'ದಿ ಫ್ಯಾಮಿಲಿ ಮ್ಯಾನ್ 2' ಟ್ರೈಲರ್‌: ಸಮಂತಾ ಅಕ್ಕಿನೇನಿ ಹೊಗಳಿದ ಕಂಗನಾ

ದಿ ಫ್ಯಾಮಿಲಿ ಮ್ಯಾನ್ 2 ಸೀರೀಸ್​ನ ಸ್ನ್ಯಾಪ್‌ಶಾಟ್​ ಅನ್ನು ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡ ಕಂಗನಾ, ಸಮಂತಾ ಅಕ್ಕಿನೇನಿ ಅವರನ್ನು ಹೊಗಳಿದ್ದಾರೆ.

ಮುಂಬೈ (ಮಹಾರಾಷ್ಟ್ರ):ಮುಂಬರುವ ವೆಬ್ ಸರಣಿ "ದಿ ಫ್ಯಾಮಿಲಿ ಮ್ಯಾನ್ 2"ನ ಟ್ರೈಲರ್​ನಲ್ಲಿ ದಕ್ಷಿಣದ ತಾರೆ ಸಮಂತಾ ಅಕ್ಕಿನೇನಿ ಅವರನ್ನು ಕಂಗನಾ ರಣಾವತ್ ಹೊಗಳಿದ್ದು, ಈ ಕುರಿತು ಇನ್​ಸ್ಟಾಗ್ರಾಮ್​ನಲ್ಲಿ ಬರೆದಿದ್ದಾರೆ.

ನಿನ್ನೆ ದಿ ಫ್ಯಾಮಿಲಿ ಮ್ಯಾನ್ 2ನ ಟ್ರೈಲರ್ ಬಿಡುಗಡೆಯಾಗಿದೆ. "ಈ ಹುಡುಗಿ ನನ್ನ ಹೃದಯ ಗೆದ್ದಿದ್ದಾಳೆ" ಎಂದು ಸಮಂತಾಳನ್ನು ಒಳಗೊಂಡ ಟ್ರೈಲರ್‌ನ ಸ್ನ್ಯಾಪ್‌ಶಾಟ್ ಹಂಚಿಕೊಳ್ಳುತ್ತಾ ಕಂಗನಾ ಬರೆದಿದ್ದಾರೆ.

ಕಂಗನಾ ರಣಾವತ್ ಇನ್​ಸ್ಟಾಗ್ರಾಮ್ ಸ್ಟೋರಿ

ಜನಪ್ರಿಯ ವೆಬ್ ಸರಣಿ "ದಿ ಫ್ಯಾಮಿಲಿ ಮ್ಯಾನ್"ನ ಎರಡನೇ ಸೀಸನ್ ಜೂನ್ 4ರಂದು ಅಮೆಜಾನ್ ಪ್ರೈಮ್​ನಲ್ಲಿ ರಿಲೀಸ್ ಆಗಲಿದೆ.

ಮನೋಜ್ ಬಾಜಪೇಯಿ, ಪ್ರಿಯಮಣಿ ರಾಜ್, ಶರೀಬ್ ಹಶ್ಮಿ, ಸೀಮಾ ಬಿಸ್ವಾಸ್, ದರ್ಶನ್ ಕುಮಾರ್, ಶರದ್ ಕೇಲ್ಕರ್, ಸನ್ನಿ ಹಿಂದೂಜಾ ಮತ್ತು ಶ್ರೇಯಾ ಧನ್ವಂತರಿ ಅವರು ಸೀರೀಸ್​ನಲ್ಲಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.