ನಿಮ್ಮಂತೆ ಬೇರೆ ಯಾರೂ ಇಲ್ಲ: ತಾಯಿ ನರ್ಗಿಸ್ ಜನ್ಮದಿನದಂದು ಅವರನ್ನು ನೆನಪಿಸಿಕೊಂಡ ಸಂಜಯ್ ದತ್

ತಾಯಿ ನರ್ಗಿಸ್ ದತ್ ಅವರ 92ನೇ ಜನ್ಮದಿನಾಚರಣೆಯಂದು ಅವರನ್ನು ನೆನಪಿಸಿಕೊಂಡ ಬಾಲಿವುಡ್ ನಟ ಸಂಜಯ್ ದತ್ ಸಾಮಾಜಿಕ ಮಾಧ್ಯಮದಲ್ಲಿ ಫೋಟೋ ಹಂಚಿಕೊಂಡಿದ್ದಾರೆ.

ಮುಂಬೈ: ತನ್ನ ದಿವಂಗತ ತಾಯಿ ನರ್ಗಿಸ್ ದತ್ ಅವರ 92ನೇ ಜನ್ಮದಿನಾಚರಣೆಯಂದು ಅವರನ್ನು ನೆನಪಿಸಿಕೊಂಡ ಬಾಲಿವುಡ್ ನಟ ಸಂಜಯ್ ದತ್, ತಮ್ಮ ಕುಟುಂಬ ಆಲ್ಬಂನಿಂದ ಅಮೂಲ್ಯವಾದ ಚಿತ್ರಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ.

ತಮ್ಮ ಕುಟುಂಬದ ಹಳೆಯ ಚಿತ್ರಗಳ ಸರಣಿಯನ್ನು ಇನ್​​ಸ್ಟಾಗ್ರಾಂನಲ್ಲಿ ಅವರು ಹಂಚಿಕೊಂಡಿದ್ದಾರೆ. ಈ ಚಿತ್ರಗಳು ಸಂಜಯ್ ಅವರ ಕುಟುಂಬದ ಸಂತೋಷದ ಕ್ಷಣಗಳನ್ನು ತೋರಿಸುತ್ತವೆ.

"ನಿಮ್ಮಂತೆ ಬೇರೆ ಯಾರೂ ಇಲ್ಲ. ಜನ್ಮದಿನದ ಶುಭಾಶಯಗಳು ಮಾ" ಎಂದು ಸಂಜಯ್ ದತ್ ಬರೆದಿದ್ದಾರೆ.

ನರ್ಗಿಸ್ ಅವರ ನಿಜವಾದ ಹೆಸರು ಫಾತಿಮಾ ರಶೀದ್. ಭಾರತೀಯ ಚಿತ್ರರಂಗದ ಅತ್ಯಂತ ಪ್ರಸಿದ್ಧ ನಟರಲ್ಲಿ ಒಬ್ಬರೆಂದು ಪರಿಗಣಿಸಲ್ಪಟ್ಟಿರುವ ಅವರು ನಟನೆಗಾಗಿ ರಾಷ್ಟ್ರೀಯ ಪ್ರಶಸ್ತಿ ಪಡೆದಿದ್ದಾರೆ.