ಟಾಲಿವುಡ್ ಡಾರ್ಲಿಂಗ್ ಪ್ರಭಾಸ್ ಅವರು ಬಾಲಿವುಡ್ ನಟಿ ಶ್ರದ್ಧಾ ಕಪೂರ್ ಜತೆ ರಿಲೇಷನ್ಶಿಪ್ನಲ್ಲಿದ್ದಾರೆ ಎನ್ನುವ ಗುಲ್ಲು ಎದ್ದಿದೆ.
ಯುಕೆ ಆ್ಯಂಡ್ ಯುಎಇ ಇಂಡಿಯನ್ ಸಿನಿಮಾ ಮ್ಯಾಗ್ಜಿನ್ ಸಂಪಾದಕ ಉಮೇರ್ ಸಂಧು ತಮ್ಮ ಟ್ವಿಟ್ಟರ್ನಲ್ಲಿ ಈ ಬಗ್ಗೆ ರಿವೀಲ್ ಮಾಡಿದ್ದಾರೆ. ಪ್ರಭಾಸ್ ಹಾಗೂ ಶ್ರದ್ಧಾ ಡೇಟಿಂಗ್ನಲ್ಲಿದ್ದಾರೆ ಎಂದು ಹೇಳಿರುವ ಅವರು, ಮತ್ತೊಂದು ಇಂಟ್ರೆಸ್ಟಿಂಗ್ ವಿಚಾರ ಹೊರಹಾಕಿದ್ದಾರೆ. ಸಾಹೋ ಸಿನಿಮಾ ಡಬ್ಬಿಂಗ್ ಮುಗಿಸಿದ ಬಳಿಕ ದುಬಾರಿ ಕಾರೊಂದು ಶ್ರದ್ಧಾಗೆ ಗಿಫ್ಟ್ ಸಿಕ್ಕಿದೆ. ಅದನ್ನು ನೀಡಿದ್ದು ಪ್ರಭಾಸ್ ಎಂದು ಟ್ವೀಟ್ ಮಾಡಿದ್ದಾರೆ ಉಮೇರ್.
ಬ್ರೇಕಿಂಗ್ ನ್ಯೂಸ್: ಪ್ರಭಾಸ್ ಹಾಗೂ ಶ್ರದ್ಧಾ ಭಾರತದ ಹೊಸ ಹಾಟ್ ಕಪಲ್. ಈ ತಾರೆಯರು ಈಗ ಅಧಿಕೃತವಾಗಿ ರಿಲೇಷನ್ಶಿಪ್ನಲ್ಲಿದ್ದಾರೆ ಎಂಬುದು ಅವರ ಆಪ್ತ ಸ್ನೇಹಿತರಿಂದ ತಿಳಿದುಬಂದಿದೆ ಎಂದು ಟ್ವಿಟ್ಟರ್ನಲ್ಲಿ ರಿವೀಲ್ ಮಾಡಿದ್ದಾರೆ ಪತ್ರಕರ್ತ ಉಮೇರ್.
ಸಾಹೋ ಸಿನಿಮಾ ಬಳಿಕ ಶ್ರದ್ಧಾ ಜತೆ ಮತ್ತೊಂದು ದೊಡ್ಡ ಪ್ರಾಜೆಕ್ಟ್ಗೆ ಪ್ರಭಾಸ್ ಹಾಗೂ ಯುಕೆ ಕ್ರಿಯೇಷನ್ ಸೈನ್ ಮಾಡಿದ್ದಾರೆ ಎನ್ನುವ ವಿಚಾರವನ್ನೂ ಅವರು ಹೊರಹಾಕಿದ್ದಾರೆ.
ಟಾಲಿವುಡ್ ಸೂಪರ್ ಸ್ಟಾರ್ ಪ್ರಭಾಸ್ ಹಾಗೂ ಬಾಲಿವುಡ್ ಬ್ಯೂಟಿ ಶ್ರದ್ಧಾ ಕಪೂರ್ ನಟಿಸಿರುವ ಸಾಹೋ ಸಿನಿಮಾ ಇದೇ 30 ರಂದು ಬಿಡುಗಡೆಯಾಗುತ್ತಿದೆ. ಕಳೆದೆರೆಡು ದಿನಗಳ ಹಿಂದೆಯಷ್ಟೇ ಈ ಚಿತ್ರದ ಟ್ರೇಲರ್ ರಿಲೀಸ್ ಆಗಿದೆ.