ರಾಜಮೌಳಿ ನಿರ್ದೇಶನದ RRR movie trailer ಬಿಡುಗಡೆಗೆ ಮುಹೂರ್ತ ಫಿಕ್ಸ್​.. ಅಭಿಮಾನಿಗಳಲ್ಲಿ ಹೆಚ್ಚಾದ ಕುತೂಹಲ

ಸೌತ್ ಸಿನಿಮಾ‌ ಇಂಡಸ್ಟ್ರಿಯ ಹೈ ವೋಲ್ಟೇಜ್ ಚಿತ್ರ ಆರ್​ಆರ್​ಆರ್ ಟ್ರೈಲರ್ ಬಿಡುಗಡೆಗೆ ಮುಹೂರ್ತ ಫಿಕ್ಸ್​ ಆಗಿದೆ.

ಎಸ್.ಎಸ್.ರಾಜಮೌಳಿ ನಿರ್ದೇಶನದ ಆರ್​ಆರ್​ಆರ್ ಅಂಗಳದಿಂದ ಧಮಾಕೇದಾರ್ ಸುದ್ದಿಯೊಂದು ಹೊರ ಬಂದಿದೆ. ಟೀಸರ್ ಹಾಗೂ ಹಾಡಿನ ಮೂಲಕ ಕುತೂಹಲದ ಕೋಟೆ ಕಟ್ಟಿದ್ದ ಆರ್​ಆರ್​ಆರ್ ಟ್ರೇಲರ್​ಗೆ ಅಭಿಮಾನಿಗಳು ಎದುರು ನೋಡುತ್ತಿದ್ದರು. ಅಂತಿಮವಾಗಿ ತ್ರಿಬಲ್ ಆರ್ ಸಿನಿಮಾದ ಟ್ರೇಲರ್ ಎಂಟ್ರಿಗೆ ದಿನಾಂಕ‌ ನಿಗದಿಯಾಗಿದೆ.

ಪಂಚ ಭಾಷೆಯಲ್ಲಿ ತಯಾರಾಗ್ತಿರುವ ಆರ್​ಆರ್​ಆರ್ ಸಿನಿಮಾ ಮೇಲೆ ಭಾರತೀಯ ಚಿತ್ರರಂಗದ ಚಿತ್ತ ನೆಟ್ಟಿದೆ. ಜಕ್ಕಣ್ಣಗಾರು ಸಿನಿಮಾ ಅಂದ್ಮೇಲೆ ಆ ನಿರೀಕ್ಷೆ ದುಪ್ಪಟ್ಟಾಗಿರುತ್ತದೆ. ಇದೀಗ ಅಂತಹದ್ದೇ ನಿರೀಕ್ಷೆ RRR movie ಮೇಲಿದೆ. ಹೀಗಾಗಿ ರಾಜಮೌಳಿಯ ಆರ್​ಆರ್​ಆರ್ ಸಿನಿಮಾ ಟ್ರೇಲರ್ ಡಿಸೆಂಬರ್ 3 ರಂದು ರಿಲೀಸ್ ಆಗ್ತಿದೆ.

ಆರ್​ಆರ್​ಆರ್ ಚಿತ್ರದ ಪೊಸ್ಟರ್​

ಜೂನಿಯರ್ ಎನ್​​ಟಿಆರ್, ಮೆಗಾ ಪವರ್ ಸ್ಟಾರ್ ರಾಮ್ ಚರಣ್, ಅಜಯ್ ದೇವಗನ್, ಆಲಿಯಾ ಭಟ್ ಸೇರಿದಂತೆ ದೊಡ್ಡ ತಾರಾಬಳಗ ಆರ್​ಆರ್​ಆರ್ ಸಿನಿಮಾದಲ್ಲಿದೆ. ಎಂಎಂ ಕೀರವಾಣಿ ಮ್ಯೂಸಿಕ್ ಗುಂಗು, ಸೆಂಥಿಲ್ ಕ್ಯಾಮೆರಾ ಕೈಚಳಕವಿರುವ ಈ ಸಿನಿಮಾ ಜನವರಿ 7 ರಂದು ವರ್ಲ್ಡ್ ವೈಡ್ ತೆರೆಗಪ್ಪಳಿಸಲಿದೆ.

ಓದಿ:ರಾಜ್ಯದಲ್ಲಿ ಮಳೆ ಮುನ್ಸೂಚನೆ: ಇಲ್ಲಿದೆ ಹವಾಮಾನ ಇಲಾಖೆ ವರದಿ

ರಾಜಮೌಳಿಯ ಕನಸಿನಂತೆ ಅದ್ದೂರಿಯಾಗಿ, ಆಡಂಬರದಿಂದ, ವೈಭವೋಪೇತವಾಗಿ ಮೂಡಿ ಬಂದಿರುವ ಟೀಸರ್, ಮೇಕಿಂಗ್ ಹಾಗೂ ಸಾಂಗ್ಸ್ ಹೀಗೆ ಇರುವಾಗ ಟ್ರೇಲರ್ ಯಾವ ಮಟ್ಟಿಗೆ ಇರಲಿದೆ ಅನ್ನುವುದಕ್ಕೆ ಡಿಸೆಂಬರ್ 3 ರಂದು ಉತ್ತರ ಸಿಗಲಿದೆ. ಕನ್ನಡ, ತೆಲುಗು, ತಮಿಳು, ಹಿಂದಿ ಹಾಗೂ‌ ಮಾಲಯಾಳಂ ಭಾಷೆಯಲ್ಲಿ ಏಕಕಾಲಕ್ಕೆ ಆರ್​ಆರ್​ಆರ್ ಸಿನಿಮಾದ ಟ್ರೇಲರ್ ಬಿಡುಗಡೆಯಾಗಲಿದೆ.

ಕನ್ನಡದಲ್ಲಿಯೂ ರಿಲೀಸ್ ಆಗ್ತಿರುವ ಆರ್​ಆರ್​ಆರ್ ಸಿನಿಮಾದ ವಿತರಣೆ ಹಕ್ಕುನ್ನು ಪ್ರತಿಷ್ಠಿತ ಪ್ರೊಡಕ್ಷನ್ ಹೌಸ್ ಕೆವಿಎನ್ ಪಡೆದುಕೊಂಡಿದೆ. ಬಾಹುಬಲಿಯಂತಹ ಸಿನಿಮಾ ಹೇಳಿ ಕೇಳಿ ಸಕ್ಸಸ್ ಕಂಡಿರುವ ಜಕ್ಕಣ್ಣಗಾರು ತ್ರಿಬಲ್ ಆರ್ ಸಿನಿಮಾ ಏನೆಲ್ಲಾ ಮ್ಯಾಜಿಕ್ ಮಾಡ್ತಾರೆ ಅನ್ನೋದೇ ಚಿತ್ರಪ್ರೇಮಿಗಳಿರುವ ಕ್ಯೂರಿಯಾಸಿಟಿ.