ದಂಪತಿಯಾಗಿ ಮೊದಲ ಹೋಳಿ ಆಚರಿಸಿಕೊಂಡ ಕತ್ರಿನಾ-ವಿಕ್ಕಿ

ಕಳೆದ ಡಿಸೆಂಬರ್‌ನಲ್ಲಿ ವಿವಾಹವಾದ ನಂತರ ಕತ್ರಿನಾ ಮತ್ತು ವಿಕ್ಕಿಯ ದಂಪತಿ ಮೊದಲ ಹೋಳಿ ಹಬ್ಬದ ಸಂಭ್ರಮದಲ್ಲಿ ಭಾಗಿಯಾಗಿದ್ದು, ವಿಕ್ಕಿ ಪೋಷಕರೊಂದಿಗೆ ಕತ್ರಿನಾ ಸಂಭ್ರಮಿಸಿದ್ದಾರೆ..

ಹೈದರಾಬಾದ್,ತೆಲಂಗಾಣ :ಬಾಲಿವುಡ್ ಜೋಡಿಯಾದ ಕತ್ರಿನಾ ಕೈಫ್ ಮತ್ತು ವಿಕ್ಕಿ ಕೌಶಲ್ ದಂಪತಿ ಅದ್ಧೂರಿಯಾಗಿ ಹೋಳಿ ಹಬ್ಬ ಆಚರಣೆ ಮಾಡಿದ್ದು, ಅಭಿಮಾನಿಗಳಿಗೆ ಹೋಳಿ ಹಬ್ಬದ ಶುಭಾಶಯ ತಿಳಿಸಿದ್ದಾರೆ. ತನ್ನ ಅತ್ತೆಯೊಂದಿಗೆ ಹೋಳಿ ಆಚರಿಸಿದ ಕತ್ರಿನಾ ಕೈಫ್, ಸಾಮಾಜಿಕ ಜಾಲತಾಣದಲ್ಲಿ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಕಳೆದ ಡಿಸೆಂಬರ್‌ನಲ್ಲಿ ವಿವಾಹವಾದ ನಂತರ ಕತ್ರಿನಾ ಮತ್ತು ವಿಕ್ಕಿ ದಂಪತಿಯ ಮೊದಲ ಹೋಳಿ ಹಬ್ಬ ಇದಾಗಿದೆ.

ಗುರುವಾರ ರಾತ್ರಿಯಷ್ಟೇ ಅಪೂರ್ವ ಮೆಹ್ತಾ ಅವರ ಹುಟ್ಟುಹಬ್ಬದ ಸಮಾರಂಭದಲ್ಲಿ ಆಕರ್ಷಕವಾಗಿ ಕಾಣಿಸಿಕೊಂಡಿದ್ದ ಕತ್ರಿನಾ ಮತ್ತು ವಿಕ್ಕಿ ದಂಪತಿ ಈಗ ಕುಟುಂಬದೊಂದಿಗೆ ಹೋಳಿ ಆಚರಣೆ ಮಾಡಿದ್ದಾರೆ.

ಕತ್ರಿನಾ ಸಾಮಾಜಿಕ ಜಾಲತಾಣದಲ್ಲಿ ಎರಡು ಚಿತ್ರಗಳನ್ನು ಹಂಚಿಕೊಂಡಿದ್ದು, ಹ್ಯಾಪಿ ಹೋಳಿ ಎಂದು ಬರೆದಿದ್ದಾರೆ. ವಿಕ್ಕಿಯ ಪೋಷಕರಾದ ಶಾಮ್ ಮತ್ತು ವೀಣಾ ಕೌಶಲ್ ಹಾಗೂ ವಿಕ್ಕಿಯ ಕಿರಿಯ ಸಹೋದರ ಸನ್ನಿ ಕೌಶಲ್ ಕೂಡ ಹಬ್ಬದಲ್ಲಿ ಭಾಗಿಯಾಗಿದ್ದಾರೆ. ವಿಕ್ಕಿ ಕೂಡ ತಮ್ಮ ಇನ್‌ಸ್ಟಾಗ್ರಾಮ್ ಹ್ಯಾಂಡಲ್‌ನಲ್ಲಿ ಅದೇ ಚಿತ್ರವನ್ನು ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ:ಮೊದಲ ಮಗುವಿನ ನಿರೀಕ್ಷೆಯಲ್ಲಿ ಬಹುಭಾಷಾ ನಟಿ ಕಾಜಲ್ ಅಗರ್ವಾಲ್ ಬೇಬಿ ಬಂಪ್​ ಫೋಟೋಶೂಟ್​