ಹೈದರಾಬಾದ್: ಬಾಲಿವುಡ್ ಸೆಲೆಬ್ರೆಟಿಗಳಾದ ನಟ ಶಾರುಖ್ ಖಾನ್ ಮತ್ತು ಗೌರಿ ಖಾನ್ ದಂಪತಿ ಪುತ್ರಿಯಾದ ಸುಹಾನಾ ಖಾನ್ ತಮ್ಮ 21 ನೇ ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ.
ಸುಹಾನಾ ಜನ್ಮದಿನಕ್ಕೆ ಅವರ ಗೆಳತಿಯರಾದ ಅನನ್ಯಾ ಪಾಂಡೆ ಸಾಮಾಜಿಕ ಮಾಧ್ಯಮಗಳಲ್ಲಿ ಅವರ ಜೊತೆಗಿನ ಥ್ರೋಬ್ಯಾಕ್ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಇನ್ನು ತಾಯಿ ಗೌರಿ ಖಾನ್ ತಮ್ಮ ಮುದ್ದಿನ ಮಗಳಿಗೆ ಇನ್ಸ್ಟಾಗ್ರಾಮ್ ಮೂಲಕ 'ಜನ್ಮದಿನದ ಶುಭಾಶಯಗಳು .... ನಿನ್ನನ್ನು ಇಂದು, ನಾಳೆ ಮತ್ತು ಯಾವಾಗಲೂ ಪ್ರೀತಿಸುತ್ತೇವೆ.' ಎಂದು ಬರೆದಿದ್ದಾರೆ.
ಗೆಳತಿ ಶನಾಯ ಅವರು ಸುಹಾನಾ ಎಸ್ಆರ್ಕೆ ಅಭಿನಯದ ಸಿನಿಮಾದ ಹಾಡೊಂದಕ್ಕೆ ಡ್ಯಾನ್ಸ್ ಮಾಡಿರುವ ವಿಡಿಯೋವೊಂದನ್ನು ಪೋಸ್ಟ್ ಮಾಡಿ, ಗೆಳತಿಗೆ ವಿಷಸ್ ತಿಳಿಸಿದ್ದಾರೆ ಹಾಗೂ ಶನಾಯ ಅನನ್ಯ ಪಾಂಡೆ ಮತ್ತು ಸುಹಾನಾ ಜೊತೆಗಿರುವ ಫೋಟೋವೊಂದನ್ನು ಹಂಚಿಕೊಂಡಿದ್ದಾರೆ. ಇನ್ನು ನಟಿ ಅನನ್ಯ ಪಾಂಡೆ ಇನ್ಸ್ಟಾದಲ್ಲಿ ಸುಹಾನಾ ಜೊತೆಗಿನ ಹಳೆಯ ಚಿತ್ರವೊಂದನ್ನು ಶೇರ್ ಮಾಡಿ, 'ಹ್ಯಾಪಿ ಬರ್ತ್ಡೇ ಸುಹಾನಾ, ಲವ್ ಯು' ಎಂದು ವಿಶ್ ಮಾಡಿದ್ದಾರೆ.
ಬರ್ತ್ಡೇ ಗರ್ಲ್ ಸುಹಾನಾ ನ್ಯೂಯಾರ್ಕ್ನಲ್ಲಿ ಚಲನಚಿತ್ರ ನಿರ್ಮಾಣ ಕೋರ್ಸ್ ಅಭ್ಯಾಸ ಮಾಡುತ್ತಿದ್ದಾರೆ. ಪ್ರಸ್ತುತವಾಗಿ ಅವರು ಮುಂಬೈನಲ್ಲಿ ಕುಟುಂಬದೊಂದಿಗೆ ಸಮಯ ಕಳೆಯುತ್ತಿದ್ದಾರೆ.
