ಪಟೌಡಿ ಕುಟುಂಬಕ್ಕೆ ಪುಟಾಣಿ ಆಗಮನ: ಸೈಫೀನಾ ದಂಪತಿಗೆ ಗಂಡು ಮಗು

ಮುಂಬೈನ ಬ್ರಿಡ್ಜ್​ ಕ್ಯಾಂಡಿ ಆಸ್ಪತ್ರೆಯಲ್ಲಿ ನಟಿ ಕರೀನಾ ಕಪೂರ್​ ಖಾನ್ ಗಂಡು ಮಗುವಿಗೆ ಜನ್ಮ ನೀಡಿದ್ದು, ಪಟೌಡಿ ಕುಟುಂಬಕ್ಕೆ ಮತ್ತೊಬ್ಬ ಸದಸ್ಯನ ಎಂಟ್ರಿಯಾಗಿದೆ.

ಮುಂಬೈ:ಬಾಲಿವುಡ್ ನಟ ಸೈಫ್ ಅಲಿ ಖಾನ್​ ಹಾಗೂ ನಟಿ ಕರೀನಾ ಕಪೂರ್​ ಖಾನ್​ ತಮ್ಮ ಎರಡನೇ ಮಗುವನ್ನು ಬರಮಾಡಿಕೊಂಡಿದ್ದಾರೆ. ಮುಂಬೈನ ಬ್ರಿಡ್ಜ್​ ಕ್ಯಾಂಡಿ ಆಸ್ಪತ್ರೆಯಲ್ಲಿ ಕರೀನಾ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ.

ಕರೀನಾಳ ಸೋದರಸಂಬಂಧಿ, ನಟ ರಣಬೀರ್​ ಕಪೂರ್​ ಸಹೋದರಿಯೂ ಆಗಿರುವ ರಿಧಿಮಾ ಕಪೂರ್​ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಈ ಸಂತಸದ ವಿಚಾರವನ್ನ ಹಂಚಿಕೊಂಡು ಬೆಬೊ ಮತ್ತು ಸೈಫ್​ಗೆ ವಿಶ್​ ಮಾಡಿದ್ದಾರೆ.

ಸೈಫ್ ಅಲಿ ಖಾನ್​ - ಕರೀನಾ ಕಪೂರ್​ ಖಾನ್

ಸೆಲೆಬ್ರಿಟಿ ಫ್ಯಾಷನ್ ಡಿಸೈನರ್ ಮತ್ತು ಕರೀನಾ ಅವರ ಆಪ್ತ ಸ್ನೇಹಿತ ಮನೀಶ್ ಮಲ್ಹೋತ್ರಾ ಕೂಡ ಇನ್ಸ್ಟಾಗ್ರಾಮ್​ನಲ್ಲಿ ಬಾಳಿವುಡ್​ ದಂಪತಿಗೆ ಅಭಿನಂದಿಸಿದ್ದಾರೆ.

ಸೈಫ್ ಅಲಿ ಖಾನ್​ ಹಾಗೂ ಕರೀನಾ ಕಪೂರ್​ ಖಾನ್​ಗೆ ನಾಲ್ಕು ವರ್ಷದ ಮಗ ತೈಮೂರ್​​ ಇದ್ದು, ಪಟೌಡಿ ಕುಟುಂಬಕ್ಕೆ ಮತ್ತೊಬ್ಬ ಸದಸ್ಯನ ಎಂಟ್ರಿಯಾಗಿದೆ.