ಬಾಲಿವುಡ್ ನಟಿ ಪರಿಣಿತಿ ಚೋಪ್ರಾ ಮಾಲ್ಡೀವ್ಸ್ನಲ್ಲಿ ಕುಟುಂಬದವರ ಜೊತೆ ರಜೆಯ ಮಜಾದಲ್ಲಿದ್ದಾರೆ. ತಮ್ಮ ರಜೆಯ ಸುಂದರ ವಿಡಿಯೋಗಳು ಮತ್ತು ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಫ್ಯಾನ್ಸ್ ಜೊತೆ ಹಂಚಿಕೊಳ್ಳುತ್ತಿದ್ದಾರೆ.
ತನ್ನ ಸಹೋದರ ಶಿವಾಂಗ್ ಚೋಪ್ರಾ ಜೊತೆ ಹಾಡುವ ಸೆಶನ್‌ನ ವಿಡಿಯೋವನ್ನು ಹಂಚಿಕೊಂಡ ನಂತರ, ಪರಿಣಿತಿ ಈಗ ಬಿಸಿಲಿನ ಝಳವನ್ನು ಎಂಜಾಯ್ ಮಾಡ್ತಿರುವ ಫೋಟೋವನ್ನು ಶೇರ್ ಮಾಡಿದ್ದು, ಅದಕ್ಕೆ ಅಕ್ಕ ಪ್ರಿಯಾಂಕಾ ಚೋಪ್ರಾ ಜೊನಸ್ ಕಮೆಂಟ್ ಮಾಡಿದ್ದಾರೆ.
ಶುಕ್ರವಾರ, ಪರಿಣಿತಿ ಅವರು ಚೆರ್ರಿ ಕೆಂಪು ಬಣ್ಣದ ಡ್ರೆಸ್ ಧರಿಸಿರುವ ಆಕರ್ಷಕ ಫೋಟೋವನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಅದಕ್ಕೆ " Sunburnt" ಎಂದು ಕ್ಯಾಪ್ಷನ್ ಬರೆದಿದ್ದಾರೆ. ತಂಗಿಯ ಪೋಸ್ಟ್ ನೋಡಿದ ತಕ್ಷಣ ಕಮೆಂಟ್ ಮಾಡಿರುವ ಪ್ರಿಯಾಂಕಾ ಚೋಪ್ರಾ "ಆಹಾ! ಸ್ಫೂರ್ತಿ ಯಾಗಿರಬಹುದು' ಎಂದು ಹೇಳಿದ್ದಾರೆ.
ಸದ್ಯ ಪರಿಣಿತಿ ಅನಿಲ್ ಕಪೂರ್ ಮತ್ತು ರಣಬೀರ್ ಕಪೂರ್ ಅವರೊಂದಿಗೆ 'ಅನಿಮಲ್' ಸಿನಿಮಾದಲ್ಲಿ ಶೀಘ್ರದಲ್ಲೇ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರವನ್ನು ಕಬೀರ್ ಸಿಂಗ್ ನಿರ್ಮಾಪಕ ಸಂದೀಪ್ ರೆಡ್ಡಿ ವಂಗಾ ನಿರ್ದೇಶಿಸಿದ್ದಾರೆ. ಈ ಚಿತ್ರ 2022ರ ದಸರಾಕ್ಕೆ ತೆರೆ ಕಾಣಲಿದೆ.