ಗಲ್ಲಿ ಬಾಯ್​ ನ್ಯೂ ಲುಕ್​... ಹದ್ದು ಮೀರಿ ಟ್ರೋಲ್​ ಮಾಡಿದ ನೆಟ್ಟಿಜನ್ಸ್​

ಬಾಲಿವುಡ್ ಸ್ಟಾರ್​ ರಣ್​ವೀರ್​ ಸಿಂಗ್ ನ್ಯೂ ಲುಕ್ ಟ್ರೋಲ್​ಗೆ ತುತ್ತಾಗಿದೆ. ನೆಟ್ಟಿಗರು ಎಲ್ಲೆ ಮೀರಿ ಗಲ್ಲಿಬಾಯ್​ನ ನ್ಯೂ ಲುಕ್​ಗೆ ಗೇಲಿ ಮಾಡಿದ್ದಾರೆ.

ಬಾಲಿವುಡ್​ ಸ್ಮಾರ್ಟ್​ಗಾಯ್​ ರಣ್​ವೀರ್​ ಸಿಂಗ್​ ಫ್ಯಾಶನ್​ ಪ್ರಿಯ. ಅಭಿನಯದ ಜತೆಗೆ ಇವರ ಡ್ರೆಸ್​​ ಸೆನ್ಸ್​ ಕೂಡ ಮೆಚ್ಚಿಕೊಂಡಿದ್ದಾರೆ ಬಾಲಿವುಡ್​ ಮಂದಿ.

ವಿವಿಧ ಬಗೆಯ ಉಡುಪು ತೊಡುವ ರಣ್​​ವೀರ್ ಎಲ್ಲರ ಕಣ್ಣು ಕುಕ್ಕುತ್ತಾರೆ. ಬೇಕಾದ್ರೆ ಇವರ ಇನ್​ಸ್ಟಾಗ್ರಾಂ ಒಮ್ಮೆ ಇಣುಕಿ ನೋಡಿ. ಕೆಲವರು ಆ್ಯಕ್ಟಿಂಗ್​ಗೆ ಮಾರು ಹೋದರೆ ಮತ್ತೆ ಹಲವರು ಗಲ್ಲಿ ಬಾಯ್​ನ ಬಟ್ಟೆಗೆ ಫಿದಾ ಆಗಿದ್ದಾರೆ. ಆದರೆ, ಇದೀಗ ರಣ್​ವೀರ್​ ನ್ಯೂ ಲುಕ್​ ನೆಟ್ಟಿಗರಿಂದ ಟ್ರೋಲ್ ಆಗಿದೆ.

ಪದ್ಮಾವತ್​​ ನಟ ರಣ್​​ವೀರ್ ನೀಲಿ ಹಾಗೂ ಕೆಂಪು ಬಣ್ಣದ ಟ್ರ್ಯಾಕ್​ ಸೂಟ್​ ಧರಿಸಿ ಹೊಸ ಗೆಟೆಪ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಲುಕ್​ನ್ನು ತಮ್ಮ ಇನ್​ಸ್ಟಾಗ್ರಾಂ ಹಾಗೂ ಟ್ವಿಟ್ಟರ್​​ನಲ್ಲಿ ಫುಲ್​ ಜೋಶ್​ನಲ್ಲಿ ಹಂಚಿಕೊಂಡಿದ್ದಾರೆ ಸ್ಮೈಲ್​ ರಾಜಾ. ಆದರೆ, ಈ ನ್ಯೂ ಲುಕ್​ ನೋಡುಗರ ಕಣ್ಣಿಗೆ ಚಂದ ಕಂಡಿಲ್ಲ. ಒಬ್ಬ ಸ್ಟಾರ್ ನಟ ಅಂತಾ ನೋಡದೆ ಸ್ವಲ್ಪ ಅತೀ ಎನ್ನುವಂತೆ ಟ್ರೋಲ್ ಮಾಡಿದ್ದಾರೆ. ರಣ್​ವೀರ್ ಅವರ ಈ ಹೊಸ ಅವತಾರವನ್ನು ಟಾಯ್ಲೆಟ್ ಕ್ಲೀನರ್​ ಬಾಟಲ್​ಗೆ ಹೋಲಿಸಿ ಗೇಲಿ ಮಾಡಲಾಗಿದೆ.