ತಮಿಳಿನ ಸೂಪರ್​ ಹಿಟ್​ ಚಿತ್ರ ‘ಮಾನಾಡು’ ತೆಲುಗಿಗೆ ರಿಮೇಕ್​.. ಸಮಂತಾ ಮಾಜಿ ಪತಿ ನಾಗ ಚೈತನ್ಯ ಹೀರೋ!?

ತಮಿಳು ಚಿತ್ರದಲ್ಲಿ ಇತ್ತಿಚೇಗೆ ಬಿಡುಗಡೆಯಾಗಿ ಸೂಪರ್​ ಹಿಟ್​ ಗಳಿಸಿದ ಸಿಂಬು ಅಭಿನಯದ ‘ಮಾನಾಡು’ ಚಿತ್ರವನ್ನು ತೆಲುಗಿಗೆ ರಿಮೇಕ್​ ಆಗಲಿದ್ದು, ಆ ಚಿತ್ರಕ್ಕೆ ನಾಗ ಚೈತನ್ಯ ಹೀರೋ ಆಗಲಿದ್ದಾರೆ ಎಂಬ ಮಾತು ಟಾಲಿವುಡ್​ ವಲಯದಲ್ಲಿ ಕೇಳಿ ಬರುತ್ತಿದೆ.

ಹೈದರಾಬಾದ್:ತಮಿಳಿನ 'ಮಾನಾಡು' ಚಿತ್ರದ ತೆಲುಗು ರಿಮೇಕ್‌ಗಾಗಿ ಅಕ್ಕಿನೇನಿ ನಾಗ ಚೈತನ್ಯ ಮಾತುಕತೆ ನಡೆಸುತ್ತಿದ್ದಾರೆ. ಸುದ್ದಿಗೆ ಸಂಬಂಧಿಸಿದಂತೆ ಯಾವುದೇ ಅಧಿಕೃತ ಮಾಹಿತಿ ಇಲ್ಲವಾಗಿದ್ರೂ ಸಿಂಬು ಅವರ ಇತ್ತೀಚಿನ ಹಿಟ್ ಚಿತ್ರದ ರಿಮೇಕ್‌ನಲ್ಲಿ ನಾಗ ಚೈತನ್ಯ ಮುಖ್ಯ ಪಾತ್ರದಲ್ಲಿ ನಟಿಸುವುದು ಖಚಿತ ಎಂದು ಟಾಲಿವುಡ್​ನಲ್ಲಿ ಸುದ್ದಿ ಹರಿದಾಡುತ್ತಿದೆ.

ವೆಂಕಟ್ ಪ್ರಭು ನಿರ್ದೇಶನದ 'ಮಾನಾಡು' ಚಿತ್ರದಲ್ಲಿ ಸಿಲಂಬರಸನ್ (ಸಿಂಬು) ಮತ್ತು ಎಸ್.ಜೆ. ಸೂರ್ಯ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿದ್ದರು. ಈ ಚಿತ್ರದ ಹಕ್ಕುಗಳನ್ನು ಪ್ರಮುಖ ಟಾಲಿವುಡ್ ನಿರ್ಮಾಣ ಸಂಸ್ಥೆ ಸುರೇಶ್ ಪ್ರೊಡಕ್ಷನ್ಸ್ ಖರೀದಿಸಿದೆ.

ಸುರೇಶ್ ಪ್ರೊಡಕ್ಷನ್ಸ್ ನಾಗ ಚೈತನ್ಯ ಅವರ ತಾಯಿಯ ಚಿಕ್ಕಪ್ಪ ದಗ್ಗುಬಾಟಿ ಸುರೇಶ್ ಅವರ ಒಡೆತನದಲ್ಲಿರುವುದರಿಂದ ನಿರ್ಮಾಣ ತಂಡವು 'ಬಂಗಾರ್ರಾಜು' ನಟನನ್ನು ಪ್ರಮುಖ ಪಾತ್ರದಲ್ಲಿ ನಟಿಸಲು ಗಾಳ ಹಾಕಿದೆ ಎನ್ನಲಾಗಿದೆ. ಕಥೆಯ ನಿರೂಪಣೆಯನ್ನು ಕೇಳಿದ ನಂತರ ಚೈತನ್ಯ ಅವರು ಗ್ರೀನ್​ ಸಿಗ್ನಲ್​ ನೀಡಿದ್ದಾರೆ ಎಂದು ಪ್ರೊಡಕ್ಷನ್ ಹೌಸ್‌ನ ಆಪ್ತ ಮೂಲಗಳಿಂದ ತಿಳಿದು ಬಂದಿದೆ.

ಓದಿ:ಸ್ವಇಚ್ಛೆಯಿಂದ ಸ್ನೇಹಿತ ಇಬ್ರಾಹಿಂ ನೋವನ್ನು ಆಲಿಸಲು ಬಂದಿದ್ದೇನೆ: ಎಸ್. ಆರ್. ಪಾಟೀಲ್

'ಮಾನಾಡು' ತೆಲುಗು ರಿಮೇಕ್ ಅನ್ನು ವೆಂಕಟ್ ಪ್ರಭು ನಿರ್ದೇಶಿಸುತ್ತಾರೆಯೇ ಎಂಬುದು ಇನ್ನೂ ತಿಳಿದಿಲ್ಲ. ಶೀಘ್ರದಲ್ಲೇ ಅಧಿಕೃತ ಹೇಳಿಕೆ ಹೊರಬೀಳುವ ನಿರೀಕ್ಷೆಯಿದೆ.

ತಮ್ಮ ಇತ್ತೀಚಿನ ಸಿನಿಮಾಗಳಾದ 'ಲವ್ ಸ್ಟೋರಿ' ಮತ್ತು 'ಬಂಗಾರ್ರಾಜು' ಯಶಸ್ಸಿನಲ್ಲಿ ಬೀಸುತ್ತಿರುವ ನಾಗ ಚೈತನ್ಯ, ವಿಕ್ರಮ್ ಕುಮಾರ್ ಅವರ 'ಧನ್ಯವಾದ' ಚಿತ್ರದ ಚಿತ್ರೀಕರಣವನ್ನು ಮುಗಿಸುವ ಹಾದಿಯಲ್ಲಿದ್ದಾರೆ. ಈ ಚಿತ್ರದಲ್ಲಿ ನಾಗ ಚೈತನ್ಯ ಜೊತೆ ರಾಶಿ ಖನ್ನಾ ಕಾಣಿಸಿಕೊಳ್ಳಲಿದ್ದಾರೆ.

ಮುಂದಿನ ದಿನಗಳಲ್ಲಿ ಚೈತನ್ಯ ಅವರನ್ನು ನಿರ್ದೇಶಿಸಲು ನಿರ್ದೇಶಕರಾದ ಪರಶುರಾಮ್, ವಿಜಯ್ ಕನಕಮೇಡಲ ಮತ್ತು ನಂದಿನಿ ರೆಡ್ಡಿ ಮಾತುಕತೆ ನಡೆಸುತ್ತಿದ್ದಾರೆ ಎನ್ನಲಾಗಿದೆ. ಪ್ರೈಮ್ ವಿಡಿಯೋದಲ್ಲಿ ಪ್ರಸಾರವಾಗಲಿರುವ ವೆಬ್ ಸರಣಿಯೊಂದರಲ್ಲಿ ಚೈತನ್ಯ ಅಭಿನಯಿಸುವ ಮೂಲಕ OTT ಪ್ರವೇಶಿಸುತ್ತಿದ್ದಾರೆ ಎಂಬ ವದಂತಿಗಳಿವೆ.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ