ಹಾಲಿವುಡ್​ ನಟಿ​​ಗೆ ಪಿಗ್ಗಿ- ನಿಕ್​​ರಿಂದ ಕಿರಿಕಿರಿ...ಅಂತಹದ್ದೇನು ಮಾಡಿದ್ರು ಈ ದಂಪತಿ ?

ಪ್ರಿಯಾಂಕಾ ಚೋಪ್ರಾ - ನಿಕ್ ಜೋನಾಸ್​ ಸಮಯಪ್ರಜ್ಞೆ ಕೊರತೆಯಿಂದ ಹಾಲಿವುಡ್ ನಟಿ ಗಾಲ್ ಅವರಿಗೆ ಕಿರಿಕಿರಿ ಆಗಿರುವ ಪ್ರಸಂಗ ಜರುಗಿದೆ.

ಫ್ರಾನ್ಸ್ : ಹಾಲಿವುಡ್​ ನಟಿ ಗಾಲ್ ಗಡೊಟ್ ಅವರಿಗೆ ಸೆಲೆಬ್ರಿಟಿ ಕಪಲ್​ ಪ್ರಿಯಾಂಕಾ ಚೋಪ್ರಾ ಹಾಗೂ ನಿಕ್ ಜೋನಾಸ್​​ ದಂಪತಿಯಿಂದ ಕಿರಿಕಿರಿಯುಂಟಾಗಿದೆ.

ಪ್ಯಾರಿಸ್​ನಲ್ಲಿ ನಡೆಯುತ್ತಿರುವ ಫ್ಯಾಷನ್​ ವೀಕ್​​ನ ಈವೆಂಟ್​​​ವೊಂದಕ್ಕೆ ಪಿಗ್ಗಿ-ನಿಕ್ ವಿಶೇಷ ಅತಿಥಿಗಳಾಗಿದ್ದರು. ಸೋಮವಾರ ಸಂಜೆ ನಡೆದ ಈ ಕಾರ್ಯಕ್ರಮಕ್ಕೆ ಪ್ರಿಯಾಂಕಾ ಹಾಗೂ ನಿಕ್ 45 ಗಂಟೆ ತಡವಾಗಿ ಹಾಜರಾಗಿದ್ದಾರಂತೆ. ಇದೇ ಕಾರ್ಯಕ್ರಮದಲ್ಲಿ ವಿಶೇಷ ಆಹ್ವಾನಿತರಾಗಿ ಹಾಲಿವುಡ್​ನ ವಂಡರ್​ ​ವುಮನ್​ ಸಿನಿಮಾ ನಟಿ ಗಾಲ್​ ಗಡೊಟ್ ಹಾಜರಾಗಿದ್ದರು. ಆದರೆ, ಸರಿಯಾದ ಸಮಯಕ್ಕೆ ಪಿಗ್ಗಿ ದಂಪತಿ ಆಗಮಿಸದ ಹಿನ್ನೆಲೆ ಎಲ್ಲರೂ ಇವರಿಗಾಗಿ ಕಾಯ್ದಿದ್ದಾರೆ. ಇದರಿಂದ ಎಲ್ಲರಿಗೂ ಕಿರಿಕಿರಿಯಾಗಿದೆ ಎಂದು ವರದಿಯಾಗಿದೆ.

ಇನ್ನು ಅಂದೇ ಫ್ರಾನ್ಸ್​ನಲ್ಲಿ ನಡೆದ ಪತಿ ನಿಕ್​ ಜೋನ್ಸ್​​ ಸಹೋದರ ಜೋ ಜೊನ್ಸ್​ ಮತ್ತು ಸೋಫಿಯಾ ಟರ್ನರ್ ಅವರ ವಿವಾಹ ಸಂಭ್ರಮದಲ್ಲಿ ಪ್ರಿಯಾಂಕಾ ಛೋಪ್ರಾ ಭಾಗಿಯಾಗಿದ್ದರು. ಈ ಸಮಾರಂಭದಲ್ಲಿ ಹೆಚ್ಚು ಹೊತ್ತು ಕಾಲ ಕಳೆದ ಹಿನ್ನೆಲೆ ಪ್ಯಾರಿಸ್ ಫ್ಯಾಷನ್ ವೀಕ್​​ಗೆ ತಡವಾಗಿ ಹಾಜರಾಗಿದ್ದರು.