ದಬಾಂಗ್​​-3 ಕಿಚ್ಚ ಸುದೀಪ್​ ಫಸ್ಟ್​​​​​ಲುಕ್ ರಿವೀಲ್ ಮಾಡಿದ ಚುಲ್​​​ಬುಲ್ ಪಾಂಡೆ.. ವಿಲನ್​ ಪಾತ್ರದ ಹೆಸರೇನು?

ಸಲ್ಮಾನ್​ ಖಾನ್​, ಅರ್ಬಾಜ್ ಖಾನ್ ನಿರ್ಮಾನದ ದಬಾಂಗ್​​-3 ರ ಕಿಚ್ಚ ಸುದೀಪ್ ಫಸ್ಟ್​​​​ಲುಕ್ ಬಿಡುಗಡೆಯಾಗಿದೆ. ಸಲ್ಮಾನ್ ಖಾನ್ ತಮ್ಮ ಟ್ವಿಟ್ಟರ್​​​ನಲ್ಲಿ ಸುದೀಪ್​ ಪೋಟೋವನ್ನು ಶೇರ್ ಮಾಡಿಕೊಂಡಿದ್ದಾರೆ. ಸಿನಿಮಾ ಡಿಸೆಂಬರ್​​ 20 ರಂದು ಬಿಡುಗಡೆಯಾಗುತ್ತಿದೆ.

ಸಲ್ಮಾನ್ ಖಾನ್ ಅಭಿನಯದ ದಬಾಂಗ್​​​-3 ಸಿನಿಮಾ ಶೂಟಿಂಗ್ ಮೊನ್ನೆಯಷ್ಟೇ ಮುಗಿದಿದೆ. ಇನ್ನು ಶೂಟಿಂಗ್ ಪ್ಯಾಕಪ್ ಮಾಡಿದ ದಿನ ವಿನೋದ್ ಖನ್ನಾ ಹುಟ್ಟುಹಬ್ಬವಾಗಿದ್ದು ಅಗಲಿದ ನಟನಿಗೆ ಸಲ್ಲುಭಾಯ್ ಶ್ರದ್ಧಾಂಜಲಿ ಕೂಡಾ ಅರ್ಪಿಸಿದ್ದಾರೆ. ಇದೀಗ ಚಿತ್ರತಂಡ ಕಿಚ್ಚ ಸುದೀಪ್ ಫಸ್ಟ್​​ಲುಕ್ ರಿವೀಲ್ ಮಾಡಿದೆ.

ಸಲ್ಮಾನ್ ಖಾನ್​​​​​​ ತಮ್ಮ ಟ್ವಿಟ್ಟರ್ ಖಾತೆ ಹೆಸರನ್ನು ಚುಲ್​​ಬುಲ್ ಪಾಂಡೆ ಎಂದು ಬದಲಿಸಿಕೊಂಡಿದ್ದು ತಮ್ಮ ಟ್ವಿಟ್ಟರ್​​ನಲ್ಲಿ ಸುದೀಪ್ ಫಸ್ಟ್​​​ಲುಕ್ ಪೋಟೋವನ್ನು ಷೇರ್ ಮಾಡಿಕೊಂಡಿದ್ದಾರೆ. 'ಎದುರಾಳಿ ಎಷ್ಟು ಬಲಶಾಲಿಯಾಗಿರುತ್ತಾನೋ ಅವನೊಂದಿಗೆ ಹೋರಾಡಲು ಅಷ್ಟೇ ಮಜ ಇರುತ್ತದೆ..ದಬಾಂಗ್​​-3 ರಲ್ಲಿ 'ಬಲ್ಲಿ' ಪಾತ್ರ ಮಾಡಿರುವ ಕಿಚ್ಚ ಸುದೀಪ್ ಅವರನ್ನು ನಿಮಗೆ ಪರಿಚಯ ಮಾಡಿಸುತ್ತಿದ್ದೇನೆ ಎಂದು ಸಲ್ಮಾನ್ ಫೋಟೋ ಜೊತೆಗೆ ಕ್ಯಾಪ್ಷನ್ ನೀಡಿದ್ದಾರೆ. ಈ ಬಹುನಿರೀಕ್ಷಿತ ಚಿತ್ರ ಹಿಂದಿ, ತಮಿಳು, ತೆಲುಗು, ಕನ್ನಡ ಸೇರಿ ಒಟ್ಟು ನಾಲ್ಕು ಭಾಷೆಗಳಲ್ಲಿ ಬಿಡುಗಡೆಯಾಗುತ್ತಿದೆ. ದಬಾಂಗ್​ ಹಾಗೂ ದಬಾಂಗ್​​​-2 ರಲ್ಲಿ ಚುಲ್​​​ಬುಲ್ ಪಾಂಡೆ ಆಗಿ ನಟಿಸಿದ್ದ ಸಲ್ಮಾನ್ ಇಲ್ಲೂ ಅದೇ ಪಾತ್ರ ಮಾಡುತ್ತಿದ್ದಾರೆ. ಸಲ್ಮಾನ್ ಖಾನ್ ಫಿಲಮ್ಸ್ ಹಾಗೂ ಅರ್ಬಾಜ್ ಖಾನ್ ಪ್ರೊಡಕ್ಷನ್ ಬ್ಯಾನರ್ ಅಡಿ ಡ್ಯಾನ್ಸಿಂಗ್​ ಸ್ಟಾರ್ ಪ್ರಭುದೇವ ಈ ಸಿನಿಮಾವನ್ನು ನಿರ್ದೇಶಿಸಿದ್ದಾರೆ. ಡಿಸೆಂಬರ್ 20 ರಂದು ಸಿನಿಮಾ ಬಿಡುಗಡೆಯಾಗುತ್ತಿದ್ದು ಸಲ್ಮಾನ್ ಹಾಗೂ ಸುದೀಪ್ ಇಬ್ಬರನ್ನೂ ತೆರೆ ಮೇಲೆ ಒಟ್ಟಿಗೆ ನೋಡಲು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.