ಹೋಳಿ ಸಂಭ್ರಮದಲ್ಲಿ ಪ್ರಿಯಾಂಕಾ - ನಿಕ್ ದಂಪತಿ : ಫೋಟೋ ಹಂಚಿಕೊಂಡ ನಟಿ

ಹಾಲಿವುಡ್​​ ಮತ್ತು ಬಾಲಿವುಡ್​ನಲ್ಲಿ ಬ್ಯುಸಿಯಾಗಿರುವ ನಟಿ ಪ್ರಿಯಾಂಕಾ ಚೋಪ್ರಾ ಪತಿ ನಿಕ್​ ಜೊತೆ ಲಾಸ್ ಏಂಜಲೀಸ್​ನಲ್ಲಿ ಭರ್ಜರಿಯಾಗಿ ಹೋಳಿಯನ್ನು ಆಚರಿಸಿದ್ದಾರೆ.

ಹೈದರಾಬಾದ್​:ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ, ಪತಿ ನಿಕ್ ಜೋನಾಸ್ ಅವರೊಂದಿಗೆ ಹೋಳಿ ಹಬ್ಬವನ್ನು ಲಾಸ್ ಏಂಜಲೀಸ್​ನಲ್ಲಿ ಭರ್ಜರಿಯಾಗಿ ಆಚರಿಸಿದ್ದಾರೆ.

ಇನ್​ಸ್ಟಾಗ್ರಾಮ್​ನಲ್ಲಿ ಹೋಳಿ ಆಚರಣೆಯ ಫೋಟೋ,ವಿಡಿಯೋಗಳನ್ನು ಹಂಚಿಕೊಂಡಿರುವ ಪ್ರಿಯಾಂಕಾ, 'ಲಿಟ್​ ಹೋಳಿ' ಎಂದು ಶೀರ್ಷಿಕೆ ನೀಡಿದ್ದಾರೆ. ಪ್ರೀಯಾಂಕಾ - ನಿಕ್​ ಪರಸ್ಪರ ಬಣ್ಣ ಎರಚಿಕೊಂಡು ಕುಟುಂಬ ಸದಸ್ಯರೊಂದಿಗೆ ಹೋಳಿ ಸಂಭ್ರಮಿಸಿದ್ದಾರೆ.

ಸ್ಟಾರ್​ ಜೋಡಿಗೆ ಈ ಹೋಳಿ ವಿಶೇಷ. ಕಾರಣ, ಅವರು ಮೊದಲ ಬಾರಿಗೆ ಪುತ್ರಿಯೊಂದಿಗೆ ಹಬ್ಬವನ್ನು ಆಚರಿಸಿದ್ದಾರೆ. ಇದು ಅವರ ಸಂಭ್ರಮಕ್ಕೆ ಮತ್ತಷ್ಟು ಮೆರಗು ನೀಡಿತ್ತು. ಕಳೆದ ಜನವರಿ.22ರಂದು ಈ ಸ್ಟಾರ್ ಜೋಡಿ, ಬಾಡಿಗೆ ತಾಯ್ತನದ ಮೂಲಕ ಹೆಣ್ಣುಮಗುವೊಂದನ್ನು ಪಡೆದುಕೊಂಡಿದೆ.

ಹೋಳಿ ಸಂಭ್ರಮದಲ್ಲಿ ಪ್ರಿಯಾಂಕಾ-ನಿಕ್ ದಂಪತಿ

ನಟನೆ ವಿಚಾರ ನೋಡುವುದಾದರೆ, ಪ್ರಿಯಾಂಕಾ ಕೊನೆಯದಾಗಿ ದಿ ಮ್ಯಾಟ್ರಿಕ್ಸ್ ರಿಸರ್ಕ್ಷನ್ಸ್ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದು, ಸದ್ಯ ಸಿಟಾಡೆಲ್ ಸೀರಿಸ್​ ಚಿತ್ರೀಕರಣವನ್ನು ಪೂರ್ಣಗೊಳಿಸಿದ್ದಾರೆ. ಟೆಕ್ಸ್ಟ್ ಫಾರ್ ಯೂ ಎಂಬ ಹಾಸ್ಯಭರಿತ ಸಿನಿಮಾದಲ್ಲೂ ಛಾಪು ಮೂಡಿಸಿದ್ದಾರೆ. ಸದ್ಯ ಹಾಲಿವುಡ್​ ನಟ ಆಂಥೋನಿ ಮ್ಯಾಕಿ ಜೊತೆ ಎಂಡಿಂಗ್ ಥಿಂಗ್ಸ್‌ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಇನ್ನು ಬಾಲಿವುಡ್​ನಲ್ಲಿ ಆಲಿಯಾ ಭಟ್ ಮತ್ತು ಕತ್ರಿನಾ ಕೈಫ್ ಅವರೊಂದಿಗೆ ಫರ್ಹಾನ್ ಅಖ್ತರ್ ಅವರ ಜೀ ಲೆ ಜರಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.