ಮಾಲ್ಡೀವ್ಸ್​ನಲ್ಲಿ ಕರೀನಾ& ಫ್ಯಾಮಿಲಿ..ಜಾಲತಾಣದಲ್ಲಿ ಫೋಟೋ ವೈರಲ್..!

ಕರೀನಾ ಕಪೂರ್​ ಸದ್ಯ ಕುಟುಂಬದೊಂದಿಗೆ ಮಾಲ್ಡೀವ್ಸ್​ನಲ್ಲಿ ಕಾಲ ಕಳೆಯುತ್ತಿದ್ದು, ಕೆಲ ಫೋಟೋಗಳನ್ನು ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.

ಮುಂಬೈ: ಬಾಲಿವುಡ್ ನಟಿ ಕರೀನಾ ಕಪೂರ್ ಖಾನ್ ಸದ್ಯ ಮಾಲ್ಡೀವ್ಸ್​ನಲ್ಲಿ ಕುಟುಂಬದ ಜತೆ ಸಂತಸದಿಂದ ದಿನಗಳನ್ನು ಕಳೆಯುತ್ತಿದ್ದಾರೆ. ಪತಿ ಸೈಫ್ ಅಲಿ ಖಾನ್​ರ ಹುಟ್ಟುಹಬ್ಬವನ್ನೂ ಅಲ್ಲೇ ಆಚರಿಸಿರುವ ಕರೀನಾ, ಕುಟುಂಬದೊಂದಿಗೆ ತೆಗೆಸಿಕೊಂಡ ಚಿತ್ರಗಳನ್ನು ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.

ಪುತ್ರ ಜಹಾಂಗೀರ್ ಜತೆ ಕರೀನಾ ಕಪೂರ್

ಇನ್​ಸ್ಟಾದಲ್ಲಿ ಮಗ ಜಹಾಂಗೀರ್ ತನ್ನ ಎದೆ ಮೇಲೆ ನಿದ್ರೆಗೆ ಜಾರಿರುವ ಫೋಟೋವೊಂದನ್ನು​​ ಕರೀನಾ ಕಪೂರ್​ ಹಂಚಿಕೊಂಡಿದ್ದಾರೆ.

ಮತ್ತೊಂದು ಫೋಟೋದಲ್ಲಿ ಕಪ್ಪು ಬಣ್ಣದ ಈಜುಡುಗೆಯಲ್ಲಿ ಮಿಂಚುತ್ತಿರುವ ಕರೀನಾ, ಬಿಸಿಲಿಗೆ ಮುಖ ಮಾಸಿರುವುದನ್ನೂ ಕಾಣಿಸುತ್ತಾ ಸೆಲ್ಫಿ ತೆಗೆದು ಹಂಚಿಕೊಂಡಿದ್ದಾರೆ. ಜೊತೆಗೆ ಅದಕ್ಕೆ ‘ಸೆಲ್ಫಿ ಸಿರೀಸ್ ಕಂಟಿನ್ಯೂಯಸ್’ ಎಂದು ಶೀರ್ಷಿಕೆ ಕೊಟ್ಟಿದ್ದಾರೆ.