂಡ್​ನಲ್ಲಿ ಚಿತ್ರೀಕರಣ ಮುಗಿಸಿದೆ. ಈ ಕುರಿತು ತಾಪ್ಸಿ ಸಾಮಾಜಿಕ ಜಾಲತಾಣದಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ..

ಮುಂಬೈ;ಕ್ಯೂಟ್​​ ಚೆಲುವೆ ತಾಪ್ಸಿ ಪನ್ನು ತನ್ನ ಮುಂಬರುವ ಚಿತ್ರ 'ರಶ್ಮಿ ರಾಕೆಟ್' ಚಿತ್ರೀಕರಣ ಮತ್ತು ಸಿದ್ಧತೆಯ ಪ್ರತಿ ಕ್ಷಣವನ್ನೂ ಸಖತ್​ ಎಂಜಾಯ್​ ಮಾಡ್ತಿದ್ದಾರೆ. ಕ್ರೀಡಾಪಟು ಡ್ರೆಸ್​​ ಧರಿಸಿ ಟ್ರ್ಯಾಕ್‌ಗಳಲ್ಲಿ ಓಡುತ್ತಿರುವ ದೃಶ್ಯವೊಂದನ್ನು ತಾಪ್ಸಿ ಇನ್​​ಸ್ಟಾಗ್ರಾಮ್‌ನಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ.

"Halfway through the finish mark. From running legs to shake a leg... Roll the music and...... Halo Garbo Karva #RashmiRocket," ಎಂದು ತಾಪ್ಸಿ ತಮ್ಮ ಅಧಿಕೃತ ಇನ್​ಸ್ಟಾಗ್ರಾಮ್​ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.

ಇತ್ತೀಚೆಗಷ್ಟೇ ಈ ಬೆಡಗಿ ರಶ್ಮಿ ರಾಕೆಟ್ ಸಿನಿಮಾದ ಜಾರ್ಖಂಡ್ ಸೀನ್​​ಗಳ ಶೂಟಿಂಗ್​ ಕಂಪ್ಲೀಟ್​ ಮಾಡಿ ವಾಪಸ್ಸಾಗಿದ್ದು, ಈ ಬಗ್ಗೆ ಅವರೇ ಸೋಶಿಯಲ್​ ಮೀಡಿಯಾದಲ್ಲಿ ಮಾಹಿತಿ ನೀಡಿದ್ರು. ಇದು ರಾಂಚಿ ವೇಳಾಪಟ್ಟಿಯ ಒಂದು ಸುತ್ತು! ಅಂತಿಮವಾಗಿ ಮುಗಿದಿದೆ! ನನಗೆ ಸಂತೋಷವಾಗಿದೆ # ರಾಶ್ಮಿರಾಕೆಟ್, "ಎಂದು ತಾಪ್ಸಿ ಸಾಮಾಜಿಕ ಜಾಲತಾಣಗಳಲ್ಲಿ ಬರೆದುಕೊಂಡಿದ್ರು.

"ಜಾರ್ಖಂಡ್‌ನ ರಾಂಚಿಯಲ್ಲಿ ಚಿತ್ರೀಕರಣ ಮಾಡುವುದು ಎಂತಹ ಅದ್ಭುತ ಅನುಭವ. ಈ ನಗರಕ್ಕೆ ಮೊದಲ ಬಾರಿಗೆ ಬಂದು 'ಲಿಟ್ಟಿ ಚೋಖಾ'ದ ರುಚಿ ಸವಿದು ಒಂದಿಷ್ಟು ಸವಿನೆನಪುಗಳನ್ನು ಮರಳಿ ಪಡೆದುಕೊಂಡೆ ಎಂದು ಟ್ವೀಟ್‌ ಮಾಡುವ ಮೂಲಕ ನಟಿ ತಾಪ್ಸಿ ಜಾರ್ಖಂಡ್‌ನ ಮೇಲಿನ ತಮ್ಮ ಪ್ರೀತಿ ವ್ಯಕ್ತಪಡಿಸಿದ್ದಾರೆ.

ತಾಪ್ಸೀ ಅವರ ಟ್ವೀಟ್​ಗೆ ಪ್ರತಿಕ್ರಿಯಿಸಿರುವ ಜಾರ್ಖಂಡ್ ಮುಖ್ಯಮಂತ್ರಿ ಹೇಮಂತ್ ಸೊರೆನ್ ಅವರು "ನಿಮ್ಮ ಈ ರೀತಿಯ ಮಾತುಗಳಿಗೆ ಧನ್ಯವಾದಗಳು @ ತಾಪ್ಸಿ ಜಿ." ಮತ್ತೆ ಭೇಟಿ ನೀಡಿ. ಮತ್ತು ಜಾರ್ಖಂಡ್​ನ ಕ್ರಿಡಾಪಟುಗಳ ಶ್ರೇಯೋಭಿವೃದ್ಧಿಗಾಗಿ ಹಾಗೂ ಪ್ರವಾಸೋದ್ಯಮದ ಅಭಿವೃದ್ಧಿಯೊಂದಿಗೆ, ವಿಶೇಷವಾಗಿ ಪರಿಸರ ಪ್ರವಾಸೋದ್ಯಮದ ಅಭಿವೃದ್ಧಿಗೆ ಹೆಚ್ಚು ಗಮನ ಹರಿಸುತ್ತಿದ್ದೇವೆ ಎಂದು ಸಿಎಂ ಹೇಮಂತ್​ ಟ್ವೀಟ್​ ಮಾಡಿದ್ದಾರೆ.