ಸಂಬಂಧದ ಗುಟ್ಟು ರಟ್ಟು ಮಾಡಿದ ನಟಿ ಕಿಮ್​ ಶರ್ಮಾ..ಮ್ಯಾಜಿಕ್​ ಎಂದ ಲಿಯಾಂಡರ್ ಪೇಸ್

ನಟಿ ಕಿಮ್​ ಶರ್ಮಾ ಮತ್ತು ಖ್ಯಾತ ಟೆನಿಸ್ ಆಟಗಾರ ಲಿಯಾಂಡರ್ ಪೇಸ್ ಡೇಟಿಂಗ್​ನಲ್ಲಿದ್ದು, ಇನ್​ಸ್ಟಾದಲ್ಲಿ ಕೆಲ ಫೋಟೋಗಳನ್ನು ಅಪ್ಲೋಡ್ ಮಾಡಿದ್ದಾರೆ.

ಹೈದರಾಬಾದ್: ನಟಿ ಕಿಮ್​ ಶರ್ಮಾ ಮತ್ತು ಖ್ಯಾತ ಟೆನಿಸ್ ಆಟಗಾರ ಲಿಯಾಂಡರ್ ಪೇಸ್ ಪರಸ್ಪರ ಡೇಟಿಂಗ್​ ಮಾಡುತ್ತಿದ್ದು, ತಮ್ಮ ನಡುವಿನ ಸಂಬಂಧವನ್ನು ಅಧಿಕೃತವಾಗಿ ಘೋಷಿಸಿದ್ದಾರೆ. ಗೋವಾದ ಬೀಚ್​ನಲ್ಲಿ ಇಬ್ಬರೂ ಕಾಲ ಕಳೆಯುತ್ತಿರುವ ಫೋಟೋವನ್ನು ಇನ್​ಸ್ಟಾಗೆ ಅಪ್ಲೋಡ್ ಮಾಡಿ ಮಾಹಿತಿ ಹಂಚಿಕೊಂಡಿದ್ದಾರೆ.

ಕೆಲ ದಿನಗಳಿಂದ ಕಿಮ್ ಮತ್ತು ಪೇಸ್ ನಡುವಿನ ಸಂಬಂಧದ ಬಗ್ಗೆ ಹಲವು ವದಂತಿಗಳು ಹರಿದಾಡಿದ್ದವು. ಇನ್​ಸ್ಟಾದಲ್ಲಿ ಫೋಟೋಗಳನ್ನು ಹಂಚಿಕೊಳ್ಳುವುದರ ಮೂಲಕ ಊಹಾಪೋಹಗಳಿಗೆ ಅಂತ್ಯ ಹಾಡಿದ್ದಾರೆ.

ನಟಿ ಮಾಡಿರುವ ಈ ಪೋಸ್ಟ್​ ಅನ್ನು ಲಿಯಾಂಡರ್​ ತಮ್ಮ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದ್ದು ‘ಮ್ಯಾಜಿಕ್’ ಎಂದು ಶೀರ್ಷಿಕೆ ನೀಡಿದ್ದಾರೆ. ಈ ಹಿಂದೆ ಕಿಮ್,​ ನಟ ಹರ್ಷವರ್ಧನ್​ ಜತೆ ಸಂಬಂಧ ಹೊಂದಿದ್ದರು.