ತೆರೆಕಂಡ ಕೆಲವೇ ಗಂಟೆಗಳ ಒಳಗೆ ‘ವಕೀಲ್​ ಸಾಬ್’ ಲೀಕ್​​

ಪವನ್ ಕಲ್ಯಾಣ್ ರಾಜಕೀಯ ಎಂಟ್ರಿ ಬಳಿಕ ರಿಲೀಸ್ ಆಗುತ್ತಿರುವ ಮೊದಲ ಚಿತ್ರ ಇದಾಗಿದ್ದು, ಸಾಕಷ್ಟು ನಿರೀಕ್ಷೆ ಹುಟ್ಟಿಸಿತ್ತು. ಆದರೆ ಸಿನಿಮಾ ಬಿಡುಗಡೆಯಾಗಿ ಕೆಲವೇ ಗಂಟೆಯಲ್ಲಿ ಲೀಕ್ ಆಗಿದೆ.

ಹೈದರಾಬಾದ್: ಸೂಪರ್ ಸ್ಟಾರ್ ಪವನ್ ಕಲ್ಯಾಣ್ ನಟನೆಯ ಬಹುನಿರೀಕ್ಷಿತ ಸಿನಿಮಾ ‘ವಕೀಲ್ ಸಾಬ್’ ಇಂದು ತೆರೆಕಂಡಿದೆ. ಆದರೆ ತೆರೆಕಂಡ ಕೆಲವೇ ಗಂಟೆಗಳಲ್ಲಿ ಆನ್​ಲೈನ್​​​ನಲ್ಲಿ ಇಡೀ ಸಿನಿಮಾ ಲೀಕ್ ಆಗಿದೆ.

ಕೊರೊನಾದಿಂದ ಹಲವು ಚಿತ್ರಗಳು ಒಟಿಟಿಯಲ್ಲಿ ಬಿಡುಗಡೆಯಾಗುತ್ತಿದ್ದು, ಆದರೆ ವಕೀಲ್ ಸಾಬ್ ಚಿತ್ರಮಂದಿರದಲ್ಲೇ ಬಿಡುಗಡೆಯಾಗಿತ್ತು. ಈ ನಡುವೆ ಕಿಡಿಗೇಡಿಗಳು ಚಿತ್ರದ ಹೆಚ್​ಡಿ ಪ್ರಿಂಟ್​​ ಅನ್ನು ಲೀಕ್ ಮಾಡಿದ್ದು, ಹಲವು ವೆಬ್​​​ಸೈಟ್​​​ನಲ್ಲಿ ಸಿನಿಮಾ ಹರಿ ಬಿಡಲಾಗಿದೆ.

ಪವನ್ ಕಲ್ಯಾಣ್ ರಾಜಕೀಯ ಎಂಟ್ರಿ ಬಳಿಕ ರಿಲೀಸ್ ಆಗುತ್ತಿರುವ ಮೊದಲ ಚಿತ್ರ ಇದಾಗಿದ್ದು, ಸಾಕಷ್ಟು ನಿರೀಕ್ಷೆ ಹುಟ್ಟಿಸಿತ್ತು. ಹಿಂದಿಯ ಪಿಂಕ್​ ಚಿತ್ರದ ರಿಮೇಕ್ ಆಗಿರುವ ವಕೀಲ್ ಸಾಬ್​, ಅಪರಾಧ ಹಾಗೂ ಭೂಗತ ಲೋಕದ​​​​​​ ಕಥೆ ಹೊಂದಿದೆ.

ಹಿಂದಿಯಲ್ಲಿ ಅಮಿತಾಬ್ ಬಚ್ಚನ್ ನಿರ್ವಹಿಸಿದ್ದ ಪಾತ್ರದಲ್ಲಿ ಪವನ್ ಬಣ್ಣ ಹಚ್ಚಿದ್ದಾರೆ.

ಇದನ್ನೂ ಓದಿ:ಪವನ್ ಕಲ್ಯಾಣ್​ ಸಿನಿಮಾ ಸ್ಥಗಿತ: ಅಭಿಮಾನಿಗಳಿಂದ ಚಿತ್ರಮಂದಿರ ಧ್ವಂಸ